គាំទ្រសហគ្រាសបែលហ្ស៊ិកវិនិយោគនៅវៀតណាម
នារសៀលថ្ងៃទី២ ខែវិច្ឆិកា ឆ្នាំ២០១៧ នៅទីក្រុងហាណូយ ឧបនាយករដ្ឋមន្ត្រីវៀតណាមលោក Vuong Dinh Hue បានជួបសន្ទនាជាមួយលោក Johan Vande Lanotte អភិបាលទីក្រុង Ostend អតីតឧបនាយករដ្ឋមន្ត្រីបែលហ្ស៊ិក។ នៅទីនេះ លោក Vuong Dinh Hue បានអះអាងថា៖ រដ្ឋាភិបាលវៀតណាមបន្តកសាងបរិយាកាសវិនិយោគអាជីវកម្មប្រកបដោយតម្លាភាព ស្និទ្ធិស្នាល បើកចំហបង្កលក្ខណះងាយស្រួលបំផុតសំរាប់សហគ្រាសនានា។ វៀតណាមគាំទ្របណ្ដាសហគ្រាសបែលហ្ស៊ិកបង្កើនវិនិយោគនៅវៀតណាមលើកទឹកចិត្តសហគ្រាសអឺរ៉ុបនិងបែលហ្ស៊ិកជំរុញដំណើរចុះហត្ថលេខា និងអនុម័តលើកិច្ចព្រមព្រៀងពាណិជ្ជកម្មសេរីរវាងវៀតណាមនិង EUដើម្បីផលប្រយោជន៍នៃប្រទេសទាំងពីរ។
រីឯ លោក Johan Vande Lanotte អភិបាលទីក្រុង Ostend បានអោយដឹងថា៖ សហគ្រាសបែលហ្ស៊ិកមានគោលបំណងជំរុញសកម្មភាពវិនិយោគ កិច្ចសហប្រតិបត្តិការនៅតំបន់ផ្សេងៗនៅវៀតណាម ក្នុងវិស័យជាច្រើន។ លោកក៏បានសម្ដែងនូវការគាំទ្រការអនុម័តនិងអនុវត្តកិច្ចព្រមព្រៀងពាណិជ្ជកម្មសេរីរវាងអឺរ៉ុបនិងវៀតណាម៕
តាម VOV5 - វិទ្យុសម្លេងវៀតណាម
