អាជីវកម្មជាច្រើនមានការបញ្ជាទិញធំៗ ហើយកំពុងរៀបចំផែនការជ្រើសរើសនិងពង្រីកផលិតកម្មដើម្បីបំពេញតម្រូវការ។ លោក Dang Tuan Tu ប្រធានសហជីពមូលដ្ឋាននៃក្រុមហ៊ុនចំកាត់ Changshin វៀតណាម (ស្រុក Vinh Cuu) បានឲ្យដឹងថា៖ “ក្រុមហ៊ុននឹងបើកខ្សែសង្វាក់ផលិតកម្មដែលបានបិទពីមុនឡើងវិញ ហើយជួលកម្មករបន្ថែមទៀត។ ក្រុមហ៊ុននឹងផ្តោតលើការផលិតនៅនឹងកន្លែង ពោលគឺ មុននេះ មានគ្រឿងខ្លះត្រូវនាំចេញទៅផលិតនៅខាងក្រៅ   ប៉ុន្តែឥឡូវនេះ ការផលិតនឹងត្រូវបានរៀបចំនៅរោងចក្រដោយកាត់បន្ថយការជួលធ្វើនៅខាងក្រៅ”។

ដើម្បីពង្រីកផលិតកម្មដើម្បីបំពេញការបញ្ជាទិញចាប់ពីដើមឆ្នាំ ២០២៥ ក្រុមហ៊ុន និងអាជីវកម្មជាច្រើននៅក្នុងខេត្ត Dong Nai កំពុងជ្រើសរើសបុគ្គលិកដែលមានជំនាញមួយចំនួនធំនៅក្នុងឧស្សាហកម្មស្បែកជើង កាត់ដេរ គ្រឿងយន្ត និងអេឡិចត្រូនិច។

នៅទីក្រុងហូជីមិញ កម្មករនិយោជិតជិត ៩០% នៃសហគ្រាសបានវិលត្រឡប់ទៅធ្វើការវិញក្រោយពិធីបុណ្យតេត ឆ្នាំ ២០២៥។ សហព័ន្ធសហជីពការងារទីក្រុងហូជីមិញបានស្នើឱ្យអង្គភាពពាក់ព័ន្ធត្រួតពិនិត្យយ៉ាងសកម្ម នូវសកម្មភាពផលិតកម្មនិងអាជីវកម្ម និងអនុលោមតាមច្បាប់ការងារនៅសហគ្រាស៕