• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ក្រុមហ៊ុនគ្រឿងអលង្ការដ៏ធំបំផុតរបស់ពិភពលោកនឹងសាងសង់រោងចក្រតម្លៃ ១៥០ លានដុល្លារអាមេរិកនៅខេត្ត Binh Duong

យោងតាមការប្រកាសរបស់ស្ថានទូតដាណឺម៉ាកប្រចាំនៅវៀតណាម ក្រុមហ៊ុនគ្រឿងអលង្ការធំជាងគេ លើពិភពលោក Pandora នឹងចាប់ផ្តើមសាងសង់រោងចក្រ Pandora Production Vietnam នៅមណ្ឌលឧស្សាហកម្ម VSIP ៣ ក្នុងខេត្ត Binh Duong នាថ្ងៃទី ១៦ ឧសភា។
មណ្ឌលឧស្សាហកម្ម VSIP ៣ នៅ Binh Duong ជាកន្លែងប្រមូលផ្តុំគម្រោងធំៗជាច្រើនរបស់សហគ្រាសដាណឺម៉ាក (រូបថត៖ plo.vn)

គម្រោងនេះជារោងចក្រផលិតទីបីរបស់ Pandora និងជារោងចក្រដំបូងគេដែលបានសាងសង់នៅក្រៅប្រទេសថៃ។  តាមគម្រោង រោងចក្ររបស់ Pandora នឹងមានទុនសាងសង់សរុបរហូតដល់ ១៥០ លានដុល្លារអាមេរិក នឹងជួយបង្កើតការងារឱ្យពលករជាង ៧.០០០នាក់   និងផលិតគ្រឿងអលង្ការចំនួន ៦០ លានផលិតផល ក្នុងមួយឆ្នាំ។ គ្រឿងអលង្ការដែលផលិតនៅរោងចក្រក្នុងប្រទេសវៀតណាមនឹងមានចំនួន ១/៣ នៃផលិតភាពសកលរបស់ Pandora។

យោងតាមស្ថានទូតដាណឺម៉ាក រោងចក្រ Pandora Production Vietnam នឹងប្រើប្រាស់ប្រភពថាមពលកកើតឡើងវិញ ១០០% ដោយហេតុនេះរួមចំណែកដល់គោលដៅផ្លាស់ប្តូរបៃតងក្នុងប្រទេសវៀតណាម នៅពេលដំណើរការស្របតាមស្តង់ដារអភិវឌ្ឍន៍ប្រកបដោយចីរភាពខ្ពស់បំផុតនៅទូទាំងខ្សែសង្វាក់តម្លៃផលិតកម្មទាំងមូល។

ចែករំលែកហេតុផលជ្រើសរើសប្រទេសវៀតណាម តំណាងក្រុមហ៊ុន Pandora Jewelry Group បាននិយាយថា អាជីវកម្មនេះគិតគូរយ៉ាងយកចិត្តទុកដាក់លើប្រទេសចំនួន ២៧ ហើយចុងក្រោយជ្រើសរើសខេត្ត Binh Duong របស់វៀតណាមដើម្បីកំណត់ទីតាំងរោងចក្ររបស់ខ្លួនដោយសារកត្តាជាច្រើន។ ជាពិសេស វៀតណាមមានប្រវត្តិសិល្បៈហត្ថកម្មដ៏សម្បូរបែប ហើយអាជីវកម្មនេះអាចរកឃើញក្រុមជាងដែក និងសិប្បករដែលមានជំនាញជាច្រើន។ ទន្ទឹមនឹងនោះ ខេត្ត Binh Duong និងមណ្ឌលឧស្សាហកម្មវៀតណាម-សិង្ហបុរី (VSIP ៣) មានហេដ្ឋារចនាសម្ព័ន្ធល្អ។ រោងចក្រដែលមានទីតាំងនៅ Binh Duong មានគុណសម្បត្តិដែលមានទីតាំងនៅជិតព្រលានយន្តហោះ ងាយស្រួលក្នុងដំណើរការដឹកជញ្ជូន និងនាំចេញផលិតផល។ ជាមួយគ្នានេះ ក្រុមនេះក៏ទទួលបានការគាំទ្រយ៉ាងសកម្មពីអាជ្ញាធរ និងគណៈគ្រប់គ្រងនៃមណ្ឌលឧស្សាហកម្ម VSIP ៣ ផងដែរ៕

តាម​ VOV5 - វិទ្យុសម្លេងវៀតណាម

បេតិកភណ្ឌឯកសាររបស់វៀតណាមបន្តបង្កើតសញ្ញាសម្គាល់លើឆាកអន្តរជាតិ

បេតិកភណ្ឌឯកសាររបស់វៀតណាមបន្តបង្កើតសញ្ញាសម្គាល់លើឆាកអន្តរជាតិ

នៅក្នុងសម័យប្រជុំលើកទី១១ នៃគណៈកម្មាធិការកម្មវិធី ចងចាំពិភពលោក ប្រចាំតំបន់អាស៊ី-ប៉ាស៊ីហ្វិក របស់អង្គការយូណេស្កូ ដែលបានប្រព្រឹត្តទៅកាលពីថ្ងៃទី៥ ខែវិច្ឆិកា នៅទីក្រុងហ្សាការតា ប្រទេសឥណ្ឌូនេស៊ី ឯកសារចំនួនពីរ រួមមាន «សិលាចារឹកនៅតំបន់ Pho Hien» នៃខេត្តហ៊ឹងអៀន និង «សិលាចារឹកលើភ្នំ Non Nuoc» នៃខេត្តនិញបិញ ត្រូវបានចុះបញ្ជី​ជា​បេតិកភណ្ឌឯកសារតំបន់អាស៊ី-ប៉ាស៊ីហ្វិកជាផ្លូវការ។

Top