• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ក្រុមប្រទេស G7 មានឱកាសក្លាយទៅជាវិនិយោគិនយុទ្ធសាស្ត្រក្នុងវិស័យថាមពលកកើតឡើងវិញនៅវៀតណាម

នាយករដ្ឋមន្រ្តីកាណាដាលោក Justin Trudeau បានអញ្ជើញនាយករដ្ឋមន្រ្តីវៀតណាមលោក Nguyen Xuan Phuc ចូលរួមកិច្ចប្រជុំកំពូលក្រុម G7 ក្នុងខែមិថុនា។ ប្រធានបទមួយក្នុងចំណោមប្រធានបទស្នូលៗនៃកិច្ចប្រជុំលើកនេះគឺបម្រែបម្រួលអាកាសធាតុ មហាសមុទ្រនិងថាមពលស្អាត។

 នាយករដ្ឋមន្រ្តីវៀតណាមលោក Nguyen Xuan Phuc

ឆ្លើយសម្ភាសន៍ជាមួយទីភ្នាក់ងារសារព័ត៌មាន Reuters ស្ដីពីវិធានការរបស់វៀតណាមសំដៅជំរុញនិងបង្កភាពងាយ​ស្រួលសំរាប់ការអភិវឌ្ឍនិងការវិនិយោគចូលក្នុងវិស័យថាមពលស្អាតនិងថាមពលកកើតឡើងវិញ នាយករដ្ឋមន្រ្តីវៀតណាមលោក Nguyen Xuan Phuc បានឲ្យដឹងថា វៀតណាមកំពុងអនុវត្តន៍យុទ្ធសាស្ត្រអភិវឌ្ឍថាមពលកកើត​ឡើងវិញដល់ឆ្នាំ២០៣០និងទស្សនៈវិស័យដល់ឆ្នាំ២០៥០។ គោលដៅជាក់ស្ដែងមួយចំនួននៃយុទ្ធសាស្ត្រនេះរួម​មាន៖ បន្ធូរស្រាលការបញ្ចេញឧស្ម័នផ្ទះកញ្ចក់ កាត់បន្ថយការប្រើប្រាស់ធ្យូងចំនួន ៤០ លានតោននិងប្រេងចំ​នួន​ ៣,៧ លានតោនក្នុងឆ្នាំ២០៣០ បង្កើនបរិមាណផលអគ្គីសនីដែលបានផលិតពីថាមពលកកើតឡើងវិញ ឡើងដល់ទៅ១៨៦ពាន់លាន kWh នាឆ្នាំ២០៣០ និងបង្កើនអត្រាគ្រួសារដែលមានឧបករណ៍ប្រើប្រាស់ថាមពលព្រះអាទិត្យឡើងទៅយ៉ាងហោចណាស់ ២៦% នាឆ្នាំ២០៣០។

ស្ដីពីប្រធានបទថាមពលស្អាត នាយករដ្ឋមន្រ្តីលោក Nguyen Xuan Phuc បានសង្កត់ធ្ងន់ថា រដ្ឋាភិបាល​វៀត​ណាម​បាននិងកំពុងអនុវត្តន៍យន្តការ គោលនយោបាយជាច្រើន សំដៅទាក់ទាញវិនិយោគិននៅក្នុងនិងក្រៅប្រទេសមកធ្វើអាជីវកម្មលើវិស័យនេះ។

លោក Nguyen Xuan Phuc អះអាងថា វៀតណាមត្រៀមខ្លួនជាស្រេចសហការនិងបង្កភាពងាយស្រួលសំរាប់ដៃគូទាំងអស់ ហើយជឿជាក់ថា វិនិយោគិននៃក្រុមប្រទេស G7 នឹងមានឱកាសជាច្រើនដើម្បីក្លាយទៅជាវិនិយោគិនយុទ្ធសាស្ត្រក្នុងវិស័យថាមពលកកើតឡើងវិញនៅវៀតណាម៕

តាម VOV5 - វិទ្យុសម្លេងវៀតណាម

សិស្សវៀតណាមទាំង៨នាក់ឈ្នះមេដាយក្នុងព្រឹត្តិការណ៍កីឡាអូឡាំពិកអាស៊ីឆ្នាំ២០២៥

សិស្សវៀតណាមទាំង៨នាក់ឈ្នះមេដាយក្នុងព្រឹត្តិការណ៍កីឡាអូឡាំពិកអាស៊ីឆ្នាំ២០២៥

ក្រសួងអប់រំនិងបណ្តុះបណ្តាលបានប្រកាសនាថ្ងៃទី១១ ឧសភា ថា សិស្សទាំង ៨ នាក់ក្នុងក្រុមជម្រើសជាតិវៀតណាម ចូលរួមប្រកួតកីឡាអូឡាំពិកអាស៊ីឆ្នាំ ២០២៥ (APhO) ដែលប្រព្រឹត្តទៅ នៅប្រទេសអារ៉ាប៊ីសាអូឌីត ចាប់ពីថ្ងៃទី ៤ ដល់ ១២ ឧសភា សុទ្ធតែទទួលបានមេដាយ។ ក្នុងនោះមេដាយមាស៣ចំនួន ៣ គ្រឿង មេដាយប្រាក់៣ចំនួន ៣គ្រឿង មេដាយសំរឹទ្ធចំនួន ២ គ្រឿង។

Top