កាលពីថ្ងៃទី ១៥ ខែមេសា កូរ៉េខាងត្បូងបានសម្រេចចិត្តចូលរួមកិច្ចព្រមព្រៀង គ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ក្នុង បរិបទដែលប្រទេសនេះស្វែងរកការធ្វើពិពិធកម្មផលប័ត្រនាំចេញ ខណៈដែលសេដ្ឋ កិច្ចក្នុងស្រុកជួបអស្ថិរភាពកាន់តែកើនឡើង។ មន្ត្រីកូរ៉េខាងត្បូងបានឲ្យដឹងថា ការ សម្រេចចិត្តចូលរួម CPTPP ត្រូវបានអនុម័តនៅក្នុងកិច្ចប្រជុំបណ្ដារដ្ឋមន្រ្តីពាក់ព័ន្ធដល់ សេដ្ឋកិច្ចកាលពីថ្ងៃទី ១៥ ខែមេសា ហើយរដ្ឋាភិបាលនឹងដាក់ពាក្យជាផ្លូវការសុំចូលជា សមាជិកនៅពេលដែលបញ្ចប់នីតិវិធីក្នុងស្រុក រួមទាំងការរាយការណ៍ទៅកាន់រដ្ឋសភា ផងដែរ។
គួរជម្រាបបន្ថែមទៀតថា បច្ចុប្បន្ននេះ CPTPP មានប្រទេសសមាជិកចំនួន ១១ រួមមាន អូស្ត្រាលី ប្រ៊ុយណេ កាណាដា ឈីលី ជប៉ុន ម៉ាឡេស៊ី ម៉ិកស៊ិក នូវែលសេឡង់ ប៉េរូ សិង្ហបុរី និងវៀតណាម។ យោងតាមរបាយការណ៍របស់វិទ្យាស្ថានសេដ្ឋកិច្ច ឧស្សាហកម្ម និងពាណិជ្ជកម្មកូរ៉េខាងត្បូង ទំហំពាណិជ្ជ កម្មសរុបរបស់ប្រទេស សមាជិក CPTPP ទាំង១១ សម្រេចបានចំនួន៥,៧ លានលានដុល្លាអាមេរិកក្នុងឆ្នាំ ២០១៩ ដែលស្មើនឹង ១៥,២% នៃទំហំពាណិជ្ជកម្មសកល៕
