ទិដ្ឋភាពនៅសិក្ខាសាលា (រូបថត៖ Bnews)
នាព្រឹកថ្ងៃទី២ ខែមិថុនា ឆ្នាំ២០២០ នៅទីក្រុងហាណូយ វិទ្យាស្ថានសេដ្ឋកិច្ចវៀត ណាមបានរៀបចំសិក្ខាសាលាក្រោមប្រធានបទ “ការអភិវឌ្ឍពាណិជ្ជកម្ម អេឡិចត្រូនិកបង្កើតឡើងប្រៀបខ្លាំងក្នុងការប្រួតប្រជែងសម្រាប់ សហគ្រាស”។ យោងតាមការព្យាករណ៍ថា ទីផ្សារពាណិជ្ជកម្មអេឡិចត្រូនិកនៅវៀតណាម កំពុងមានកំណើនប្រកបដោយស្ថិរភាពចំនួន៣០%ក្នុងមួយឆ្នាំ ហើយទំនង ជាសម្រេចបានតម្លៃ១៣ពាន់ លានដុល្លាអាមេរិកក្នុងឆ្នាំ២០២០។ ថ្លែងនៅ សិក្ខាសាលានេះ លោក Le Xuan Sang អនុប្រធានវិទ្យាស្ថានសេដ្ឋកិច្ចវៀត ណាមបានឲ្យដឹងថា៖
“វៀតណាមមានសក្ដានុពលធំ ដោយសារយើងមានអត្រាជនវ័យក្មេង ខ្ពស់ តម្រូវការជួញដូរទំនិញធំ ហើយជាពិសេសគឺយើងមានមូលដ្ឋានគ្រឹះ ខាងទូរគមនាគមន៍និងប្រព័ន្ធអ៊ីនធឺណែតមានការអភិវឌ្ឍ”។
ក្រៅពីឧត្តមភាពដែលមានស្រាប់ បណ្ដាអ្នកជំនាញក៏បានចាត់ទុកថា ដើម្បីអភិវឌ្ឍសហគ្រាសពាណិជ្ជកម្មអេឡិចត្រូនិកប្រកបដោយប្រសិទ្ធភាពនោះ គឺត្រូវការជំរុញខ្លាំងនូវការងារកសាងនិងសុក្រិតប្រព័ន្ធច្បាប់ស្ដីពី ពាណិជ្ជកម្មអេឡិចត្រូនិកឲ្យបានព្រមៗគ្នា។ ចំពោះសហគ្រាស គឺត្រូវការ កសាងបាននូវជំនឿទុកចិត្តចំពោះអតិថិជន និងអ្នកប្រើប្រាស់៕
តាម VOV5 - វិទ្យុសំឡេងវៀតណាម
