ព័ត៌មានក្នុងអង្គប្រជុំបានបង្ហាញថា តាមការព្យាករណ៍នៅពេលល្ងាច និងយប់ស្អែក (១៨ កក្កដា) ព្យុះទីហ្វុង Talim នឹងចូលដីគោកនៃប្រទេសវៀតណាម ហើយនេះជាព្យុះដ៏ខ្លាំងក្នុងរយៈពេល៥ឆ្នាំកន្លងមក ដូច្នេះសកម្មភាពឆ្លើយតបជាមួយព្យុះដែលត្រូវបញ្ចប់នៅព្រឹកថ្ងៃ ១៧ កក្កដានេះ។ ដើម្បីឆ្លើយតបនឹងព្យុះ ចាប់ពីម៉ោង ១២ ថ្ងៃត្រង់ថ្ងៃ ១៧ នេះ បណ្តាខេត្ត ពី ខេត្ត Quang Ninh ដល់ខេត្ត Nam Dinh នឹងអនុវត្តការហាមប្រាមលើសមុទ្រ ចំណែកទីក្រុង Hai Phong នឹងហាមទៅនេសាទសមុទ្រនៅម៉ោង ៩ យប់នេះ។ អញ្ជើញដឹកនាំកិច្ចប្រជុំនេះ ឧបនាយករដ្ឋមន្ត្រីលោក Tran Luu Quang បានស្នើឲ្យក្រសួង ស្ថាប័ន និងមូលដ្ឋានអនុវត្តយ៉ាងម៉ឺងម៉ាត់នូវសារទូរលេខរបស់នាយករដ្ឋមន្ត្រីស្តីពីការឆ្លើយតបនឹងព្យុះទីហ្វុង Talim៖
“មិនត្រូវធ្វេសប្រហែសនិងបរានុម៍តទាល់តែសោះ ត្រូវមានភាពបត់បែន និងសម្របសម្រួលយ៉ាងសកម្មក្នុងការឆ្លើយតបនឹងព្យុះ និងមានផែនការជាក់ស្តែងសម្រាប់កាលៈទេសៈនីមួយៗ។ ជាមួយគ្នានោះ ពត៌មានព្យាករណ៍ត្រូវទាន់ពេលវេលា បម្រើដល់ការងារបញ្ជាណែនាំ និងផ្តល់ព័ត៌មានដល់ប្រជាពលរដ្ឋសម្រាប់ទប់ស្កាត់ដោយម្ចាស់ការ។ គោលដៅគឺដើម្បីបញ្ចៀសការបាត់បង់អាយុជីវិត និងកាត់បន្ថយការខូចខាតទ្រព្យសម្បត្តិរបស់រដ្ឋ និងរបស់ប្រជាជន”។
តាមការព្យាករណ៍ ខ្យល់ព្យុះនឹងបង្កើនហានិភ័យនៃទឹកជំនន់ភ្លាមៗ និងការរអិលបាក់ដីនៅក្នុងខេត្តនៅតំបន់ភ្នំភាគខាងជើង។ អាស្រ័យហេតុនេះ មូលដ្ឋាននៅតំបន់ដែលរងផលប៉ះពាល់ដោយខ្យល់ព្យុះ គួរពិនិត្យមើលយ៉ាងសកម្ម និងជម្លៀសប្រជាជនចេញពីតំបន់ដែលមានហានិភ័យខ្ពស់៕
