• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

កងទ័ពជើងទឹកវៀតណាមបំពេ​ញភារកិច្ចកិច្ច​ការបរទេសការពារជាតិនៅប្រទេសសិង្ហបុរី និងហ្វីលីពីន

នាថ្ងៃទី ១ ឧសភា នាវាលេខ ០១៥-Tran Hung Dao (កងពលតូច ១៦២) រួមជាមួយគណៈប្រតិភូដឹកនាំដោយលោកវរសេនីយ៍ឯក Nguyen Van Ngan អនុប្រធានសេនាធិការសតំបន់ទី ៤ នៃកងទ័ពជើងទឹកបានចូលចតនៅកំពង់ផែ Zhangi-សិង្ហបុរី និងអនុវត្តសកម្មភាពជាបន្តបន្ទាប់ក្នុងក្របខ័ណ្ឌកិច្ចការបរទេសការពារជាតិ។
នាវាលេខ ០១៥-Tran Hung Dao ចូលចតនៅកំពង់ផែ Zhangi-សិង្ហបុរី ។

នៅសិង្ហបុរីចាប់ពីថ្ងៃទី ១ ដល់ថ្ងៃទី ៥ ខែឧសភា គណៈប្រតិភូកងទ័ពជើងទឹកប្រជាជនវៀតណាមនឹងចូលរួមសកម្មភាពនានាក្នុងក្របខ័ណ្ឌសមយុទ្ធអាស៊ាន - ឥណ្ឌា; សិក្ខាសាលាស្តីពីជំនួយមនុស្សធម៌ និងកាត់បន្ថយគ្រោះមហន្តរាយធម្មជាតិ; ការផ្លាស់ប្តូរវិជ្ជាជីវៈ; ចូលរួមតាំងពិព័រណ៍ការពារជាតិ និងសមុទ្រអន្តរជាតិ (IMDEX 2023)។ លើសពីនេះទៅទៀត គណៈប្រតិភូក៏បានចូលរួមសកម្មភាពសមយុទ្ធអាស៊ាន-ឥណ្ឌានៅសមុទ្រ មុនពេលធ្វើពិធីស្វាគមន៍គ្នានៅសមុទ្រ។ នាវា ០១៥ និងគណៈប្រតិភូនឹងបន្តធ្វើដំណើរទៅបំពេញភារកិច្ចកិច្ចការបរទេសការពារជាតិនៅហ្វីលីពីន។

តាមរយៈសកម្មភាពនានានៃខ្សែព្រឹត្តិការណ៍នេះ បន្តលើកកម្ពស់សមត្ថភាពសម្របសម្រួលគ្នាក្នុងការឆ្លើយតបទៅនឹងបញ្ហាប្រឈមរួមស្តីពីសន្តិសុខនាវាចរណ៍; ពង្រឹងថែមទៀតនូវទំនាក់ទំនងមិត្តភាព កិច្ចសហប្រតិបត្តិការដ៏ល្អប្រសើរដែលមានស្រាប់រវាងកងទ័ព និងកងទ័ពជើងទឹកវៀតណាមជាមួយកងទ័ព និងកងទ័ពជើងទឹកនៃបណ្តាប្រទេសអាស៊ាន៕

តាម​ VOV5 - វិទ្យុសម្លេងវៀតណាម

នាយករដ្ឋមន្ត្រីលោក Pham Minh Chinh អញ្ជើញទៅបំពេញទស្សនកិច្ចនៅប៉ូឡូញ សាធារណរដ្ឋឆែក ចូលរួមសន្និសីទ WEF និងបំពេញការងារនៅស្វីស

នាយករដ្ឋមន្ត្រីលោក Pham Minh Chinh អញ្ជើញទៅបំពេញទស្សនកិច្ចនៅប៉ូឡូញ សាធារណរដ្ឋឆែក ចូលរួមសន្និសីទ WEF និងបំពេញការងារនៅស្វីស

នារសៀលថ្ងៃទី១៥ ខែមករា ឆ្នាំ២០២៥ យន្តហោះដឹកនាយករដ្ឋមន្ត្រី លោក Pham Minh Chinh និងភរិយា រួមជាមួយគណៈប្រតិភូជាន់ខ្ពស់វៀតណាម បានចាកចេញពីទីក្រុងហាណូយទៅបំពេញទស្សនកិច្ចជាផ្លូវការនៅប៉ូឡូញនិងសាធារណរដ្ឋឆែក ដើម្បីចូលរួមសន្និសីទប្រចាំឆ្នាំលើកទី៥៥ នៃវេទិកាសេដ្ឋកិច្ចពិភពលោក (WEF) នៅទីក្រុងដាវ៉ូស (ស្វីស) និងជួបធ្វើការទ្វេភាគីនៅប្រទេសស្វីស។

Top