តាំងពិព័រណ៍ប្រព្រឹត្តទៅនៅមជ្ឈមណ្ឌលតម្កល់ឯកសារជាតិទី១ លេខ១៨ ផ្លូវ វូ ផាមហាម (Pham Vu Ham) (ហាណូយ) រហូតដល់អស់ថ្ងៃទី៣១ ខែធ្នូ ឆ្នាំ២០១៨។
ឯកសារ រូបភាព ផែនទី ប្លង់បច្ចេកទេស....ជាង១៣០ប្រភេទ បានជ្រើសរើសតាំងបង្ហាញនៅពិព័រណ៍ “អនុស្សាវរីយ៍វិថីហាណូយ” ស្តែងសាឡើងវិញនូវជីវភាពរស់នៅ វប្បធម៌ សាសនា នៃប្រជាជនហាណូយ។ អញ្ជើញមកជាមួយតាំងពិព័រណ៍ភ្ញៀវទេសចរនឹងបានជួបប្រទះឃើញវិថីបុរាណ - កន្លែងរក្សាព្រឹត្តិការណ៍មួយនៃ “ហាណូយសាមសិបប្រាំមួយភូមិសង្កាត់” សម័យអតីតកាល។ ក្រុងបុរាណហាណូយ ជាមួយនឹងទ្រទ្រាយនិងស្ថាបត្យកម្មពិសេស។ វ៉ាន់មីវក្វឹកទឺយ៉ាម (Van Mieu Quoc Tu Giam) - មហាវិទ្យាចំណាស់បំផុតវៀតណាម។ រមណីយដ្ឋានបឹងហូតី (Ho Tay) ក៏មានកេរដំណែលប្រវត្តិសាស្រ្តជាច្រើននៅព័ទ្ធជុំវិញ។ បឹងហ្វាងគីម (Hoan Kiem) ជាមួយនឹងស្ពានថេហ៊ុក (The Huc) ស្តូបអណ្តើក ទីសក្ការបូជាង៉ុកសើន (Ngoc Son) រួមនឹងស្ថាបត្យកម្មប្រឌិតជាប់រចនាបទអាស៊ី - អ៊ឺរ៉ុបសម័យបារាំង។
មកជាមួយ “អនុស្សាវរីយ៍វិថីហាណូយ” ទោះបីជាប្រជាជនវៀតណាម ឬជនបរទេសសុទ្ធតែមានអារម្មណ៍ក្តុកក្តួរ បំផុតអ្នកណាដែលធ្លាប់មានរយៈពេលខ្លីផ្សារភ្ជាប់នឹងហាណូយតាំងពីជ្រុងភូមិ សង្កាត់ រហូតដងផ្លូវសម័យកាលនោះ។ បរិយាកាសតាំងពិព័រណ៍ ជាមួយនឹងរូបថតសខ្មៅ ពោរពេញមនោសញ្ចេតនា និងវិដីអូឧទ្ទេសនាមអំពីហាណូយ ជួយឲ្យទស្សនិកជនបញ្ច្រាសត្រឡប់ទៅកាន់អតីតកាលនឹកដល់អតីតក្រុងថាំងឡុង (Thang Long) និងហាណូយបច្ចុប្បន្ន។
 ក្នុងឱកាសអបអរសាទរលើកទី៤៥ឆ្នាំ ទិវាបង្កើតទំនាក់ទំនងវៀតណាម - បារាំង នាយកដ្ឋានបណ្ណាល័យនិងតម្កល់ឯកសារជាតិ សហការនឹងស្ថានទូតបារាំងរៀបចំ តាំងពិព័រណ៍អនុស្សាវរីយ៍វិថីហាណូយ។  លោក ដាំងថាញតុង (Dang Thanh Tung) នាយកដ្ឋានបណ្ណាល័យនិងតម្កល់ឯកសារជាតិ ជាមួយនឹងលោកឯកអគ្គរដ្ឋទូតវិសាមញ្ញនិងពេញសមត្ថភាពសាធារណរដ្ឋបារាំងប្រចាំ នៅវៀតណាម Bertrand Lortholary រួមនឹងភ្ញៀវកិត្តិយសកាត់ខ្សែបូបើកតាំងពិព័រណ៍។  បរិយាកាសតាំងពិព័រណ៍ បានតុបតែងទំនើប ជាមួយនឹងឯកសារ រូបថត វត្ថុតាងពាក់ព័ន្ធដល់ ដំណាក់កាលប្រវត្តិសាស្រ្តនីមួយៗ របស់ហាណូយ។  ភ្ញៀវទស្សនាតាំងពិព័រណ៍ចូលចិត្តឯកសារកម្រមានដែលពាក់ព័ន្ធដល់តំបន់ ដីក្រុងថាំងឡុង (Thang Long)។  ក្រោមប្រធានបទទាំងបី អ្នករៀបចំសង្ឃឹមមហាជនមានគំហើញគ្រប់ជ្រុងជ្រោយជាង អំពីប្រវត្តិសាស្រ្ត វប្បធម៌ ទឹកដី និងប្រជាជនក្រុងថាំងឡុង (Thang Long) ចាប់ពីសតវត្សទី១៩ រហូតដល់ពាក់កណ្តាលសតវត្សទី២០។  វត្ថុតាង ឯកសារ។ល។ បានតុបតែងត្រឹមត្រូវ ជក់អារម្មណ៍ នៅពិព័រណ៍ “អនុស្សាវរីយ៍វិថីហាណូយ”។  ឯកសារបុរាណ ចម្លងដំបូង បានឧទ្ទេសនាមបើកទូលាយដល់មហាជន។  រូបថតកម្រមានកាលពីដើម ស្តីពីហាណូយបានឧទ្ទេសនាមដល់មហាជននូវបរិយាកាសអនុស្សាវរីយ៍វិថីហាណូយ។  វត្ថុតាងជាក់ស្តែង ច្បាប់ដើមក៏បានឧទ្ទេសនាមដល់មហាជន។  ភ្ញៀវទស្សនាតាំងពិព័រណ៍។ |
លោកស្រី ង្វៀន ថូហ្វាយ (Nguyen Thu Hoai) នាយិការងមជ្ឈមណ្ឌលតម្កល់ឯកសារជាតិទី១ ឲ្យដឹង៖ “ផ្តើមពីស្ថានភាពរូបសាស្រ្ត និងតម្រូវការការពារសុវត្ថិភាពឯកសារ គណៈកម្មាធិការនាំយកមកតាំងនៅច្បាប់ចម្លងតែប៉ុណ្ណោះ។ ភាគច្រើនឯកសារច្បាប់ដើម កំពុងបានរក្សានៅមជ្ឈមណ្ឌលតម្កល់ឯកសារជាតិទី១ ចំណុះនាយកដ្ឋានបណ្ណាល័យនិងតម្កល់ឯកសារជាតិ។ ភ្ញៀវទេសចរក្នុងនិងក្រៅប្រទេស អាចទៅមើលតាំងពិព័រណ៍នៅលេខ១៨ ផ្លូវ វូ ផាមហាម (Vu Pham Ham)”។
តាំងពិព័រណ៍ “អនុស្សាវរីយ៍វិថីហាណូយ” រួមមានបីប្រធានបទ៖ ចាប់ពីសម័យបារាំងប្រគល់ដី មកដល់វិថីជនបរទេស វិថីបុរាណហាណូយ ក្រុងហាណូយនិងតំបន់ជិតខាង។ ប្រធានបទនីមួយៗ សុទ្ធតែមានតឹកតាងជារូបភាព និងវត្ថុ។ ផែនទីសម័យបារាំង រូបភាពសាលចម្រៀងស្ថាបនាដោយបារាំង តំបន់វិថីជនបរទេសនៅ ជាមជ្ឈមណ្ឌលពាណិជ្ជកម្មរុងរឿងសម័យនោះ។ វិថីបុរាណហាណូយ អ្នកទស្សនានឹងបានឃើញអម្រែកផ្កា ស៊ីកក្លូជាវត្ថុ និងរូបថតជីវភាពប្រចាំថ្ងៃនៃអ្នកហាណូយ នៅសម័យបារាំងដូចជា៖ រទេះអូស អម្រែកលក់តាមថ្នល់ ផ្សារពលករ រហូតដល់ស្ថាបត្យកម្មក្រុងដូចជា៖ ស្ថានីយ៍ចំណត់រទោះភ្លើងហាណូយ ក្រុងបុរាណហាណូយ ស្ពានថេហ៊ុក (The Huc) ប្រៃសនីយ៍ហាណូយ។ល។
លោកសាស្រ្តាចារ្យ បណ្ឌិតវិទ្យាសាស្រ្តនិងប្រវត្តិ ង្វៀនវ៉ាន់ថឹម (Nguyen Van Tham) ឲ្យដឹងថា៖ “អនុស្សាវរីយ៍វិថីហាណូយ មិនត្រឹមតែជាឯកសារកម្រមាន បរិយាយដំណើរអភិវឌ្ឍន៍ហាណូយ អរិយធម៌ពាន់ឆ្នាំ នៅទាំងជាសេចក្តីគោរពរបស់យើងខ្ញុំទាំងឡាយ ចំពោះការរួមចំណែកគ្រប់ជំនាន់ ដើម្បីបង្កើតបានហាណូយដូចសព្វថ្ងៃ”។
លោកត្រឹនហូវក្វាង (Tran Huu Quang) អនុប្រធានអចិន្ត្រៃយ៍ និងជាអគ្គលេខាធិការស្តីទី នៃសមាគមអតីតសិស្សអនុវិទ្យាល័យ Albert Sarraut (ឥឡូវជាវិទ្យាល័យត្រឹនភូ - Tran Phu)។ នេះជាសាលារៀនល្បីឈ្មោះបំផុតនៅឥណ្ឌូចិន បង្កើតឆ្នាំ១៩១៩នៅហាណូយ រំលាយក្នុងឆ្នាំ១៩៦៥។ វីរជនល្បីឈ្មោះក្នុងប្រវត្តិសាស្រ្តឥណ្ឌូចិនធ្លាប់បានរៀននៅសាលានេះ។ លោករំជួលចិត្តពេលមកជាមួយនឹងអនុស្សាវរីយ៍វិថីហាណូយ លោករកឃើញដំបូលផ្ទះ វិថី សាលារៀន និងបរិយាកាសមនុស្សសម័យអតីតកាល។ លោកក្វាង (Quang) ឲ្យដឹងថា៖ ចំពោះលោកតាំងពិព័រណ៍ពិតប្រាកដ ជាសៀវភៅកាន់ដៃកម្រ ពេលលោកនិងមិត្តភក្តិធ្លាប់រស់នៅបរទេស ពេលត្រឡប់មកហាណូយ ទើបឃើញអត្ថន័យយ៉ាងណា។ល។
ភ្ញៀវទេសចរក្នុងនិងក្រៅប្រទេសមកទស្សនា “អនុស្សាវរីយ៍វិថីហាណូយ” ដើម្បីចូលទៅជិតប្រភពឯកសារមានតម្លៃពិសេស ស្វែងយល់សំណង់ស្រាវជ្រាវអំពីប្រវត្តិសាស្រ្ត វប្បធម៌ ផែនការ ស្ថាបត្យកម្ម នៃរដ្ឋធានីអរិយធម៌ពាន់ឆ្នាំ។ នោះជាក្តីមោទនភាពផង ជាកម្លាំងចលករផងសម្រាប់ប្រជាជនហាណូយនិយាយដោយឡែក និងប្រជាជនវៀតណាមនិយាយរួម អភិរក្សនិងពង្រីកតម្លៃវប្បធម៌ប្រពៃណី ក៏ដូចជាតស៊ូស្ថាបនារដ្ឋធានីពីមួយថ្ងៃទៅមួយថ្ងៃកាន់តែរុងរឿងស្រស់ស្អាត និងទំនើប៕
អត្ថបទ៖ ប៊ិចវឹន រូបថត៖ វៀតកឿង
