នាព្រឹកថ្ងៃទី២៥ ខែឧសភា ឆ្នាំ២០២៤ បន្តសម័យប្រជុំលើកទី៧ រដ្ឋសភានីតិកាលទី១៥ អង្គ ប្រជុំបានពិភាក្សានៅសាលប្រជុំអំពីរបាយការណ៍របស់ក្រុមត្រួតពិនិត្យ និងសេចក្តី ព្រាងសេចក្តីសម្រេចចិត្តរបស់រដ្ឋសភា ស្តីពីលទ្ធផលនៃការត្រួតពិនិត្យលើប្រធានបទ “ការអនុវត្តសេចក្តីសម្រេចចិត្តលេខ៤៣ ស្តីពីគោលនយោបាយសារពើពន្ធ រូបិយវត្ថុ ដើម្បីគាំទ្រកម្មវិធីស្តារ និងអភិវឌ្ឍន៍សេដ្ឋកិច្ចសង្គមឡើងវិញ និងសេចក្ដីសម្រេចចិត្ត នានារបស់រដ្ឋសភាលើគម្រោងជាតិសំខាន់ៗមួយចំនួនរហូតដល់ដំណាច់ឆ្នាំ ២០២៣”។ សេចក្តីសម្រេចចិត្តលេខ ៤៣ ត្រូវបានរដ្ឋសភាចេញផ្សាយនៅដើមឆ្នាំ ២០២២ ដើម្បីស្តារសេដ្ឋកិច្ចឡើងវិញ បន្ទាប់ពីជំងឺរាតត្បាតកូវីដ-១៩។
យោងតាមលោក Ha Sy Dong សមាជិករដ្ឋសភាខេត្ត Quang Tri សេចក្តី សម្រេចចិត្តលេខ ៤៣ បានផ្តល់ដំណោះស្រាយសមហេតុផល ហើយរដ្ឋាភិបាលក៏ មានដំណោះស្រាយប្រតិបត្តិការប្រកបដោយប្រសិទ្ធភាពជាច្រើនដូចជា៖ ការកាត់ បន្ថយពន្ធលើប្រេងសាំង ពន្យាពេលការបង់ពន្ធ… ទន្ទឹមនឹងនោះ ពីស្ថានភាពជាក់ស្តែង នៃទីក្រុងហូជីមិញ ជាកន្លែងដែលរងផលប៉ះពាល់យ៉ាងធ្ងន់ធ្ងរដោយជំងឺរាតត្បាតកូវីដ-១៩ លោក Tran Hoang Ngan សមាជិករដ្ឋសភាទីក្រុងហូជីមិញបានធ្វើ អត្ថាធិប្បាយថា៖
“សេដ្ឋកិច្ចវៀតណាមបានងើបឡើងវិញនិងអភិវឌ្ឍន៍។ នៅឆ្នាំ ២០២១ ដោយ សារផលប៉ះពាល់ពីជំងឺរាតត្បាត យើងមានកំណើនត្រឹមតែ ២,៦% ប៉ុណ្ណោះ ប៉ុន្តែកាល ពីឆ្នាំមុន បានឈានដល់ ៥,០៥% ហើយនៅក្នុងត្រីមាសទីមួយនៃឆ្នាំនេះ គឺ៥,៦៤%។ ពិសេសជាងនេះទៅទៀត ម៉ាក្រូសេដ្ឋកិច្ចរបស់វៀតណាមមានស្ថិរភាពក្នុងបរិបទនៃ ការប្រែប្រួលជាច្រើននៅលើពិភពលោក ជាពិសេសការកាត់បន្ថយបំណុលសាធា រណៈពី ៤៣% នៃផលិតផលក្នុងស្រុកសរុបក្នុងឆ្នាំ ២០២២ មកនៅត្រឹម ៣៧% កាលពីឆ្នាំមុន”។
ដោយយល់ស្របនឹងការពន្យាពេលដល់ការអនុវត្តសេចក្តីសម្រេចចិត្តលេខ ៤៣ ដូចសេចក្ដីព្រាងដាក់ជូនរដ្ឋសភានោះ លោក Tran Quoc Tuan សមាជិករដ្ឋសភាខេត្ត Tra Vinh បានស្នើឱ្យរដ្ឋាភិបាលមានដំណោះស្រាយដ៏ទូលំទូលាយបន្ថែមទៀត ដើម្បី គាំទ្រការអភិវឌ្ឍប្រព័ន្ធសហគ្រាស; ឆាប់ស្រាវជ្រាវចេញផ្សាយយន្តការ គោល នយោបាយអនុគ្រោះ និងបំពេញបន្ថែម ដើម្បីទាក់ទាញ និងរក្សាវិនិយោគិនយុទ្ធសាស្ត្រ៕
