នៅទីនេះ សហគ្រាសវៀតណាម និងរដ្ឋ Iowa បានចុះហត្ថលេខាលើ អនុស្សរណៈយោគយល់គ្នាចំនួន ៥ ដែលមានតម្លៃសរុបប្រមាណ ៨០០ លានដុល្លារអាមេរិកក្នុងរយៈពេល ៣ ឆ្នាំ។

លោករដ្ឋមន្ត្រី Do Duc Duy ក៏បានជួបពិភាក្សាជាមួយក្រសួងកសិកម្មរដ្ឋ Iowa ដោយមានការចូលរួមពីរដ្ឋមន្ត្រី Mike Naig និងអនុរដ្ឋមន្ត្រី Grant Menke ផងដែរ។ ភាគីទាំងពីរបានឯកភាពជំរុញការនាំចេញផលិតផលកសិកម្ម រុក្ខាប្រមាញ់ និងនេសាទ ដែលមានគុណភាពខ្ពស់ពីរដ្ឋ Iowa ទៅកាន់ទីផ្សារវៀតណាម និងផ្ទុយមកវិញ។ លោករដ្ឋមន្ត្រី Do Duc Duy បានសម្តែងនូវជំនឿថា ព្រឹត្តិការណ៍នេះនឹងជាការចាប់ផ្តើមដំណាក់កាលនៃកិច្ច សហប្រតិបត្តិការកាន់តែស៊ីជម្រៅ និងមានប្រសិទ្ធភាពជាងរវាងសហ គមន៍ធុរកិច្ចវៀតណាម និងរដ្ឋ Iowa៖

“តាមរយៈដំណើរទស្សនកិច្ចការងារនេះ យើងក៏សង្ឃឹមថា នឹងផ្តល់ព័ត៌មានពេញលេញ និងការតម្រង់ទិសដល់អាជីវកម្មរបស់សហរដ្ឋអាមេរិក ដើម្បីអាចស្វែងរកឱកាសចូលទីផ្សារ ក៏ដូចជាអភិវឌ្ឍសកម្មភាពផលិតកម្ម អាជីវកម្ម និងការវិនិយោគនៅប្រទេសវៀតណាម ជាពិសេសលើវិស័យកសិកម្ម រុក្ខាប្រមាញ់ និងនេសាទ។ ក្នុងនោះ តាមរយៈកិច្ចប្រជុំនិងវេទិកានានា យើងចង់ឱ្យរដ្ឋបាលសហរដ្ឋ រដ្ឋបាលបណ្តារដ្ឋ   សហគមន៍ធុរកិច្ច និងអ្នកនយោបាយអាមេរិកមើលឃើញយ៉ាងច្បាស់ថា រដ្ឋាភិបាលវៀតណាមតែងតែយកចិត្តទុកដាក់ និងខិតខំដោយឥតឈប់ឈរដើម្បីជំរុញទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាង វៀតណាមនិងសហរដ្ឋអាមេរិក ហើយនឹងចុះហត្ថលេខាលើកិច្ចព្រមព្រៀងពាណិជ្ជកម្មទៅវិញទៅមករវាងវៀតណាម និងសហរដ្ឋអាមេរិក”៕