លោកនាយករដ្ឋមន្ត្រី ឡេ មិញហ៊ឹង ថ្លែងសុន្ទរកថានៅក្នុងសម័យប្រជុំបើកវេទិកាអនាគតអាស៊ានលើកទី៣។ រូបថត៖ យឿងយ៉ាង – ទីភ្នាក់ងារសារព័ត៌មានវៀតណាម។

បន្ទាប់ពីការរៀបចំចំនួនពីរលើកក្នុងឆ្នាំ២០២៤ និង២០២៥ វេទិកាអនាគតអាស៊ាន បានបញ្ជាក់ពីតួនាទីជាវេទិកាបើកចំហរនិងឆ្ពោះទៅអនាគត ដោយទទួលបានការចាប់អារម្មណ៍ និងការគាំទ្រយ៉ាងទូលំទូលាយពី​បណ្តា​ប្រទេសសមាជិកអាស៊ាន ក៏ដូចជាសហគមន៍អន្តរជាតិ។

យោងតាមនាយកមជ្ឈមណ្ឌលអាស៊ាន​នៅសាកលវិទ្យាល័យទំនាក់ទំនងអន្តរជាតិម៉ូស្គូ (MGIMO) ក្រសួងការបរទេសរុស្ស៊ី សាស្ត្រាចារ្យរង Ekaterina Koldunova បាន​ចាត់ទុកថា ការធ្វើជាម្ចាស់ផ្ទះនៃវេទិកាអនាគតអាស៊ានបាន​បង្ហាញថា វៀតណាមកំពុងដើរតួនាទីយ៉ាងសំខាន់ក្នុងការ​ជំរុញការសន្ទនាលើ​ទិសដៅអភិវឌ្ឍន៍របស់អាស៊ាន។ វៀតណាមបន្តបញ្ជាក់ពីតួនាទីយ៉ាងសកម្មក្នុងការកសាងរបៀបវារៈអភិវឌ្ឍន៍អាស៊ាន មិនត្រឹមតែតាមរយៈគំនិតផ្តួចផ្តើមជាក់ស្តែងប៉ុណ្ណោះទេ ប៉ុន្តែថែមទាំងដោយការបង្កើត​បរិយាកាសសន្ទនា ការផ្លាស់ប្តូរទស្សនៈ និងសំណើវិធីសា ស្រ្តថ្មីៗចំពោះបញ្ហាតំបន់និងអន្តរជាតិ។

ក្នុង​ពេលនោះ សាស្ត្រាចារ្យបណ្ឌិត លោក Dmitry Valentinovich Mosyakov បានបញ្ជាក់ថា វៀតណាមជានិច្ច​កាលបង្ហាញពីតួនាទីវិជ្ជមាននៅក្នុងបញ្ហាដ៏​ស្មុគស្មាញទាំងអស់​នៅក្នុង​តំបន់និងអន្តរជាតិនាពេលបច្ចុប្បន្ន ដោយតែងតែដើតជួរមុខក្នុងការរក្សាឯ​កភាពនិងសាមគ្គីភាពក្នុងអាស៊ាន ស្វែងរកសំឡេងរួម ឬការសម្របសម្រួលគ្នា​លើបញ្ហា​បន្ទាន់បំផុត៕​