អុជធូបរំលឹកវិញ្ញាណក្ខន្ធអតីតប្រធានគណៈរដ្ឋមន្ត្រី លោក Pham Hung (១៩១២-១៩៨៨) លោកនាយករដ្ឋមន្ត្រី ហ្វាម មិញជីញ បានសម្តែងនូវមនោសញ្ចេតនា និងការគោរពចំពោះគុណូបការៈរបស់លោកអតីតប្រធាន Pham Hung ក្នុងបុព្វហេតុកសាង និងការពារមាតុភូមិ ព្រមទាំងបានបញ្ជាក់ថា លោកគឺជាគំរូដ៏ភ្លឺស្វាងនៃសីលធម៌បដិវត្តន៍ ដោយមានភាពស្មោះត្រង់ដាច់ខាតចំពោះបុព្វហេតុបដិវត្តន៍របស់បក្ស ត្រៀមខ្លួនប្រយុទ្ធ និងពលីជីវិតដើម្បីឯករាជ្យ និងសេរីភាពនៃមាតុភូមិ និងដើម្បីសេចក្តីសុខរបស់ប្រជាជន។

  លោកនាយករដ្ឋមន្ត្រី ហ្វាម មិញជីញ អុជធូបរំលឹកវិញ្ញាណក្ខន្ធអតីតនាយករដ្ឋមន្ត្រី លោក Vo Van Kiet និង​សួរ​សុខទុក្ខគ្រួសាររបស់អតីតនាយករដ្ឋមន្ត្រី លោក Vo Van Kiet t ។ រូបថត៖ VNA

នៅឯគេហដ្ឋានរបស់អតីតនាយករដ្ឋមន្ត្រី លោក Vo Van Kiet (១៩២២-២០០៨) លោកនាយករដ្ឋមន្ត្រី ហ្វាម មិញជីញ បានសង្កត់ធ្ងន់ថា លោកអតីតនាយករដ្ឋមន្ត្រី Vo Van Kiet មានការរួមចំណែកដ៏សំខាន់ៗជាច្រើន ហើយបានបន្សល់ទុកនូវសញ្ញាសម្គាល់ដ៏លេចធ្លោជាច្រើនក្នុងបុព្វហេតុផ្លាស់ប្ដូរថ្មី ធ្វើសមាហរណកម្ម និងអភិវឌ្ឍន៍របស់ប្រទេសជាតិ។ កេរ្តិ៍ដំណែលជាច្រើនរបស់លោកអតីតនាយករដ្ឋមន្ត្រី ត្រូវបានបក្ស រដ្ឋ និងប្រជាជនពង្រីកជានិច្ច ក្នុងបុព្វហេតុកសាង និងការពារមាតុភូមិវៀតណាមសង្គមនិយម៕