នាយករដ្ឋមន្ត្រីវៀតណាម លោក ហ្វាម មិញជីញ ជួបសន្ទនាជាមួយនាយករដ្ឋមន្ត្រី ទូវ៉ាលូ (Tuvalu) លោក Feleti Penitala Teo។ (រូបថត៖ VNA)
នាយករដ្ឋមន្ត្រីទូវ៉ាលូ លោក Feleti Penitala Teo បានយល់ព្រមជាមួយសំណើ របស់នាយករដ្ឋមន្ត្រីវៀតណាម ព្រមទាំងសង្ឃឹមថា វៀតណាមនឹងពង្រឹងកិច្ចសហ ប្រតិបត្តិការជាមួយ ទូវ៉ាលូ ក្នុងការឆ្លើយតបទៅនឹងការប្រែប្រួលអាកាសធាតុ។
មេដឹកនាំទាំងពីរក៏បានពិភាក្សាអំពីវិធានការសម្របសម្រួល និងគាំទ្រគ្នាទៅវិញ ទៅមកនៅវេទិកាពហុភាគី និងលើបញ្ហាអន្តរជាតិ និងតំបន់ដែលមានការយកចិត្ត ទុកដាក់ដូចគ្នា រួមទាំងការពង្រឹងកិច្ចសហប្រតិបត្តិការរវាងសមាគមប្រជាជាតិអាស៊ី អាគ្នេយ៍ (អាស៊ាន) និងបណ្តាប្រទេសកោះប៉ាស៊ីហ្វិក និងគាំទ្រគោលជំហររបស់ វៀតណាម និងអាស៊ានលើបញ្ហាសមុទ្រខាងកើត។
នាព្រឹកថ្ងៃទី៩ មិថុនា ផងដែរ ក្នុងជំនួបជាមួយអគ្គនាយិកានៃអង្គការអប់រំ វិទ្យា សាស្ត្រ និងវប្បធម៌របស់អង្គការសហប្រជាជាតិ (UNESCO) លោកស្រី Andrey Azoulay នាយករដ្ឋមន្ត្រីវៀតណាមលោក ហ្វាម មិញជីញ បានអះអាងថា វៀតណាម ជានិច្ចកាលវាយតំលៃខ្ពស់ចំពោះតួនាទី និងការរួមចំណែករបស់ UNESCO ក្នុងការ រក្សាសន្តិភាព សន្តិសុខ និងជំរុញការអភិវឌ្ឍប្រកបដោយចីរភាពលើពិភពលោក តាម រយៈការជំរុញកិច្ចសហប្រតិបត្តិការពហុភាគីក្នុងវិស័យអប់រំ វប្បធម៌និងវិទ្យាសាស្ត្រ។
ចំណែកឯលោកស្រី Andrey Azoulay បានអះអាងនូវតួនាទី និងឋានៈកាន់តែ ខ្ពស់របស់វៀតណាមចំពោះអង្គការ UNESCO ព្រមទាំងសង្ឃឹមថា វៀតណាមនឹងបន្តរួមចំណែកដល់អង្គការ UNESCO ផងដែរ៕
