ព្រឹត្តិការណ៍បិទភ្លើង ដើម្បីឆ្លើយតបនឹងយុទ្ធនាការម៉ោងផែនដី នឹងប្រព្រឹត្តទៅចាប់ពីម៉ោង ២០និង៣០នាទី ដល់ម៉ោង ២១និង៣០នាទី នៅថ្ងៃទី ២៥ ខែមីនា (រូបថត៖ VOV)

អនុរដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Dang Hoang An បានសង្កត់ធ្ងន់ថា៖ “ប្រការគួរឲ្យរីករាយ គឺការដែល ឆ្លងកាត់រយៈពេលប៉ុន្មានឆ្នាំនៃការអនុវត្ត កម្មវិធីនេះបានទាក់ទាញការចូលរួមរបស់មនុស្សយ៉ាងច្រើន ពីគ្រប់មជ្ឈដ្ឋាន ជាពិសេសយុវវ័យ និងយុវជន។  នេះពិតជាសញ្ញាដ៏ល្អសម្រាប់យើងក្នុងការបន្តលើកកម្ពស់ការយល់ដឹងរបស់សហគមន៍ក្នុងន័យការពារបរិស្ថាន រួមចំណែកក្នុងការប្រយុទ្ធប្រឆាំងនឹងការប្រែប្រួលអាកាសធាតុនៅទូទាំងពិភពលោក”។

ចាប់តាំងពីការចាប់ផ្តើមយុទ្ធនាការម៉ោងផែនដីមកទល់ពេលនេះ សកម្មភាពដ៏លេចធ្លោបំផុតនៃយុទ្ធនាការនេះជារៀងរាល់ឆ្នាំនៅតែជាការដែល បុគ្គល និងអង្គការជុំវិញពិភពលោកបានបិទភ្លើងក្នុងពេលដំណាលគ្នារយៈពេល ១ ម៉ោង (ចាប់ពីម៉ោង ២០ និង៣០ នាទី ដល់ម៉ោង ២១និង៣០នាទី (ម៉ោងក្នុងស្រុក ថ្ងៃសៅរ៍ចុងក្រោយនៃខែមីនា) ដើម្បីទាក់ទាញការយកចិត្តទុកដាក់របស់ប្រជាជនទូទាំងប្រទេសចំពោះវិបត្តិបរិស្ថានបច្ចុប្បន្ន។ ឆ្នាំ ២០២៣ គឺជាឆ្នាំទី ១៥ ដែលវៀតណាមឆ្លើយតបនឹងយុទ្ធនាការម៉ោងផែនដី។ ឆ្នាំនេះ ព្រឹត្តិការណ៍បិទភ្លើង ដើម្បីឆ្លើយតបនឹងយុទ្ធនាការ ម៉ោងផែនដី នឹងប្រព្រឹត្តទៅចាប់ពីម៉ោង ២០និង៣០នាទី ដល់ម៉ោង ២១និង៣០នាទី នៅថ្ងៃសៅរ៍ ទី ២៥ ខែមីនា៕