ទីកន្លែងបំពេញការងាររបស់ លោកបណ្ឌិត ង្វៀនបាហាយ និងអ្នករួមការងារស្ថិតនៅក្នុងមជ្ឈមណ្ឌលបង្រៀនលេខ នៅកណ្តាលចំការឈើខៀវស្រស់ ក្នុងបរិវេណមហាវិទ្យាល័យគរុកោសល្យបច្ចេកទេសទីក្រុងហូជីមិញ។ នេះគឺជាទីកន្លែងង្វៀនបាហាយ និងអ្នករួមអាជិពបានស្រាវជ្រាវ ផលិតចេញវ៉ែនតា “ភ្នែកទិព្វ” រាប់ពាន់គ្រឿង សម្រាប់ផ្តល់ជូនជនពិការភ្នែក ដោយឥតគិតថ្លៃនៅខេត្តទាំងឡាយ ដូចជា៖ ភូអៀន ប៊ិញឌិញ ឡុងអាន។ល។
|
លោកបណ្ឌិត ង្វៀនបាហាយ សព្វថ្ងៃជានាយករង មជ្ឈមណ្ឌលបំប៉ន់និងបណ្តុះបណ្តាលបុគ្គលិកបច្ចេកទេសខ្ពស់ របស់មហាវិទ្យាល័យគរុកោសល្យបច្ចេកទេសទីក្រុងហូជីមិញ។ លោកមាន ស្នាដៃច្នៃប្រឌិតជាលក្ខណៈអន្តរជាតិចំនួនប្រាំនៅអាយុ២៨ឆ្នាំ ជាពលរដ្ឋវ័យក្មេងគំរូទីក្រុងហូជីមិញនៅឆ្នាំ២០១២ និងជាមនុស្សវ័យក្មេងម្នាក់ក្នុងចំណោមមនុស្សវ័យក្មេងវៀតណាមគំរូ ទាំងដប់នាក់ឆ្នាំ២០១៤។ |
ង្វៀនបាហាយកើតឆ្នាំ១៩៨៣ ភូមិកំណើតនៅថាញហ័រ សព្វថ្ងៃជាប្រធានក្រុមស្រាវជ្រាវសំខាន់ពីមនុស្សយន្តសរីរាង នៃមហាវិទ្យល័យគរុកោសល្យបច្ចេកទេស ទីក្រុងហូជីមិញ។ លោកហាយមានចរិយារួសរាយ និងរហ័សរហួនចូលចិត្តវិទ្យាសាស្រ្ត តាំងពីវ័យនៅរៀនមធ្យមសិក្សាម្លេះ។ សំឡឹងមើលជនពិការភ្នែកជួបការលំបាក ក្នុងជីវភាពរស់នៅប្រចាំថ្ងៃ លោកសន្យាក្នុងចិត្តថា នឹងកែច្នៃបានឧបករណ៍ដើម្បីជួយជនពិការភ្នែកសម្រាលភាពពិបាក។ ដោយគោលគំនិតនោះចេះតែឌិតជាប់ ក្នុងអារម្មណ៍ ពេលកំពុងបំពេញការសិក្សានៅប្រទេសកូរ៉េខាងត្បូង។ ក្រោយពីពេលការពារជោគជ័យនូវនិក្ខេបទបណ្ឌិតពីមនុស្សយន្តសរីរាង្គនៅកូរ៉េខាងត្បូង លោកត្រឡប់មកវៀតណាមនិងចាប់ផ្តើមអនុវត្តគម្រោងការ “ភ្នែកទិព្វ” របស់ខ្លួន។
“ភ្នែកទិព្វ” ជាវ៉ែនតាឆ្លាត មានលទ្ធភាពស្គាល់នូវវត្ថុរាំងស្កាត់ ពីចម្ងាយ ជួយជនពិការភ្នែកដឹកច្បាស់ ដើម្បីជៀសវៀងទើបអាចធ្វើដំណើរ ទៅមកបានងាយស្រួល មិនជំពប់ដួល។ ដើម្បីមានផលិតផល “ភ្នែកទិព្វ” តូចស្រាលដូចសព្វថ្ងៃនេះ លោកត្រូវចំណាយពេលអស់ជាងបួនឆ្នាំស្រាវជ្រាវ បទសោធន៍និងកែសម្រួលជាច្រើនលើកច្រើនសា។ ជួនកាលមានពេលខ្លះហាក់ដូចជា បរាជ័យទាំងស្រុង ពេលសាកល្បងបរាជ័យ ប៉ុន្តែលោកមិនធុញទ្រាន់ ប្តេជ្ញាចិត្តស្វែងរកហេតុផល ដើម្បីយកជំនះ។ ផលិតផលដំបូង គឺមួកដែលមានទម្ងន់ជិតពីរគីឡូក្រាម ផលិតផលទីពីរ គឺវណ្ឌជុំក្បាល។ល។ មកដល់ផលិតផលទីប្រាំបួនថ្មីជោគជ័យ ដោយមានរូបរាងដូចជាវ៉ែនតាធម្មតាសព្វថ្ងៃនេះ។ ផលិតផលទទួលបានរង្វាន់មនុស្សសាស្រ្ត ក្នុងការប្រកួតប្រឡង Tech Show Robocon ២០១២ និងរង្វាន់លេខមួយសប្តាហ៍កែច្នៃវៀតណាម២០១៣។
 បណ្ឌិតង្វៀនបាហាយ ជាមួយផលិតផលឧបករណ៍អេឡិកត្រូនិក “ភ្នែកទិព្វ” ដែលលោកកែច្នៃ។ រូបថត៖ ថុងហាយ  បណ្ឌិតង្វៀនបាហាយ ពិនិត្យសាឡើងវិញនៅកម្រិតញ័ររបស់ ”ភ្នែកទិព្វ” មុនពេលដំឡើង។ រូបថត៖ ថុងហាយ  បណ្ឌិតង្វៀនបាហាយ ជាមួយអ្នករួមការងារក្នុងរោងផលិតឧបករណ៍ "ភ្នែកទិព្វ”។ រូបថត៖ ថុងហាយ  ផ្នែកអង្គញាណរបស់ “ភ្នែកទិព្វ” ។ រូបថត៖ ថុងហាយ  ទិដ្ឋភាពជិតនៃវ៉ែនតាឆ្លាតមានភ្ជាប់ឧបករណ៍ “ភ្នែកទិព្វ” ដែលលោកបណ្ឌិត ង្វៀនបាហាយ កែច្នៃ។ រូបថត៖ ថុងហាយ |
លោកង្វៀនបាហាយ ឲ្យដឹងថា ដើម្បីពិនិត្យលទ្ធភាពឆ្លាតរបស់ឧបករណ៍ “ភ្នែកទិព្វ” លោកបានសាកល្បងជោគជ័យនៅលើករណីពីរជាក់ស្តែង គឺលោកតាក្វាងមិញ ជាជនពិការភ្នែកពីកំណើតម្នាក់ ប្រកបមុខរបរធ្វើនំអាកោនៅជិតស្ពានង្វៀនទ្រីភឿង ខណ្ឌ១០ ទីក្រុងហូជីមិញ និងលោកតាឡេយ៉ាង ប្រកបមុខរបរលក់សន្លឹកឆ្នោតនៅស្រុកគូជី។ តាំងពីថ្ងៃមានវ៉ែនតា “ភ្នែកទិព្វ” របស់បណ្ឌិតង្វៀនបាហាយ លោកតាមិញនិងលោកតាយ៉ាង អាចធ្វើដំណើរទៅមកយ៉ាងងាយស្រួល ក្នុងការប្រកបការងារចិញ្ចឹមជីវិតប្រចាំថ្ងៃនៅតាមដងផ្លូវ។
ការកែច្នៃ “ភ្នែកទិព្វ” របស់បណ្ឌិត ង្វៀនបាហាយ បានអង្គការក្នុងនិងក្រៅប្រទេសសួរ រកទិញកម្មសិទ្ធិ ជាមួយតម្លៃឡើងដល់រាប់ពាន់លានដុង ប៉ុន្តែលោកប្តេជ្ញាចិត្តមិនលក់។ ង្វៀនបាហាយសំណេះសំណាលថា៖ “បើខ្ញុំលក់ “ភ្នែកទិព្វ” ក្រុមហ៊ុនផលិតនិងលក់ចេញដោយ តម្លៃខ្ពស់ដើម្បីរកចំណេញ ពេលនោះជនពិការភ្នែក ពិសេសគឺមនុស្សក្រីក្រពិបាក មានឱកាសបានប្រើប្រាស់។ ដូចនេះហើយ ខ្ញុំមិនព្រមលក់ឧបករណ៍រកឃើញរបស់ខ្លួនទេ។ ខ្ញុំផល់ជូនការផលិតផលរកឃើញនេះដល់សង្គម ដល់ជនពិការភ្នែក”។ ហេតុដូចនេះបានជាខ្ញុំបង្កើតក្រុមហ៊ុនកៀនប៊ិញមិញ និងអំពាវនាវជនសម្បុរសធម៌ សហគមន៍រួមកម្លាំងចូលរួមផលិតវ៉ែនតាសម្រាប់ផ្តល់ជូនជនពិការភ្នែកក្រីក្រ។
ជាពិសេសថ្ងៃ១១ ខែវិច្ឆិកា ឆ្នាំ២០១៥ ក្នុងពិធីជួបជុំអ្នកវិទ្យាសាស្រ្តវ័យក្មេងគំរូ ទូទាំងប្រទេស ក្រោយពេលស្តាប់បណ្ឌិត ង្វៀនបាហាយសម្តែងពីទឹកចិត្ត គោលបំណងក៏ដូចជាលទ្ធភាពពីគម្រោងការវ៉ែនតា “ភ្នែកទិព្វ” លោកនាយករដ្ឋមន្ត្រី ង្វៀនតឹនយុង បានសម្រេចចិត្តប្រគល់ឲ្យក្រសួង ផ្នែកដែលពាក់ព័ន្ធស្រាវជ្រាវឧបត្ថម្ភវិនិយោគទុនជួយបណ្ឌិតង្វៀនបាហាយ អនុវត្តគម្រោងការផលិត “ភ្នែកទិព្វ” បម្រើជនពិការភ្នែកលើទូទាំងប្រទេស។ បានដឹង វៀតណាមមានជនពិការភ្នែក មិនអាចមើលឃើញសោះចំនួន១,២លាននាក់។ ហេតុនេះ គម្រោងការផលិតវ៉ែនតា “ភ្នែកទិព្វ” របស់បណ្ឌិតង្វៀបាហាយបានរដ្ឋាភិបាល ឧបត្ថម្ភដើមទុនផលិត ជាដំណឹងគួរឲ្យសប្បាយរីកចំពោះសហគមន៍ជនពិការភ្នែកវៀតណាម ពិសេសជនពិការភ្នែកក្រីក្រ។
 ផលិតផលដំបូងរបស់ឧបករណ៍ “ភ្នែកទិព្វ”។ រូបថត៖ ឯកសារ  បណ្ឌិតង្វៀនបាហាយសាកល្បងផលិតផល “ភ្នែកទិព្វ” លើកទី២។ រូបថត៖ ឯកសារ  ក្រោយការផ្លាស់ប្តូរច្រើនលើក ផលិតផល “ភ្នែកទិព្វ” លើកទីប្រាំបួន ជាវ៉ែនតាឆ្លាតតូចនិងមានវិចិត្រសិល្បៈជាង។ រូបថត៖ ឯកសរ  ឧបករណ៍ “ភ្នែកទិព្វ” ជួយជនពិការភ្នែកធ្វើដំណើរទៅមកបានងាយស្រួលជាង។ រូបថត៖ ឯកសារ  ដោយសារមានវ៉ែនតាភ្ជាប់មកជាមួយ “ភ្នែកទិព្វ” របស់បណ្ឌិត ង្វៀនបាហាយ លោកតាក្វាងមិញមានការងាយស្រួយក្នុងការលក់ នំអាកោលចិញ្ចឹមជីវិត។ រូបថត៖ ថុងហាយ  បណ្ឌិតង្វៀនបាហាយ ក្នុងកម្មវិធីប្រគល់ “ភ្នែកទិព្វ” ជូនជនពិការភ្នែក។ រូបថត៖ ឯកសារ  បណ្ឌិត ង្វៀនបាហាយ ក្នុងកម្មវិធីឧទ្ទេសនាម “ភ្នែកទិព្វ” លើប៉ុស្តិ៍ទូរទស្សន៍វៀតណាត។ រូបថត៖ ថុងហាយ |
អត្ថបទ៖ ង្វៀនអាញ រូបថត៖ ថុងហាយនិងឯកសារ
