លោកប្រធានាធិបតី Donald Trump បានឲ្យដឹងថា រដ្ឋមន្ត្រីសន្តិសុខក្នុងស្រុក លោកស្រី Kristi Noem បានទៅដល់កន្លែងកើតហេតុកាលពីថ្ងៃទី ៥ ខែកក្កដា ជាមួយអភិបាលរដ្ឋ លោក Greg Abbott ដើម្បីគាំទ្រប្រជាជនរដ្ឋ Texas ។ កងឆ្មាំឆ្នេរសមុទ្រអាមេរិក និងកម្លាំងឆ្លើយតបរហ៍ស នៅក្នុងរដ្ឋ Texas បានជួយសង្គ្រោះមនុស្សជាង ៨៥០ នាក់។
 រូបភាពពីយន្តហោះដ្រូន បង្ហាញទេសភាពទឹកជំនន់នៅទីក្រុង Comfort រដ្ឋ Texas សហរដ្ឋអាមេរិក ថ្ងៃទី ៥ ខែកក្កដា ឆ្នាំ ២០២៥។ រូបថត៖ REUTERS/Marco Bello |
គ្រោះមហន្តរាយទឹកជំនន់បានវាយប្រហារនៅភាគកណ្តាលរដ្ឋ Texas ក្នុងឱកាសខួបលើក ២៤៩ឆ្នាំទិវាបុណ្យឯករាជ្យជាតិអាមេរិក នៅពេលដែលនីវ៉ូទឹកទន្លេ Guadalupe បានកើនឡើងពី ៦ ទៅ ៨ ម៉ែត្រក្នុងរយៈពេលត្រឹមតែ ៩០ នាទីប៉ុណ្ណោះ ដែលបណ្តាលឱ្យមានការខូចខាតយ៉ាងធ្ងន់ធ្ងរ និងបង្ខំឱ្យមានការជម្លៀសប្រជាជនយ៉ាងច្រើននៅក្នុងតំបន់ Texas Hill ។ គិតត្រឹមរសៀលថ្ងៃទី៦ ខែកក្កដា ចំនួនអ្នកស្លាប់ដោយគ្រោះទឹកជំនន់បានកើនឡើងរហូតដល់ ៧០នាក់ នៅទីក្រុងចំនួន៦ របស់រដ្ឋ Texas។ មនុស្សជាង ៨៥០ នាក់ត្រូវបានជួយសង្គ្រោះក្នុងរយៈពេល ៣៦ ម៉ោងកន្លងទៅ៕
