នៅទីនេះ លោកប្រធានរដ្ឋ លឿង គឿង បានអះអាងថា ក្នុងរយៈពេលកន្លះសតវត្សកន្លងមក វៀតណាម និងបែលហ្ស៊ិកបានក្លាយជាដៃគូសំខាន់ក្នុងវិស័យនយោបាយ - ការទូត ពាណិជ្ជកម្ម - វិនិយោគ អប់រំ សុខាភិបាល បរិស្ថាន និងការអភិវឌ្ឍប្រកបដោយចីរភាព ព្រមទាំងសហការយ៉ាងជិតស្និទ្ធ និងប្រកបដោយប្រសិទ្ធភាព គាំទ្រគំនិតផ្តួចផ្តើមរបស់គ្នាទៅវិញទៅមកនៅវេទិកាពហុភាគី ជាពិសេសនៅពេលដែលប្រទេសទាំងពីរជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិឆ្នាំ ២០២៣ - ២០២៥។ លោកប្រធានរដ្ឋ លឿង គឿង បានបញ្ជាក់ថា៖

“ជាមួយនឹងភាពជោគជ័យនៃកិច្ចពិភាក្សារវាងខ្ញុំនិងព្រះមហាក្សត្រ និងការគាំទ្រយ៉ាងពេញទំហឹងរបស់ព្រះមហាក្សត្រ និងម្ចាស់ក្សត្រី ដោយឈរលើមូលដ្ឋាននៃទំនាក់ទំនងមិត្តភាពប្រពៃណី និងកិច្ចសហប្រតិបត្តិការដ៏ល្អប្រសើររវាងប្រទេសយើងទាំងពីរ ខ្ញុំមានជំនឿជាក់យ៉ាងមុតមាំចំពោះអនាគតដ៏ភ្លឺស្វាងនៃទំនាក់ទំនងរវាងប្រទេសយើងទាំងពីរ។ ប្រទេសយើងទាំងពីរបន្តរួមដៃគ្នា ស្រុះចិត្តគំនិត ដើម្បីអភិវឌ្ឍន៍ទំនាក់ទំនងមិត្តភាពឱ្យកាន់តែជាក់ស្តែង និងប្រកបដោយប្រសិទ្ធភាព ដើម្បីផលប្រយោជន៍ប្រជាជននៃប្រទេសទាំងពីរ ដើម្បីសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក”។

ក្នុងព្រះរាជសុន្ទរកថាឆ្លើយតបរបស់ព្រះមហាក្សត្រ Philippe ព្រះអង្គបានបញ្ជាក់អំពីទំនាក់ទំនងជិតស្និទ្ធរវាងវៀតណាម និងបែលហ្ស៊ិក ដោយមានការចុះសម្រុងគ្នារវាងអតីតកាល បច្ចុប្បន្នកាល និងអនាគត។ នាសព្វថ្ងៃនេះ ទំនាក់ទំនងភាពជាដៃគូថ្មីរបស់ប្រទេសទាំងពីរបានចែងចាំងពន្លឺរស្មី ដែលបង្ហាញពីអនាគតដ៏ភ្លឺស្វាងដែលកសាងដោយឈរលើមូលដ្ឋាននៃសន្តិភាព វិបុលភាព និងសមាហរណកម្ម៕