ក្នុងកិច្ចប្រជុំ លោកនាយករដ្ឋមន្ត្រី ហ្វាម មិញជីញ បានសង្កត់ធ្ងន់ថា វៀតណាមសង្ឃឹមថា ភាគីអាមេរិកនឹងមានគោលនយោបាយសមស្របនឹងទំនាក់ទំនងដ៏ល្អប្រសើររវាងប្រទេសទាំងពីរ ស្របតាមបំណងប្រាថ្នារបស់ប្រជាជននៃភាគីទាំងពីរ និងការខិតខំប្រឹងប្រែងរបស់វៀតណាមនាពេលកន្លងមក ស្របតាមលក្ខខណ្ឌ និងកាលៈទេសៈរបស់វៀតណាមដែលជាប្រទេសកំពុងអភិវឌ្ឍន៍ ហើយនៅតែត្រូវបន្តជំនះពុះពារលើផលវិបាកដ៏ធ្ងន់ធ្ងរនិងអូសបន្លាយរយៈពេលច្រើនឆ្នាំក្រោយពីសង្គ្រាម។
លោកនាយករដ្ឋមន្ត្រីបានស្នើឲ្យបណ្ដាក្រសួង ស្ថាប័ន ត្រូវមានភាពស្ងប់ស្ងាត់ ឫទ្ធានុភាព មានវិធានការឆ្លើយតបដោយម្ចាស់ការ បត់បែន ទាន់ពេលវេលា និងមានប្រសិទ្ធភាពចំពោះការវិវឌ្ឍន៍ទាំងអស់។ លោកនាយករដ្ឋមន្ត្រី ហ្វាម មិញជីញ បានបញ្ជាថា៖
“ត្រូវឆ្លើយតបនឹងស្ថានការណ៍ជានិច្ច រស់នៅជាមួយគ្រប់ការលំបាកដែលអាចមកដល់គ្រប់ពេល។ ទីផ្សារនាំចេញធំជាងគេរបស់យើងនឹងរងការរាំងស្ទះដោយសារការដាក់ពន្ធលើកនេះ។ មិនមានវិធីផ្សេងក្រៅពីការធ្វើពិពិធកម្មទីផ្សារ ធ្វើពិពិធកម្មផលិតផល ធ្វើពិពិធកម្មខ្សែសង្វាក់ផ្គត់ផ្គង់ និងដោះស្រាយបញ្ហាជាច្រើនបានយ៉ាងឆាប់រហ័ស”។
 លោកនាយករដ្ឋមន្ត្រីបានស្នើឲ្យបណ្ដាក្រសួង ស្ថាប័ន ត្រូវមានភាពស្ងប់ស្ងាត់ ឫទ្ធានុភាព មានវិធានការឆ្លើយតបដោយម្ចាស់ការ បត់បែន ទាន់ពេលវេលា និងមានប្រសិទ្ធភាពចំពោះការវិវឌ្ឍន៍ទាំងអស់។ (រូបថត៖ VOV) |
លោកនាយករដ្ឋមន្ត្រីបានបញ្ជាឲ្យបង្កើតក្រុមប្រតិកម្មរហ័សលើបញ្ហានេះ ដែលដឹកនាំដោយឧបនាយករដ្ឋមន្ត្រី លោក Bui Thanh Son; ចាត់តាំងឲ្យឧបនាយករដ្ឋមន្ត្រី លោក Ho Duc Phoc ធ្វើជាអធិបតី ដឹកនាំបណ្ដាក្រសួង ស្ថាប័ន ដើម្បីរៀបចំការស្តាប់មតិយោបល់ពីអង្គភាពអាជីវកម្ម។ លោកនាយករដ្ឋមន្ត្រីបានលើកច្បាស់ថា នេះក៏ជាឱកាសមួយដើម្បីបញ្ជាក់ឫទ្ធានុភាព និងកម្លាំងរបស់ប្រទេសជាតិ; ជាឱកាសដើម្បីរៀបចំរចនាសម្ព័ន្ធសេដ្ឋកិច្ចឡើងវិញឆ្ពោះទៅរកការអភិវឌ្ឍយ៉ាងឆាប់រហ័ស ប៉ុន្តែប្រកបដោយនិរន្តរភាព បៃតង ឌីជីថលភាវូបនីយកម្ម ពឹងផ្អែកលើវិទ្យាសាស្ត្រ បច្ចេកវិទ្យា និងនវានុវត្តន៍; ជំរុញការកសាងសេដ្ឋកិច្ចឯករាជ្យ ខ្លួនទីពឹងខ្លួន ដែលផ្សារភ្ជាប់ជាមួយសមាហរណកម្មអន្តរជាតិដ៏ស៊ីជម្រៅ ជាក់ស្ដែង និងមានប្រសិទ្ធភាព; ជំរុញការពង្រីកទីផ្សារ ធ្វើពិពិធកម្មទីផ្សារ ផលិតផល ខ្សែសង្វាក់ផ្គត់ផ្គង់។ លោកនាយករដ្ឋមន្រ្តីបានសង្កត់ធ្ងន់លើការប្តេជ្ញាចិត្តដើម្បីសម្រេចបាននូវគោលដៅកំណើន GDP ពី ៨% ឡើងទៅក្នុងឆ្នាំនេះ តាមសេចក្តីសម្រេចចិត្តរបស់រដ្ឋសភា៕
