អគ្គលេខាបក្សកុម្មុយនិស្តវៀតណាមលោក តូ ឡឹម ទទួលជួបឯកអគ្គរាជទូតជប៉ុនប្រចាំនៅវៀតណាម លោក Ito Naoki។ (រូបថត៖ nhandan.vn)
លោកអគ្គលេខាបក្សបានអះអាងថា វៀតណាមមានបំណងចង់រួមជាមួយជប៉ុន អនុវត្តន៍យ៉ាងជាក់ស្ដែងនិងប្រកបដោយប្រសិទ្ធភាពនូវខ្លឹមសារនៃក្របខណ្ឌភាពជាដៃគូយុទ្ធសាស្ត្រគ្រប់ជ្រុងជ្រោយ។ លោកអគ្គលេខាបក្ស បានស្នើឲ្យភាគីទាំងពីរបង្កើនការសម្របសម្រួល ចែករំលែកគោលជំហរ និងគាំទ្រគ្នាទៅវិញទៅមកនៅវេទិកាអន្តរជាតិ និងតំបន់។
រីឯខ្លួនវិញ លោកឯកអគ្គរាជទូត Ito Naoki បានសង្កត់ធ្ងន់ថា ទំនាក់ទំនងសហប្រតិបត្តិការរវាងវៀតណាម និងជប៉ុនកាន់តែស៊ីជម្រៅលើវិស័យជាច្រើន មិនត្រឹមតែលើវិស័យសេដ្ឋកិច្ច ពាណិជ្ជកម្ម វិនិយោគប៉ុណ្ណោះទេ ថែមទាំងលើវិស័យការពារជាតិ សន្តិសុខ និងការផ្លាស់ប្តូររវាងប្រជាជននៃភាគីទាំងពីរទៀតផង។ លោកឯកអគ្គរាជទូតបានអះអាងថា ជប៉ុនជានិច្ចកាលគោរព និងផ្តល់អាទិភាពដល់វៀតណាមក្នុងការអនុវត្តគោលនយោបាយកិច្ចការបរទេសក្នុងតំបន់ និងមានបំណងចង់រួមដំណើរ និងគាំទ្រវៀតណាមក្នុងការសម្រេចគោលដៅឧស្សាហូបនីយកម្ម ទំនើបកម្ម និងក្លាយជាប្រទេសអភិវឌ្ឍន៍៕
