នៅក្នុងកិច្ចប្រជុំពិភាក្សាបន្ទាប់ពីពិធីបដិសណ្ឋារកិច្ច ប្រធានរដ្ឋសភាទាំងពីររូបបានឯកភាពថា កិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងប្រទេសទាំងពីរមានការរីកចម្រើនជាវិជ្ជមានក្នុងប៉ុន្មានឆ្នាំកន្លងទៅ ជាពិសេសចាប់តាំងពីកិច្ចព្រមព្រៀងពាណិជ្ជកម្មសេរី (FTA) រវាងវៀតណាម និងសហភាពសេដ្ឋកិច្ចអាស៊ី-អឺរុប (EAEU) ចូលជាធរមានក្នុងឆ្នាំ ២០១៦។ តម្លៃពាណិជ្ជកម្មទ្វេភាគីក្នុងឆ្នាំ ២០២៤ សម្រេចបានជិត ៥០០ លានដុល្លារអាមេរិក ប៉ុន្តែពិតជាមិនទាន់និរន្តរភាពយ៉ាងពិតប្រាកដនៅឡើយទេ។
ដោយអះអាងថា ប្រទេសទាំងពីរនៅតែមានសក្ដានុពលនិងបរិយាកាសជាច្រើនដើម្បីជំរុញកិច្ចសហប្រតិបត្តិការលើវិស័យផ្សេងៗ ប្រធានរដ្ឋសភាទាំងពីរបានឯកភាពពង្រឹងកិច្ចសហប្រតិបត្តិការរវាងមូលដ្ឋាននៃប្រទេសទាំងពីរ ដើម្បីឆ្លៀតយកជាអតិបរមានូវសក្តានុពលនៃមូលដ្ឋាននីយាយដោយឡែក និង រួមចំណែកដល់កិច្ចសហប្រតិបត្តិការរវាងប្រទេសទាំងពីរនិយាយរួម។ ប្រធានរដ្ឋសភាវៀតណាមលោក ត្រិន ថាញ់មិន ស្នើឲ្យភាគីអាមេនីបង្កើតលក្ខខណ្ឌរៀបចំសកម្មភាពផ្លាស់ប្តូរនិងផ្សព្វផ្សាយតម្លៃវប្បធម៌ ប្រវត្តិសាស្ត្រនៃប្រទេសទាំងពីរ; ពិចារណាលើលទ្ធភាពនៃការបង្កើតសមាគមមិត្តភាពអាមេនី-វៀតណាមនៅប្រទេសអាមេនី។
រីឯខ្លួនវិញ ប្រធានរដ្ឋសភាអាមេនី លោក Alen Simonyan បានសង្កត់ធ្ងន់ថា អាមេនីចាត់ទុកវៀតណាមមិនត្រឹមតែជាមិត្តប៉ុណ្ណោះទេ ថែមទាំងជាដៃគូសេដ្ឋកិច្ច និងពាណិជ្ជកម្មឈានមុខគេក្នុងតំបន់ទៀតផង។ លោកប្រធានរដ្ឋសភា Alen Simonyan បានឲ្យដឹងថា អាមេនីនឹងធ្វើជាម្ចាស់ផ្ទះនៃសន្និសីទអង្គការសហប្រជាជាតិស្តីពីជីវចម្រុះ (COP ១៧) នៅឆ្នាំ ២០២៦ ហើយបានសម្តែងក្តីសង្ឃឹមថា វៀតណាមនឹងបញ្ជូនគណៈប្រតិភូជាន់ខ្ពស់ទៅចូលរួមសន្និសីទនេះ។
បន្ទាប់ពីកិច្ចប្រជុំពិភាក្សា ប្រធានរដ្ឋសភាទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការរវាងរដ្ឋសភានៃប្រទេសទាំងពីរ វៀតណាម និងអាមេនី៕
