ប្រធានរដ្ឋវៀតណាម លោក លឿងគឿង បានវាយតំលៃខ្ពស់ចំពោះសារៈសំខាន់នៃដំណើរទស្សនកិច្ច និងលទ្ធផលនៃកិច្ចពិភាក្សារវាងប្រធានរដ្ឋសភាវៀតណាម លោក ត្រីន ថាញ់មិន និងប្រធានរដ្ឋសភាគុយបា លោក Esteban Lazo Hernandez; លោកជឿជាក់ថា ដំណើរទស្សនកិច្ចនេះនឹងរួមចំណែកពង្រឹងទំនាក់ទំនងមិត្តភាពពិសេស សាមគ្គីភាព កិច្ចសហប្រតិបត្តិការលើគ្រប់វិស័យ និងការជឿទុកចិត្តគ្នាទៅវិញទៅមករវាងវៀតណាម និងគុយបា។ លោកប្រធានរដ្ឋបានសង្កត់ធ្ងន់ថា វៀតណាមមានបំណងចង់ធ្វើឲ្យស៊ីជម្រៅថែមទៀតនិងលើកកំពស់ប្រសិទ្ធភាពនៃទំនាក់ទំនងសហប្រតិបត្តិការជាមួយគុយបាលើគ្រប់វិស័យ។
រីឯខ្លួនវិញ ប្រធានរដ្ឋសភាគុយបា លោក Esteban Lazo Hernandez បានអះអាងថា គុយបាជានិច្ចកាលចងចាំ គោរព និងវាយតម្លៃខ្ពស់ចំពោះសាមគ្គីភាព មិត្តភាព ការគាំទ្រដោយស្មោះស្ម័គ្រនិងជាក់ស្តែងរបស់បក្ស រដ្ឋ រដ្ឋសភា និងប្រជាជនវៀតណាម ជូនចំពោះគុយបានាពេលកន្លងទៅ; បានសង្កត់ធ្ងន់ថា គុយបាយកចិត្តទុកដាក់យ៉ាងខ្លាំងក្នុងការផ្លាស់ប្តូរនិងសិក្សារៀនសូត្រពីបទពិសោធន៍ដ៏សម្បូរបែបរបស់វៀតណាម ក្នុងដំណើរការលុបបំបាត់ឧបស័គ្គនៃសេដ្ឋកិច្ច ដោះស្រាយការលំបាកនិងបញ្ហាប្រឈមនាពេលបច្ចុប្បន្ន។
មេដឹកនាំទាំងពីរបានអះអាងពីការប្តេជ្ញាចិត្ត ធ្វើឱ្យស៊ីជម្រៅថែមទៀតនូវទំនាក់ទំនងជាគំរូរវាង វៀតណាម និងគុយបា ដែលលោកប្រធានហូជីមិញ និងមេដឹកនាំ Fidel Castro Ruz បានបង្កើតមូលដ្ឋាន ហើយត្រូវបានពូនជ្រុំដោយថ្នាក់ដឹកនាំនិងប្រជាជនជាច្រើនជំនាន់នៃប្រទេសទាំងពីរ។ មេដឹកនាំទាំងពីរបានឯកភាព អនុវត្តន៍យ៉ាងសកម្មនិងមានប្រសិទ្ធភាពនូវការសន្យានិងកិច្ចព្រមព្រៀងកម្រិតខ្ពស់ដែលសម្រេចបានក្នុងដំណើរទស្សនកិច្ចផ្លូវរដ្ឋនៅគុយបារបស់អគ្គលេខាបក្ស និងប្រធានរដ្ឋវៀតណាម លោក តូឡឹម ក្នុងខែកញ្ញា ឆ្នាំ ២០២៤; បន្តសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកនៅអង្គការអន្តរជាតិ និងវេទិកាពហុភាគី៕
