ទទួលទានចាននំកូនត្រីដែលមានស្នូលជាសណ្តែតខៀវក្តៅមួយចាន ដែលមានរសជាតិផ្អែមល្មម លាយជាមួយនឹងរសជាតិហឹរបន្តិចនៃទឹកស្ករ និងខ្ញី គឺជាចំណាប់អារម្មណ៍ដែលមិនអាចបំភ្លេចបានទេសម្រាប់អ្នកក្នុងស្រុក និងអ្នកទេសចរ នៅពេលមករដ្ឋធានី ហាណូយ (Ha Noi)។
នំកូនត្រីគឺជានំដែលធ្វើដោយម្សៅអង្ករដំណើប និងមានស្នូលជាសណ្តែកខៀវ និងល្ងខ្មៅ ដែលពិសារជាមួយទឹកស្ករដាំជាមួយខ្ញី និងដូងកោសជាសរសៃ។ នំកូនត្រីទាក់ទាញអ្នកទទួលទាន ដោយសារសំបកខាងក្រៅទន់រលោងខាងក្នុងស្វិត ថែមទាំងស្នូលនំមានរសជាតិឆ្ងាញ់ ទឹកស្ករមានរសជាតិខ្ញីផ្អែមល្មម។ ទទួលទាននំកូនត្រីមួយដុំដែលមានរសជាតិផ្អែមល្មម និងហឹររបស់ខ្ញីនៃទឹកស្ករ។ រសជាតិផ្អែម និងហឹរនោះបានជ្រាបចូលទៅក្នុងអណ្តាត និងបំពង់ក ដែលធ្វើឱ្យរាងកាយមានភាពកក់ក្តៅ និងបំបាត់ភាពត្រជាក់នៃអាកាសធាតុនៅហាណូយ (Ha Noi) ។
នំកូនត្រី ដែលជាមុខម្ហូបក្តៅដែលមិនអាចខ្វះបានក្នុងថ្ងៃដ៏ត្រជាក់របស់ទីក្រុងហាណូយ (Ha Noi)។
នំកូនត្រីមិនត្រឹមតែមានរសជាតិឆ្ងាញ់ប៉ុណ្ណោះទេ ថែមទាំងមានតម្លៃអាហារូបត្ថម្ភខ្ពស់ទៀត ផង។ ការដាក់ខ្ញីនៅពេលដាំទឹកស្ករ ក្រៅពីបង្កើនរសជាតិ ម្ហូបក៏មានភាពកក់ក្តៅផងដែរ ដើម្បីជួយអ្នកទទួលទានអាហារឱ្យជៀសផុតពីជំងឺផ្តាសាយក្នុងអំឡុងការផ្លាស់ប្តូររដូវ។ ជាពិសេសខ្ញីចម្អិនជាមួយទឹកក្តៅនឹងជួយធ្វើឱ្យរាងកាយមានភាពកក់ក្តៅ ជួយដំណើរការឈាមរត់ និងបំបាត់ជំងឺផ្តាសាយ និងក្អក។ មិនត្រឹមតែប៉ុណ្ណោះ ខ្ញីក៏ជួយព្យាបាលបញ្ហាប្រព័ន្ធរំលាយអាហារ និងបញ្ហាពោះវៀនផងដែរ។ ផ្សំជាមួយស្ករអំពៅនឹងបង្កើតទឹកក្តៅការពារជំងឺផ្តាសាយដ៏អស្ចារ្យ។ ក្រៅពីនេះ អង្ករដំណើបមានភាពកំដៅ និងមានប្រសិទ្ធភាពក្នុងការបន្ថែមវីតាមីន និងប្រូតេអ៊ីនមួយចំនួន ដែលល្អសម្រាប់អ្នកដែលមានជំងឺស្លេកស្លាំង និងជំងឺពុកឆ្អឹង។ ការប្រើប្រាស់គ្រឿងផ្សំនៅក្នុងការធ្វើនំកូនត្រី មានប្រសិទ្ធភាពក្នុងការបំប៉នឈាម បំពេញថាមពល និងស្តារសុខភាពរាងកាយឡើងវិញ។
សណ្តែកខៀវត្រូវបានសម្អាតនិងចម្អិន។
ដើម្បីធ្វើនំកូនត្រីមួយចាន អ្នកធ្វើត្រូវធ្វើយ៉ាងល្អិតល្អន់ និងល្អិតល្អន់។ អង្ករសម្រាប់កិនម្សៅត្រូវតែជាអង្ករដំណើបដ៏ឈ្ងុយឆ្ងាញ់។ ម្សៅកិនរួចហើយ បន្ទាប់ពីលាយជាមួយទឹកបន្តិច ហើយនឹងត្រូវច្របាច់និងបែកចែកជាដុំម្រៅដ៏ស្អិត ទន់ និងរលោង។ ក្រោយពីដុំម្សៅលែងស្អិតហើយ អ្នកយកវាទៅគ្រប ដើម្បីរក្សាកំដៅប្រហែលកន្លះម៉ោង ហើយចែកជាផ្នែកតូចៗ សូនជាមូលហើយទម្លាក់ចូលក្នុងឆ្នាំងដែលមានទឹកកំពុងពុះ។ ធម្មតានំកូនត្រីមួយចាននឹងមាន២ ទៅ ៣ នំ ហើយមាននំដែលមានស្នូលជាគ្រាប់ល្ងខ្មៅ និងសណ្តែកខៀវ។
របៀបតុបតែងនំកូនត្រីមួយចាន បន្ទាប់ពីនំបានដាក់ក្នុងចាន ចាក់ទឹក រោយល្ងបន្តិច ដូងបានកោសជាសរសៃបន្តិចនៅលើ។ ថ្មីៗនេះ ហាងមួយចំនួននឹងបន្ថែមទឹកខ្ទីះដូងដែលមានជាតិខ្លាញ់បន្តិច។ អាចនិយាយបានថា "ព្រលឹង" នៃចាននំកូនត្រីមួយគឺទឹកស្ករអំពៅពិសារជាមួយនំកូនត្រី។ ថ្វីត្បិតតែគ្រឿងផ្សំសម្រាប់ធ្វើនំកូនត្រីគឺសាមញ្ញណាស់ ប៉ុន្តែមុខម្ហូននេះៗក្លាយជាផ្នែកដែលមិនអាចបំបែកបាននៃម្ហូបហាណូយ (Ha Noi)៕
ហាងលក់នំត្រីកូនឆ្ងាញ់បំផុតនៅរដ្ឋធានីហាណូយ (Ha Noi)៖
នំកូនត្រី - បាយដំណើបនិងបង្អែមវិថីបុរាណ - លេខ ២៦ វិថីយ៉ាងឺ ខណ្ឌ ហ័នគៀម ( វិថី Gia Ngu ខណ្ឌ Hoan Kiem)
នំកូនត្រី - លេខ ១១៦ វិថី ង្វៀនឃៀន (Nguyen Khuyen) ខណ្ឌ បាឌីញ (Ba Dinh) រដ្ឋធានី ហាណូយ (Ha Noi)។
នំកូនត្រី - បាយដំណើបង្អែមលោកយាយ ធិន (Thin) - លេខ១ វិថី បាតដាន (Bat Dan) ខណ្ឌ ហ័នគៀម (Hoan Kiem)។
នំអន្សម - ផ្លូវ ដេតូហ័ង (De To Hoang) ខណ្ឌ ហាយបាទ្រឹង (Hai Ba Trung) ។
នំកូនត្រី - បង្អែមក្នុងបួនរដូវ - លេខ ៤ វិធី ហាងកិន ( Hang Can) ខណ្ឌ ហ័នគៀម (Hoan Kiem)។
អត្ថបទ៖ កុងដាត រូបថត៖ ថាញ់យ៉ាង