ទិដ្ឋភាពនៃកិច្ចប្រជុំ (រូបថត៖ Lai Hoa/VOV)

អញ្ជើញថ្លែងក្នុងពិធីបើក លោកនាយករដ្ឋមន្ត្រីបានមានប្រសាសន៍ថា នាពេលថ្មីៗនេះរដ្ឋាភិបាលបានចូលរួមយ៉ាងសកម្មក្នុងការអនុវត្តគម្រោងធំៗដូចជា៖ គម្រោងផ្លូវដែកខាងជើង-ខាងត្បូង; ផ្លូវរថភ្លើង Lao Cai – Ha Noi - Hai Phong; ផ្លូវរថភ្លើងក្នុងទីក្រុងហាណូយនិងទីក្រុងហូជីមិញ។ លោកនាយករដ្ឋមន្ត្រីបានចាត់ទុកថា ការវិនិយោគលើការសាងសង់ផ្លូវដែកគឺមានដំណាក់កាលជាច្រើន ចំណាយខ្ពស់ ហើយទាមទារការខិតខំប្រឹងប្រែងយ៉ាងខ្លាំង ការប្តេជ្ញាចិត្ត និងការយល់ដឹងអំពីសមត្ថភាពបច្ចេកវិទ្យាសម្រាប់ផ្លូវដែក។  

ដើម្បីដោះស្រាយការលំបាកក្នុងការអនុវត្តគម្រោងផ្លូវដែក លោកនាយករដ្ឋមន្ត្រីបានសង្កត់ធ្ងន់ថា៖ “គម្រោងផ្លូវរថភ្លើងឆ្លងកាត់ខេត្តណា ខេត្តនោះត្រូវឈូសឆាយដីសាងសង់ និងដំណើរការស្ថានីយ។ ពង្រីកស្មារតីនៃការពឹងផ្អែកលើខ្លួនឯង និងភាពខ្លួនទីពឹងខ្លួនរបស់មូលដ្ឋាន។ ក្រសួងធ្វើតែការងារទាក់ទងនឹងការគ្រប់គ្រងរដ្ឋ។ កន្លងមកនេះ រដ្ឋាភិបាលបានប្រគល់ជូនខេត្តក្រុងជាបណ្តើរៗ ដែលខ្ញុំយល់ឃើញថាល្អណាស់”។

នាយករដ្ឋមន្ត្រីក៏បានស្នើដល់ក្រសួង ស្ថាប័ន សាខានិងមូលដ្ឋាន បង្កើនការអនុវត្តវិទ្យាសាស្ត្រនិងបច្ចេកវិទ្យា លើកកម្ពស់គុណភាព និងប្រសិទ្ធភាពនៃប្រតិបត្តិការ ព្រមទាំងទទួលបាន និងអនុវត្តបច្ចេកវិទ្យាទំនើបក្នុងការសាងសង់ ការគ្រប់គ្រង និងការធ្វើអាជីវកម្មផ្លូវដែក; បណ្តុះបណ្តាលធនធានមនុស្សប្រកបដោយគុណភាពខ្ពស់ ដើម្បីដំណើរការប្រព័ន្ធផ្លូវដែកទំនើប៕