ឧបនាយករដ្ឋមន្ត្រី លោក Tran Hong Ha បានចាត់ទុកថា ការអនុវត្តបទប្បញ្ញត្តិស្តីពីការប្រយុទ្ធប្រឆាំងនឹងការនេសាទខុសច្បាប់ គ្មានរបាយការណ៍និងគ្មានការគ្រប់គ្រង (IUU) បានជួយគ្រប់គ្រងសកម្មភាពនេសាទនិងធ្វើអាជីវកម្មជលផល ប្រកបដោយនិរន្តរភាព។ ដូច្នេះហើយ សេចក្តីព្រាងសេចក្តីសម្រេចចិត្តនេះ ចាំបាច់ត្រូវមានបទប្បញ្ញត្តិ និងដំណោះស្រាយបន្ថែម ដើម្បីដោះស្រាយទាំងស្រុងនូវការនេសាទខុសច្បាប់ គ្មានរបាយការណ៍និងគ្មានការគ្រប់គ្រង់ តាមរយៈយន្តការនិងគោលនយោបាយសមស្រប រួមទាំងតួនាទីនិងទំនួលខុសត្រូវរបស់រដ្ឋ។
លោកឧបនាយករដ្ឋមន្ត្រី Tran Hong Ha បានស្នើថា ការធ្វើវិសោធនកម្ម និងបំពេញបន្ថែមនូវសេចក្តីសម្រេចចិត្តមួយចំនួនក្នុងវិស័យជលផល ត្រូវមានចក្ខុវិស័យវែងឆ្ងាយជាង ដោយផ្តោតលើការដោះស្រាយឱ្យបានហ្មត់ចត់នូវបញ្ហាសំខាន់ៗមួយចំនួន ដើម្បីដក "កាតលឿង" IUU ដូចជា៖ ការគ្រប់គ្រងការនេសាទនិងធ្វើអាជីវកម្មជលផលប្រកបដោយនិរន្តរភាព តាមតំបន់នេសាទនិងរដូវត្រីពង; កែសម្រួលនីតិវិធីរដ្ឋបាលសម្រាប់ទូកនេសាទចូលចតនៅកំពង់ផែ ដោយផ្អែកលើទិន្នន័យត្រួតពិនិត្យការធ្វើដំណើរ និងកំណត់ហេតុអេឡិចត្រូនិក។ ព័ត៌មាននិងទិន្នន័យស្តីពីសកម្មភាពរបស់ទូកនេសាទ នាវាដឹកជញ្ជូនផ្នែកនេសាទ អង្គភាពប្រមូលទិញ ទីកន្លែង/សហគ្រាសកែច្នៃ... គួរតែគ្រប់គ្រងក្នុងខ្សែសង្វាក់បិទជិត ដើម្បីធានាប្រភពដើមរបស់ជលផល៕
