កម្មវិធីនេះមានវត្តមានរបស់គណៈប្រតិភូជិត ១៥០ នាក់ រួមទាំងឯកអគ្គរដ្ឋទូត និងអ្នកតំណាងចំនួន ១៤ រូប បុគ្គលិកការទូតនៃស្ថានទូតចំនួន ៣៤ នៃប្រទេស; តំណាងអង្គការអន្តរជាតិ/អង្គការក្រៅរដ្ឋាភិបាលបរទេសចំនួន ២៤ រូប។ គណៈប្រតិភូបានទៅទស្សនាកំពូលភ្នំ Fansipan ស្ថិតក្នុងទីរួមខេត្ត Sa Pa; ចូលរួមពិធីជប់លៀងជួបប្រាស្រ័យ និងរីករាយជាមួយការសម្តែងវប្បធម៌ពិសេសប្រចាំខេត្ត Lao Cai ភាគពាយ័ព្យ។ លោក Saadi Salama ឯកអគ្គរដ្ឋទូតប៉ាឡេស្ទីនក្នុងនាមសមាជិកនៃអង្គភាពការទូតបានសម្តែងថា៖ “យើងម្នាក់ៗប្រាកដជានឹងនាំមកជាមួយនូវអនុស្សាវរីយ៍ដ៏រីករាយអំពី Lao Cai។ កន្លែងដែលយើងធ្លាប់ឆ្លងកាត់ ហើយមនុស្សដែលស្លូតបូត្រ និងរួសរាយរាក់ទាក់ ដែលយើងបានជួបគឺដូចជាកំណាព្យដែលពោរពេញដោយមនោសញ្ចេតនាអញ្ជឹង”។
ក្នុងឱកាសនេះ ខេត្ត Lao Cai និងតំណាងអង្គការក្រៅរដ្ឋាភិបាលបរទេសចំនួន ៦ បានចុះហត្ថលេខាលើអនុស្សរណៈយោគយល់គ្នាស្តីពីខ្ទង់ជំនួយដែលបាន ប្តេជ្ញាចិត្តក្នុងរយៈពេលខាងមុខ ដែលមានតម្លៃសរុបជាង ២ លានដុល្លារអាមេរិក។
កម្មវិធីជួបប្រាស្រ័យមិត្តភាពអន្តរជាតិ គឺជាសកម្មភាពប្រចាំឆ្នាំ ត្រូវបានសម្ព័ន្ធសមាគមអង្គការមិត្តភាពវៀតណាម សហការជាមួយខេត្ត ក្រុងនានារៀបចំឡើង។ តាមនោះ រួមចំណែកផ្សព្វផ្សាយរូបភាពវៀតណាមជាមួយមិត្តភក្តិអន្តរជាតិ៕
