ព័ត៌មាន
កម្លាំងជួយសង្គ្រោះរបស់ក្រសួងនគរបាលវៀតណាម បានរកឃើញជនរងគ្រោះបន្ថែមទៀត ដោយបន្តប្រតិបត្តិការជួយសង្គ្រោះអន្តរជាតិនៅមីយ៉ាន់ម៉ា
មុននោះ នៅក្នុងតំបន់មន្ទីរពេទ្យនេះ ក្រុមជួយសង្គ្រោះរបស់ក្រសួងនគរបាលបានរកឃើញនិងទាញយកសាកសពក្មេងប្រុសអាយុ ១៤ឆ្នាំម្នាក់ ដែលជាប់គាំងក្នុងគំនរបាក់បែកផងដែរ។
ក្នុងពេលនោះ កិច្ចខិតខំប្រឹងប្រែងអន្តរជាតិសំដៅជម្នះផលវិបាកនៃគ្រោះរញ្ជួយដីនៅតែបន្ត។
ប្រទេសជប៉ុនបានឲ្យដឹងថា នឹងចាត់បញ្ជូនក្រុមវេជ្ជបណ្ឌិតនិងគិលានុបដ្ឋាយិកា ចំនួន ៣២ នាក់ ទៅមីយ៉ាន់ម៉ានៅព្រឹកថ្ងៃទី ២ មេសា។ មុននោះ ជប៉ុនបានដឹកជញ្ជូនសំពត់តង់មិនជ្រាបទឹកចំនួន ២៤០ និងតង់ចំនួន ៤៥០ ទៅប្រទេសមីយ៉ាន់ម៉ា។
ប្រមុខទីភ្នាក់ងារសង្គ្រោះរបស់ឥណ្ឌូនេស៊ី (Baznas) លោក Noor Achmad បានឲ្យដឹងថា ប្រទេសនេះកំពុងបញ្ជូនទំនិញ និងជំនួយមនុស្សធម៌ទៅកាន់ប្រទេសមីយ៉ាន់ម៉ា ដើម្បីឧបត្ថម្ភជនរងគ្រោះដោយសារការរញ្ជួយដី។ កញ្ចប់ជំនួយដំបូងដែលរៀបចំដោយ Baznas រួមមានម៉ាស៊ីនភ្លើងចំនួន ១០០គ្រឿង តង់ចំនួន ៥០តង់ សារុង ១០.០០០ សម្ភារៈសំខាន់ៗសម្រាប់ស្ត្រី និងកុមារចំនួន ៥.០០០កញ្ចប់។ Baznas នឹងបន្តដឹកជញ្ជូនកញ្ចប់ជំនួយថ្មី ហើយបរិមាណជំនួយអាចកើនឡើងអាស្រ័យលើតម្រូវការជាក់ស្តែងនៅក្នុងតំបន់ដែលរងផលប៉ះពាល់។
ធនាគារអភិវឌ្ឍន៍អាស៊ី(ADB) កំពុងរៀបចំថវិកាចំនួន ៣លានដុល្លារអាមេរិក ដើម្បីជួយឧបត្ថម្ភមីយ៉ាន់ម៉ា ដោះស្រាយតម្រូវការបន្ទាន់ បន្ទាប់ពីគ្រោះរញ្ជួយដី។ ថវិកានេះនឹងមកពីមូលនិធិឆ្លើយតបគ្រោះមហន្តរាយអាស៊ី-ប៉ាស៊ីហ្វិក សំដៅផ្តល់ជំនួយយ៉ាងឆាប់រហ័សដល់ប្រទេសកំពុងអភិវឌ្ឍន៍បន្ទាប់ពីគ្រោះមហន្តរាយធម្មជាតិ៕
