នេះជាព័ត៌មានដែលលោក Do Van Chien ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម (VFF) បានប្រកាសក្នុងសន្និសីទលើកទី ៤ នៃគណៈប្រធានគណៈកម្មាធិការមជ្ឈិមរណសិរ្សមាតុភូមិវៀតណាមអាណត្តិ ១០ ដែលបានប្រព្រឹត្តិទៅនៅថ្ងៃទី ៩ កក្កដា នៅទីក្រុងហាណូយ។
 លោក Do Van Chien ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម។ រូបថត៖ Hà Nam/VOV1 |
យោងតាមរបាយការណ៍នៅក្នុងសន្និសីទនេះ គិតត្រឹមដើមខែកក្កដាឆ្នាំនេះ ប្រទេសទាំងមូលបានគាំទ្រការសាងសង់ និងជួសជុលផ្ទះចំនួន ២៦៤.០០០/២៦៤.០០០ខ្នង ត្រូវនឹង ៩៥,៣%។ ខេត្តក្រុងជាច្រើនបានសម្រេចបានអត្រាខ្ពស់ ឬមុនកាលវិភាគ។ ខេត្តចំនួន ១៨ បានបញ្ចប់កម្មវិធីលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោម ហើយខេត្តចំនួន១៦ទៀតនឹងបញ្ចប់ការសាងសង់ផ្ទះសម្រាប់ជនមានគុណូបការៈ មុនថ្ងៃទី២៧ កក្កដា និងបញ្ចប់កម្មវិធីទាំងស្រុងត្រឹមថ្ងៃទី៣១ ខែសីហា។ លោក Do Van Chien បានបញ្ជាក់ថា៖ “យើងបានរៀបចំ និងអនុវត្តដោយជោគជ័យនូវកម្មវិធីលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោមទូទាំងប្រទេស ដើម្បីអបអរសាទរទិវាបុណ្យសំខាន់ៗនៅឆ្នាំ ២០២៥។ ដូច្នេះហើយ អាចនិយាយបានថា នេះជាចលនាប្រជាជនទាំងមួល ទូលំទូលាយ និងទូទាំងប្រទេស ដែលមនុស្សគ្រប់គ្នាចាត់ទុកថា ស្របនឹងទឹកចិត្តរបស់ប្រជាជន”៕
