ម្ហូបបួសមានប្រភពពីពុទ្ធសាសនា។ សព្វថ្ងៃ ស្នាដៃស្រាវជ្រាវវិទ្យាសាស្រ្តបានបញ្ជាក់ថា ពិសាម្ហូបបួសមិនត្រឹមតែជួយមនុស្សយើងមានសុខភាពល្អ នៅទាំងបង្ការបានជម្ងឺមួយចំនួន។ ហេតុនេះ និន្នាការ “ពិសាម្ហូបបួសដើម្បីសុខភាព” ពីមួយថ្ងៃទៅមួយថ្ងៃ បានជនជាតិវៀតណាម ទទួលស្គាល់និងប្រើប្រាស់ជាទូទៅ។
វត្ថុដើមសម្រាប់ធ្វើមុខម្ហូបបួសសំខាន់គឺ បន្លែ មើម តៅហ៊ូ ផ្សិត។ល។ សិល្បៈកែច្នៃម្ហូបបួស ដើម្បីធ្វើឲ្យមុខម្ហូបមិនត្រឹមតែឆ្ងាញ់ មានជាតិបំប៉ន់ នៅទាំងមានភាពវិចិត្រស្អាត ជួនកាលសំឡឹកដូចជារបស់ពិត។ ហេតុនេះក្រៅពិមុខម្ហូបស្ងោរ ឆាសាមញ្ញ គេនៅចំណាយកម្លាំងកែច្នៃមុខម្ហូបបួស មានរូបភាពដូចជាមុខម្ហូបប្រៃ។ ឧទាហរណ៍ ម្ហូបបួសក៏មានកោះមាន់ឆា បង្គាចៀនម្សៅ ណែម ពងមាន់ចៀន សាច់គោខ។ល។ តែបានធ្វើមកអំពីវត្ថុដើមមានប្រភពពីរក្ខជាតិសុទ្ធសាធ។
 នំម្សៅស្នូលសណ្តែកខៀវ។  បន្លែស្រុះជ្រលក់ទឹក ស៊ីអ៊ីវ ទឹកជ្រលក់។  ផ្សិតខ។  ឆាផ្សិតនិងននោង។  សម្លស្ពៃតៅហ៊ូវនិងខ្ញី។  តែស្រស់។  តែផ្កាឈូក។ |
ដើម្បីបម្រើអ្នកជំនោលពិសាម្ហូបបួសរបស់ជនជាតិវៀតណាម សព្វថ្ងៃនៅហាណូយ ទីក្រុងហូជីមិញនិងខេត្តស្រុកទាំងឡាយទូទាំងប្រទេស ផុសចេញភោជនីយដ្ឋានម្ហូបបួស និងហាងលក់គ្រឿងបួស។ បញ្ជីមុខម្ហូបរបស់ភោជនីយដ្ឋានម្ហូបបួសយ៉ាងសម្បូរបែប ដោយមានមុខម្ហូបនាំមុខ គឺសម្ល ខ ស្ងោរ ឆា ឆ្នាំងភ្លើង នំបញ្ចុក បបរ ស៊ុប។ល។
រាល់ពេលពិសាម្ហូបបួសរួចរាល់ ភោជនីយដ្ឋានច្រើនបម្រើអ្នកពិសា នូវមុខម្ហូបលាងមាត់ដោយផ្លែឈើ បបរសណ្តែកឬទឹកតែជាមួយត្រណាប់។ ដោយឡែកមិត្តយុវតីអាចជ្រើសរើសប្រភេទតែ ដែលមានរសជាតិសា្រលដូចជាតែផ្កាឈូក ។ រសជាតិសា្រល ក្លិនភាយសា្រលៗនាំមកនូវអារម្មណ៍ស្រស់ថ្លាជួយស្តាសុខភាពដើម្បីអាចបន្តការងារប្រចាំថ្ងៃ។
|
អាសយដ្ឋានហាងម្ហូបបួសទទួលទំនុកចិត្ត៖ |
អត្ថបទនិងរូបថត៖ ង្វៀនឡឹង
