• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ដំណើរទស្សនកិច្ចចូលរួមសប្តាហ៍កម្រិតខ្ពស់ APEC របស់អគ្គលេខាបក្ស ប្រធានរដ្ឋលោកតូ ឡឹម មានអត្ថន័យសំខាន់

ឯកអគ្គរដ្ឋទូតវៀតណាមប្រចាំនៅចិន លោក ហ្វាម ថាញ់ ប៊ិញ បានសង្កត់ធ្ងន់ថា ដំណើរទស្សនកិច្ចទៅកាន់ចិន ចូលរួមសប្តាហ៍កម្រិតខ្ពស់លើកទី ៣៣ នៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) និងមានជំនួបធ្វើការទ្វេភាគីនៅចិន ចាប់ពីថ្ងៃទី ១៧ ដល់ថ្ងៃទី ២០ ខែវិច្ឆិកា ឆ្នាំ ២០២៦ របស់អគ្គលេខាបក្ស ប្រធានរដ្ឋលោកតូ ឡឹម មានអត្ថន័យសំខាន់ពិសេស ទាំងទិដ្ឋភាពទ្វេភាគី និងពហុភាគី។

ឯកអគ្គរដ្ឋទូតវៀតណាមប្រចាំនៅចិន លោក ហ្វាម ថាញ់ ប៊ិញ (រូបថត៖ TTXVN)

ក្នុងន័យពហុភាគី ក្នុងបរិបទនៃសេដ្ឋកិច្ចពិភពលោកដែលនៅតែពោរពេញដោយភាពមិនប្រាកដប្រជា ការកើនឡើងនៃនិន្នាការការពារនិយម និងការកែសម្រួលយ៉ាងស៊ីជម្រៅចំពោះពាណិជ្ជកម្មសកល និងខ្សែសង្វាក់ផ្គត់ផ្គង់ ការចូលរួមរបស់ថ្នាក់ដឹកនាំជាន់ខ្ពស់បំផុតរបស់វៀតណាមនៅក្នុងសប្តាហ៍កម្រិតខ្ពស់ APEC លើកទី ៣៣ បង្ហាញពីការយកចិត្តទុកដាក់ ការរួមចំណែកវិជ្ជមាន និងមានការទទួលខុសត្រូវរបស់វៀតណាមចំពោះកិច្ចសហប្រតិបត្តិការ និងការធ្វើសមាហរណកម្មសេដ្ឋកិច្ចក្នុងតំបន់។ នេះគឺជាឱកាសមួយសម្រាប់វៀតណាម និងសេដ្ឋកិច្ចសមាជិកដទៃទៀត ដើម្បីផ្លាស់ប្តូរទស្សនៈលើទិសដៅសហប្រតិបត្តិការសំខាន់ៗ លើកកម្ពស់ការសន្ទនា ពង្រឹងទំនុកចិត្ត ស្វែងរកដំណោះស្រាយរួមសម្រាប់តំបន់អាស៊ី-ប៉ាស៊ីហ្វិកដែលមានសន្តិភាព ស្ថិរភាព បើកចំហរ ស្វាហាប់ និងវិបុលភាព។ ជាពិសេស សប្តាហ៍កម្រិតខ្ពស់ APEC ឆ្នាំនេះ គឺជាសញ្ញាសម្គាល់ការដែល វៀតណាមទទួលយកតួនាទីធ្វើជាម្ចាស់ផ្ទះ APEC ២០២៧ ពីប្រទេសចិន។

ទាក់ទងនឹងទំនាក់ទំនងទ្វេភាគី នេះគឺជាដំណើរទស្សនកិច្ចការងារលើកទីពីររបស់អគ្គលេខាបក្ស ប្រធានរដ្ឋលោកតូ ឡឹម ទៅកាន់ប្រទេសចិនក្នុងឆ្នាំ ២០២៦នេះ។ ដំណើរទស្សនកិច្ចនេះបញ្ជាក់បន្ថែមទៀតអំពីទស្សនៈជាប់លាប់របស់វៀតណាមថា ការអភិវឌ្ឍទំនាក់ទំនងជាមួយចិនគឺជាតម្រូវការបរានុម័ត ជាជម្រើសយុទ្ធសាស្ត្រ និងជាអាទិភាពកំពូលនៅក្នុងគោលនយោបាយការបរទេសរបស់ខ្លួន ហើយចិនក៏ចាត់ទុកវៀតណាមជាអាទិភាពក្នុងការទូតជិតខាងផងដែរ៕

តាម​ vovworld.vn/km-KH

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top