• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ គឺជាសសរស្តម្ភដ៏រឹងមាំដែលតភ្ជាប់វៀតណាមនិងជប៉ុន

អគ្គលេខាបក្ស ប្រធានរដ្ឋ លោក តូ ឡឹម បានចាត់ទុកថា ភាគីទាំងពីរត្រូវផ្លាស់ប្តូរទំនាក់ទំនងពី "កិច្ចសហប្រតិបត្តិការប្រពៃណីដែលផ្អែកលើការទទួលនិងការផ្ទេរ" ទៅជា "កិច្ចសហប្រតិបត្តិការសម្រាប់ការសហស្ថាបនា និងការតភ្ជាប់គ្នាយ៉ាងស៊ីជម្រៅទាក់ទងនឹងខ្សែសង្វាក់តម្លៃ និងខ្សែសង្វាក់ផ្គត់ផ្គង់"។

ទិដ្ឋភាពនៅកិច្ចសន្ទនា។ (រូបថត៖ VNA)

នៅក្នុងជំនួបសន្ទនាជាមួយថ្នាក់ដឹកនាំ និងតំណាងជាន់ខ្ពស់នៃសាជីវកម្មធំៗរបស់ជប៉ុននៅព្រឹកថ្ងៃទី ៩ ខែវិច្ឆិកា អគ្គលេខាបក្ស ប្រធានរដ្ឋវៀតណាម លោក តូ ឡឹម បានបញ្ជាក់ថា កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ គឺជាកម្លាំងចលករដ៏រឹងមាំបំផុត និងជាសសរស្តម្ភដ៏រឹងមាំដែលតភ្ជាប់វៀតណាម និងជប៉ុន។ វៀតណាមកំពុងជំរុញយ៉ាងសកម្មដើម្បីទំនាក់ទំនងសហប្រតិបត្តិការនេះមានតុល្យភាពជាងមុននៅក្នុងប៉ុន្មានឆ្នាំខាងមុខ ក្នុងនោះសមាជិកនៃសហព័ន្ធអង្គការសេដ្ឋកិច្ចជប៉ុន (Keidanren) គឺជាធាតុស្នូល។

អគ្គលេខាបក្ស ប្រធានរដ្ឋ លោក តូ ឡឹម ថ្លែងនៅកិច្ចសន្ទនា។ (រូបថត៖ VOV)

ដោយសង្កត់ធ្ងន់លើតម្រូវការក្នុងការកែលម្អគុណភាពនៃកិច្ចសហប្រតិបត្តិការ អគ្គលេខាបក្ស ប្រធានរដ្ឋ លោក តូ ឡឹម បានចាត់ទុកថា ភាគីទាំងពីរត្រូវផ្លាស់ប្តូរទំនាក់ទំនងពី "កិច្ចសហប្រតិបត្តិការប្រពៃណីដែលផ្អែកលើការទទួលនិងការផ្ទេរ" ទៅជា "កិច្ចសហប្រតិបត្តិការសម្រាប់ការសហស្ថាបនា និងការតភ្ជាប់គ្នាយ៉ាងស៊ីជម្រៅទាក់ទងនឹងខ្សែសង្វាក់តម្លៃ និងខ្សែសង្វាក់ផ្គត់ផ្គង់"។ លោកអគ្គលេខាបក្ស ប្រធានរដ្ឋ បានស្នើឱ្យសហគ្រាស Keidanren ចាត់ទុកប្រទេសវៀតណាមជាដៃគូយុទ្ធសាស្ត្ររយៈពេលវែង ដែលរួមគ្នាច្នៃប្រឌិត និងអភិវឌ្ឍន៍ផលិតផល សាកល្បងគំរូថ្មីៗ អភិវឌ្ឍន៍បច្ចេកវិទ្យាយុទ្ធសាស្ត្រ កសាងប្រព័ន្ធអេកូឡូស៊ីឧស្សាហកម្មបច្ចេកវិទ្យាខ្ពស់ ស៊ឺមីកុងឌុចទ័រ បញ្ញាសិប្បនិម្មិត សាងសង់មជ្ឈមណ្ឌលទិន្នន័យទ្រង់ទ្រាយធំ និងអភិវឌ្ឍន៍ដំណោះស្រាយបញ្ញាសិប្បនិម្មិតផងដែរ។

សម្រាប់ភាគីជប៉ុន តំណាងនៃសាជីវកម្មនានាបានបញ្ជាក់ពីការរួមដំណើរ ការរួមចំណែកដល់កំណើនប្រកបដោយចីរភាពនិងវិបុលភាពរបស់វៀតណាម តាមរយៈកិច្ចសហប្រតិបត្តិការប្រកបដោយប្រសិទ្ធភាពក្នុងវិស័យជាច្រើន៕

តាម​ vovworld.vn/km-KH/

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top