អ្នកចាប់ចំណងស្ពាន់សិក្សាអប់រំអង់គ្លេស - វៀតណាម
ធ្លាប់ធ្វើការច្រើនឆ្នាំនៅក្រសួងការបរទេសអង់គ្លេស លោកឯកអគ្គរដ្ឋទូត Gareth Ward ជាអ្នកមានចិត្តទូលាយ និង ចូលចិត្តរៀនភាសា។ ពេលចាប់ផ្តើមអាណាត្តិរបស់ខ្លួននៅក្រុងហាណូយ លោកបានផ្តល់ពេលវេលាភាគច្រើនដើម្បីរៀនភាសា ចាត់ទុកដូចជារបៀបពិសោធន៍មួយ នៃខឿនសិក្សាអប់រំវៀតណាម។ ជាមធ្យមលោកផ្តល់ពេលវេលាបីម៉ោងក្នុងមួយថ្ងៃ ដើម្បីរៀនភាសាវៀតណាម ពី“គ្រូបង្រៀនឯកជន” ជានិស្សិតម្នាក់នៃមហាវិទ្យាល័យវិទ្យាសាស្រ្តសង្គម និង មនុស្សសាស្រ្ត នៃសកលវិទ្យាល័យជាតិហាណូយ។
ការប្រើប្រាស់ស្ទាត់ជំនាញភាសាវៀតណាម បានជួយលោកយ៉ាងច្រើនក្នុងការងារស្វែងយល់អំពីវប្បធម៌ និង សិក្សាអប់រំរបស់វៀតណាម។ នៅរាល់វេទិកាអប់រំ ឬសិក្ខាសាលាមួយណាក៏ដោយ លោកឯកអគ្គរដ្ឋទូត Gareth Ward តែងតែចូលរួមថ្លែងការណ៍ដោយភាសាវៀតណាម។ ពិសេស នាឱកាសទិវានារីអន្តរជាតិ នាថ្ងៃទី៨ ខែមីនាកន្លងហើយ លោកឯកអគ្គរដ្ឋទូត បានបង្កាញពីទឹកចិត្តចង់រៀនរករបស់ខ្លួន ដោយវិធីចាត់តាំងពិធីប្រឡង៖ “ក្លាយជាឯកអគ្គរដ្ឋទូត ចក្រក្រភពអង់គ្លេសមួយថ្ងៃ” សម្រាប់យុវតីមានអាយុពី១៣ - ២២ឆ្នាំ។
នេះជាពិធីប្រឡង ប៉ុន្តែបានសឱ្យឃើញថា Gareth Ward ជាឯកអគ្គរដ្ឋទូតម្នាក់ ចង់ចែករំលែកការងាររបស់ខ្លួន ទៅដល់យុវជនវៀតណាម ក៏ដូចជានាំមកជូនពួកគាត់នូវឱកាសមួយ បានរៀនសូត្រ និង បង្ហាញពីសមត្ថភាព។ ពិធីប្រឡងបានសាយភាយ និង បំផុសគំនិតជូនយុវជនវៀតណាមរាប់រយនាក់ ដែលកំពុងរៀននៅតាមសកលវិទ្យាល័យ។ ប្អូនៗបានកត់ត្រារូបភាពខ្លួន ឆ្លើយតបនឹងសំណូរ “ប្រសិនបើបានក្លាយជាឯកអគ្គរដ្ឋទូតនៃចក្រក្រភពអង់គ្លេសមួយថ្ងៃ នឹងប្រើប្រាស់កម្លាំងឥទ្ធិពលរបស់ខ្លួនដូចម្តេច ដើម្បីជំរុញការសិក្សាអប់រំជូនក្មេងស្រី និង នារីនៅវៀតណាម”។
ឯកអគ្គរដ្ឋទូតនៃចក្រភពអង់គ្លេស លោក Gareth Ward។ រូបថត៖ ត្រឹនថាញយ៉ាង លោកឯកអគ្គរដ្ឋទូត Gareth Ward ពិភាក្សាផ្តល់យោបល់ចំពោះថ្នាក់ដឹកនាំអប់រំវៀតណាម ស្តីពីឱកាសសហប្រតិបត្តិការអង់គ្លេស - វៀតណាម។ រូបថត៖ ឯកសារ លោកឯកអគ្គរដ្ឋទូត Gareth Ward ថ្លែងសុន្ទរកថា អបអរសាទរសិក្ខាសាលា “ប្រឈមមុខ និង សក្តានុពលសហប្រតិបត្តិការអប់រំសកលវិទ្យាល័យវៀតណាម និង ចក្រភពអង់គ្លេស" រៀបចំនៅក្រុងហាណូយនាថ្ងៃទី១២ ខែមីនា ឆ្នាំ២០១៩។ រូបថត៖ ឯកសារ លោកឯកអគ្គរដ្ឋទូត Gareth Ward ថ្លែងសុន្ទរកថា នៅសិក្ខាសាលា “អភិវឌ្ឍន៍ថាមពលកែច្នៃឡើងវិញ ឆ្ពោះទៅកាន់ការកាត់បន្ថយអប្បបរិមាណកាបូននៅវៀតណាម”។ រូបថត៖ ត្រឹនថាញយ៉ាង |
ជាអ្នកជំរុញមាំទំនាក់ទំនងអង់គ្លេស - វៀតណាម ខាងវិស័យសិក្សាអប់រំ លោកឯកអគ្គរដ្ឋទូត Gareth Ward បានជួយក្រសួងសិក្សាអប់រំនូវកាលានុវត្តន៍សហប្រតិបត្តិការជាមួយនឹងចក្រភពអង់គ្លេស ដូចជាតភ្ជាប់អាហារូបករណ៍ Chevening។ សព្វថ្ងៃវៀតណាម ស្ថិតនៅក្នុងចំណោម១០ប្រទេស ដែលមានចំនួនសមាជិក Chevening កុះករបំផុត មានអតីតនិស្សិតប្រមាណ៣០០នាក់។
និស្សិត ឌូ ធីផឿងថាវ (Do Thi Phuong Thao) (វិទ្យាស្ថានការបរទេសហាណូយ) អ្នកឈ្នះក្នុងពិធីប្រឡង ហើយមានកិត្តិយសរួមការងារជាមួយនឹង លោកឯកអគ្គរដ្ឋទូតនៅព្រឹត្តិការណ៍ជាច្រើន។ ផឿងថាវ (Phuong Thao) មានបទថ្លែងការណ៍ ស្តីពីការសិក្សាអប់រំសម្រាប់ក្មេងស្រីនៅវៀតណាម ក៏ដូចជាឆ្លើយបទសម្ភាសន៍កាសែត ទូរទស្សន៍ ក្នុងនាមជាឯកអគ្គរដ្ឋទូតមួយថ្ងៃនៃចក្រភពអង់គ្លេសនៅវៀតណាម។ តាមផឿងថាវ (Phuong Thao) បានធ្វើការរួមនឹងលោកឯកអគ្គរដ្ឋទូត Gareth Ward នៅរាល់សិក្ខាសាលា វេទិកាសិក្សាអប់រំវប្បធម៌អន្តរជាតិ បានជួយឱ្យប្អូនមាននូវការពិសោធន៍មានអត្ថប្រយោជន៍។ លោក Gareth Ward បានឱ្យប្អូនមានឱកាសនិយាយភាសាអង់គ្លេស ចំពោះមុខមហាជន សាកតួអង្គក្នុងការងារជាឯកអគ្គរដ្ឋទូត។ លោកមានចំណេះវិជ្ជាជាវាគ្មិន និងជាអ្នកយល់ច្បាស់នូវវប្បធម៌វៀតណាមផង។
និស្សិតបញ្ចប់ការសិក្សាគ្រប់ជំនាន់ ពេលវិលត្រឡប់មកកាន់វៀតណាម តែងបានលោកឯកអគ្គរដ្ឋទូត ទទួលស្វាគមន៍ដ៏មហោឡារិកនៅអគារឯកជន។ ប្អូនៗបាននិងកំពុងរួមចំណែកវិជ្ជាបញ្ញា និង សមត្ថភាពសម្រាប់ខឿនសិក្សាអប់រំប្រទេសជាតិ។ សរុបនិស្សិតតាមរៀននៅចក្រភពអង់គ្លេសប្រហែល១២.០០០នាក់ វៀតណាមជាប្រទេសឈរលេខបី ក្នុងចំណោមប្រទេសដែលមាននិស្សិតជ្រើសយកអង់គ្លេសដើម្បីទៅសិក្សា។ ទន្ទឹមនោះ លោកឯកអគ្គរដ្ឋទូត ក៏ជាសមាជិកចម្បងម្នាក់ ក្នុងការចលនាបង្កើតបណ្តាញសកលវិទ្យាល័យអង់គ្លេស សហការនឹងវៀតណាម។ បណ្តាញនេះ ជាមួយសមាជិក៣០ បង្កើត បានកម្មវិធីតភ្ជាប់បណ្តុះបណ្តាលយ៉ាងមានប្រសិទ្ធភាព។
ជំរុញសហប្រតិបត្តិការបណ្តុះបណ្តាលវៀតណាម - ចក្រភពអង់គ្លេស
រស់នៅនិងធ្វើការនៅក្រុងហាណូយ ដូចជាពលរដ្ឋវៀតណាមម្នាក់ លោកឯកអគ្គរដ្ឋទូត Gareth Ward បានឃើញផ្ទាល់នូវបញ្ហាជាច្រើន ដែលវៀតណាម ត្រូវប្រឈមមុខដូចជា៖ ការបំពុលបរិស្ថាន ការកើនឡើងនៃប្រជាជន ជំងឺអាសន្នរោគ គ្រោះថ្នាក់ចរាចរណ៍ជាដើម លោកឯកអគ្គរដ្ឋទូតក៏សហការជួយវៀតណាមបណ្តុះបណ្តាលបុគ្គលិក និង គ្រូពេទ្យខាងវិស័យសុខាភិបាល។
តាមលោកឯកអគ្គរដ្ឋទូត Gareth Ward លោកបំណងចង់នាំយកវិជ្ជាបញ្ញា និង ជោគជ័យខាងបណ្តុះបណ្តាលសិក្សាអប់រំក្នុងវិស័យសុខាភិបាល នៃចក្រភពអង់គ្លេស សហប្រតិបត្តិការនឹងវៀតណាម។ តាមក្រុមហ៊ុនសង្កេតពិនិត្យទីផ្សារអន្តរជាតិ កំហិតសុខាភិបាលនៅវៀតណាម រំពឹងទុកនឹងកើនឡើងដល់២២,៧លានដូល្លាអាមេរិកនៅឆ្នាំ២០២១។ ការអភិវឌ្ឍសេដ្ឋកិច្ច និង ផ្លាស់ប្តូរសម្ពន្ធរចនាប្រជាជនរបស់វៀតណាម បានជំរុញតម្រូវការសេវាកម្មសុខាភិបាល កើនខ្ពស់នៅវៀតណាម។
សព្វថ្ងៃ ចក្រភពអង់គ្លេសជាទីកន្លែងមានគុណភាពបណ្តុះបណ្តាលសុខាភិបាលល្បីឈ្មោះ ជាមួយនឹងសកលវិទ្យាល័យលំដាប់ថ្នាក់ពិភពលោកជាច្រើន។ ជាមួយនឹងតួនាទីនាំមុខសកលលោកខាងវិស័យសុខាភិបាល នាខែមីនា ឆ្នាំ២០១៩ សាលា៩បានរៀបចំសិក្សាអប់រំបណ្តុះបណ្តាល និង សុខាភិបាលចក្រភពអង់គ្លេស បានមកដល់វៀតណាម ដើម្បីចែករំលែកបទពិសោធន៍បណ្តុះបណ្តាលសុខាភិបាល ហើយក៏បើកទ្វារឆ្ពោះទៅកាន់សហប្រតិបត្តិការថ្មីសម្រាប់វៀតណាម។ លោករួមនឹងដៃគូសុខាភិបាលមួយចំនួននៃចក្រភពអង់គ្លេស បានអញ្ជើញមកចែករំលែកសហប្រតិបត្តិការក្នុងការព្យាបាលជំងឺមហារីក នៅមន្ទីរពេទ្យខេ ដើម្បីជួយដល់អ្នកជំងឺវៀណាម អាចខិតជិតច្រើនវិធីសាស្រ្តព្យាបាលថ្មី នៃពិភពលោក។
នៅពិធីចែករំលែកលទ្ធផលដំបូង នៃបណ្តាញសិក្សាអប់រំសកលវិទ្យាល័យ ចក្រភពអង់គ្លេស - វៀតណាម លោកឯកអគ្គរដ្ឋទូត Gareth Ward ផ្តល់បណ្ណសរសើរជូនដល់ឯកជន ដែលមានសកម្មភាពឆ្នើម។ រូបថត៖ ឯកសារ នៅសិក្ខាសាលាស្តីពីសហប្រតិបត្តិការសិក្សាអប់រំ និង បណ្តុះបណ្តាលសុខាភិបាល រវាងវៀតណាម - ចក្រភពអង់គ្លេស លោកឯកអគ្គរដ្ឋទូត Gareth Ward បំណងចង់ឱ្យអង់គ្លេស មានច្រើនឱកាសឧបត្ថម្ភវៀតណាម ក្នុងវិស័យនេះ។ រូបថត៖ ត្រឹនថាញយ៉ាង លោកឯកអគ្គរដ្ឋទូត Gareth Ward ក៏ជាអ្នកស្និទ្ធស្នាលនឹងកាសែត ពិសេសជាមួយការចែករំលែកយ៉ាងអស់ពីចិត្តចំពោះវៀតណាម ក្នុងអាណាត្តិរបស់ខ្លួននៅទីនេះ។ រូបថត៖ ត្រឹនថាញយ៉ាង លោកឯកអគ្គរដ្ឋទូត Gareth Ward ថ្លែងសុន្ទរកថានៅសិក្ខាសាលា “អភិវឌ្ឍន៍ថាមពលកែច្នៃឡើងវិញ ឆ្ពោះទៅកាន់កាត់បន្ថយអប្បបរិមាណកាបូននៅវៀតណាម”។ រូបថត៖ ត្រឹនថាញយ៉ាង |
លោកអនុរដ្ឋមន្រ្តី ក្រសួងសុខាភិបាល ង្វៀន ទ្រឿងសើន (Nguyen Truong Son) ឱ្យដឹងថា លោកវាយតម្លៃខ្ពស់ចំពោះការប្តេជ្ញាចិត្ត របស់លោកឯកអគ្គរដ្ឋទូត Gareth Ward ក្នុងការងារជំរុញទំនាក់ទំនងបណ្តុះបណ្តាល ក្នុងវិស័យសុខាភិបាលវៀតណាម និង ចក្រភពអង់គ្លេស លើកកម្ពស់គុណភាពថែទាំសុខភាពជូនប្រជាជន។ បណ្តុះបណ្តាលវិស័យនេះ ក៏ជួយវៀតណាមបំពេញបន្ថែមប្រភពធនធានមនុស្សគុណភាពខ្ពស់ ក្នុងការងារពិនិត្យ និង ព្យាបាលជំងឺក៏ដូចជាអភិវឌ្ឍន៍សេវាកម្មសុខាភិបាល។
ពេលទីលានប្រណាំង F1 នៅវៀតណាមបានកសាង លោកឯកអគ្គរដ្ឋទូត Gareth Ward បានអញ្ជើញមកទស្សនាសំណង់នេះ។ រង្វាន់ប្រណាំងផ្សារភ្ជាប់នឹង ចក្រភពអង់គ្លេស ដោយសារមានក្រុមប្រណាំងជិត៧០%មកពីប្រទេសនេះ។ លោកចែករំលែក ខ្ញុំពិតជារំភើបក្រៃលែង និងមានចំណាប់អារម្មណ៍ពេលក្រុងហាណូយ បែរជាមានឱកាសរៀបចំរង្វាន់កីឡាអន្តរជាតិមួយ មានឥទ្ធិពលខ្លាំងដូចនេះ។ តាមលោកឯកអគ្គរដ្ឋទូត ចក្រភពអង់គ្លេស មានបទពិសោធន៍ពាក់ព័ន្ធច្រើនដល់រង្វាន់ប្រណាំងនេះ ហើយត្រៀមជាស្រេចចែករំលែកជាមួយនឹងវៀតណាម។
លោកឯកអគ្គរដ្ឋទូត Gareth Ward ក៏ជាមនុស្សម្នាក់ បានអញ្ជើញធ្វើដំណើរទៅគ្រប់ខេត្តក្រុងរបស់វៀតណាម ដោយមានបំណងស្វែងយល់វប្បធម៌ ទំនៀមទម្លាប់ និង ជីវភាពរស់នៅ របស់ជនជាតិវៀតណាម។ លោកមានការពិសោធន៍ដ៏ល្អចំណាប់ នៅតាមបណ្តោយទឹកដីវៀតណាម ពីព្រោះពេលធ្វើដំណើរទៅកាន់ទីកន្លែងនីមួយៗ ការសំណេះសំណាលនឹងប្រជាជនម្តងៗ ទោះជានរណា លោកតែងតែបានពួកគាត់ ទទួលរាក់ទាកដោយទឹកចិត្តកក់ក្តៅ ជិតស្និទ្ធ៕
លោកឯកអគ្គរដ្ឋទូត Gareth Ward បញ្ចប់ការសិក្សា ផ្នែកវិទ្យាសាស្រ្តសង្គមនៅសកលវិទ្យាល័យ និង សកលវិទ្យាល័យសេដ្ឋកិច្ចឡុងដ៍។ លោកចាប់ផ្តើមធ្វើការនៅក្រសួងការបរទេសអង់គ្លេស ចាប់ពីឆ្នាំ១៩៩៦។ លោកធ្លាប់ជាអគ្គកុងស៊ុល នៅ St Petersburg រុស្ស៊ី ប្រធាននាយកដ្ឋានចិន នៃក្រសួងការបរទេសអង់គ្លេសនៅទីក្រុងឡុងដ៍។ លោកឯកអគ្គរដ្ឋទូត Gareth Ward ចូលចិត្តពិសោធន៍ទេសចរណ៍នៅវៀតណាមដោយជិះកង ចូលចិត្តពិសាផើ (Pho) សាច់គោ និង រៀងរាល់ថ្ងៃតែងសរសេរ statut ដោយភាសាវៀតណាមលើបណ្តាញហ្វេសប៊ុក។ |
អត្ថបទ៖ ប៊ិចវឹន រូបថត៖ ត្រឹនថាញយ៉ាង