05/09/2020 13:55 GMT+7 Email Print Like 0

AIPA បង្ហាញពីឋានៈនិងតួនាទីរបស់ការទូតវៀតណាម


អនុប្រធានរដ្ឋសភាវៀតណាមលោកស្រី Tong Thi Phong (នៅកណ្ដាល) ប្រធានគណៈចាត់តាំង AIPA ៤១ ជាមួយឯកអគ្គរដ្ឋទូតនិងតំណាងស្ថានទូតនៃប្រទេសនានា។ (រូបថត៖ TTXVN)
 

នាព្រឹកថ្ងៃទី៤ ខែកញ្ញា ឆ្នាំ២០២០ នៅអគាររដ្ឋសភា អនុប្រធានប្រចាំការរដ្ឋសភា វៀតណាមលោកស្រី Tong Thi Phong ប្រធានគណៈចាត់តាំង AIPA ៤១ និងជាប្រធានគណៈប្រតិភូវៀតណាមចូលរួមមហាសន្និបាត AIPA ៤១ បាន ធ្វើជាអធិបតីនៅកិច្ចប្រជុំរបស់គណៈប្រតិភូវៀតណាមចូលរួម AIPA ៤១។
 
ថ្លែងនៅទីនេះ លោកស្រីអនុប្រធានរដ្ឋសភា Tong Thi Phong បាន អះអាងថា ដោយមានបទពិសោធន៍ក្នុងការរៀបចំកិច្ចប្រជុំអន្តរសភា ក៏ដូច ជាស្មារតីទទួលខុសត្រូវរបស់បណ្ដាសមាជិកសមាជិកាសភា និងថ្នាក់ដឹកនាំ ក្រសួង ស្ថាប័ននានា ឆ្នាំប្រធាន AIPA របស់រដ្ឋសភាវៀតណាមនឹងបន្សល់ ទុកមកនូវចំណាប់អារម្មណ៍ដ៏ល្អប្រសើរក្នុងដួងចិត្តរបស់មិត្តភក្តិអន្តរជាតិ នាំមកភាពជោគជ័យនិងឋានៈថ្មីសម្រាប់រដ្ឋសភាវៀតណាម ក៏ដូចជាតភ្ជាប់ ប្រជាជនវៀតណាមជាមួយប្រជាជនសហគមន៍អាស៊ានផងដែរ។ មហាសន្និ បាត AIPA លើកនេះមានការចូលរួមរបស់ប្រធានគណៈប្រតិភូនៃសភា សមាជិកទាំងអស់ រួមជាមួយអគ្គលេខាធិការ IPU និងឧបការីពិសេសរបស់ អគ្គលេខាធិការអង្គការសហប្រជាជាតិ។ លោកស្រីអនុប្រធានរដ្ឋសភា វៀតណាម Tong Thi Phong បានអះអាងថា៖

“វៀតណាមយើងចូលរួមដោយស្មារតីម្ចាស់ការ ហើយទទួលបានការ ជឿទុកចិត្តរបស់មិត្តភក្តិអន្តរជាតិ។ នេះជាកិច្ចប្រជុំដែលមានចំនួនភ្ញៀវអន្តរ ជាតិចូលរួមច្រើនបំផុត។ ហេតុដូច្នេះ ទាមទារឲ្យយើងត្រូវខិតខំប្រឹងប្រែង អស់ពីសមត្ថភាពដើម្បីបង្ហាញពីឋានៈនិងតួនាទីរបស់ការទូតវៀតណាម”។
 
គួរបញ្ជាក់ថា AIPA ៤១ ឆ្ពោះទៅគោលដៅជំរុញសាមគ្គីភាព ឯកភាព ដឹកនាំកិច្ចខិតខំប្រឹងប្រែងរួមដើម្បីជួយគាំទ្រចំពោះអាស៊ានក្នុងដំណើរការ កសាងសហគមន៍ ដែលដំបូងបង្អស់គឺ ជំនះពុះពារលើផលវិបាកដោយសារ វិបត្តិ Covid-19៕

តាម VOV5 - វិទ្យុសំឡេងវៀតណាម


បណ្តាព័ត៌មានបានផ្សាយ