នាល្ងាចថ្ងៃទី៨ ខែវិច្ឆិកា ឆ្នាំ២០២១ នៅវិមានរដ្ឋសភាវៀតណាម គណៈកម្មាធិការអចិន្ត្រៃយ៍រដ្ឋសភាបានរៀបចំពិធីប្រកាសសេចក្តីសម្រេចចិត្តនៃគណៈកម្មាធិការអចិន្ត្រៃយ៍រដ្ឋសភាស្តីពីការបង្កើតអង្គការសមាជិក រដ្ឋសភាមិត្តភាពវៀតណាម ក្រុមសមាជិការដ្ឋសភា និងក្រុមសាមាជិករដ្ឋសភាវ័យក្មេង។
 |
| ប្រធានរដ្ឋសភាវៀតណាម លោក Vuong Dinh Hue ជូនសេចក្តីសម្រេចចិត្ត និងជូនកម្រងផ្កាអបអរសាទរអង្គការសមាជិករដ្ឋសភាមិត្តភាពវៀតណាម ក្រុមសមាជិការដ្ឋសភា និងក្រុមសាមាជិករដ្ឋសភាវ័យក្មេង (ប្រភព៖ quochoi.vn) |
អញ្ជើញថ្លែងនៅក្នុងពិធីនេះ ប្រធានរដ្ឋសភាវៀតណាម លោក Vuong Dinh Hue បានលើកច្បាស់ថា៖ អង្គការសមាជិករដ្ឋសភាមិត្តភាពវៀតណាម និងក្រុមសមាជិករដ្ឋសភាមិត្តភាពចំនួន ៤៥ បានដើរតួនាទីយ៉ាងសំខាន់ក្នុងការជំរុញខ្លាំងទំនាក់ទំនងសហប្រតិបត្តិការរវាងរដ្ឋសភាវៀតណាម និង សភានៃបណ្ដាប្រទេស កំណត់ឋានៈរបស់រដ្ឋសភាវៀតណាមក្នុងខឿនការទូតសភាអន្តរជាតិ ហើយតាមនោះជំរុញទំនាក់ទំនងសហប្រតិបត្តិការ មិត្តភាព បង្កើនការយល់ដឹង និងទំនុកទុកចិត្តរវាងវៀតណាម និងប្រទេសនានា។ លោកប្រធានរដ្ឋសភាបានសម្តែងជំនឿជាក់ថា អង្គការសមាជិករដ្ឋសភាមិត្តភាពវៀតណាម និងក្រុមសមាជិករដ្ឋសភាមិត្តភាពនឹងដើរតួនាទីជាស្ពានតភ្ជាប់ដ៏សកម្មរវាងរដ្ឋសភាវៀតណាម និងសភានៃបណ្ដាប្រទេស។
ក្រុមសមាជិការដ្ឋសភា និងក្រុមសមាជិករដ្ឋសភាវ័យក្មេងគឺជាវេទិកាសម្រាប់សមាជិការដ្ឋសភា និងសមាជិករដ្ឋសភាវ័យក្មេងជួបប្រាស្រ័យទាក់ទងគ្នា ចែករំលែកបទពិសោធន៍ក្នុងដំណើរប្រតិបត្តិការរបស់រដ្ឋសភា ជាពិសេសគឺលើវិស័យសមភាពយេនឌ័រ និងគោលនយោបាយនានាសម្រាប់យុវជនវ័យក្មេង។ លោកប្រធានរដ្ឋសភាមានគោលបំណងថា ក្រុមសមាជិករដ្ឋសភាបន្តពង្រីកឬទ្ធានុភាព បញ្ញា ការទទួលខុសត្រូវ និងចូលរួមសកម្មភាពនានាយ៉ាងសកម្ម ដោយរួមវិភាគទានប្រកបដោយប្រសិទ្ធភាពក្នុងសកម្មភាពរបស់រដ្ឋសភា និងកិច្ចការបរទេសរបស់រដ្ឋសភា ក៏ដូចជារួមចំណែកអនុវត្តន៍គោលមាគាកិច្ចការបរទេសរបស់បក្ស និងរដ្ឋប្រកបដោយជោគជ័យផងដែរ៕
តាម VOV5 - វិទ្យុសំឡេងវៀតណាម
