ឧបនាយករដ្ឋមន្រ្តីវៀតណាម លោក Truong Hoa Binh ទទួលជួបសន្ទនាជាមួយប្រធានតុលាការកំពូលកូរ៉េខាងត្បូង
ឧបនាយករដ្ឋមន្រ្តីវៀតណាម លោក Truong Hoa Binh ទទួលជួបសន្ទនាជាមួយ
ប្រធានតុលាការកំពូលកូរ៉េខាងត្បូង
នាល្ងាចថ្ងៃទី២៨ ខែសីហា ឆ្នាំ២០១៧ នៅទីក្រុងហាណូយ ឧបនាយករដ្ឋមន្រ្តីអចិន្ត្រៃយ៍វៀតណាម លោក Truong Hoa Binh បានអញ្ជើញទទួលជួបសន្ទនាជាមួយលោក Yang Sung-Tae ដែលកំពុងបំពេញដំណើរទស្សនកិច្ចការងារ នៅវៀតណាម។ នៅទីនេះ លោក Truong Hoa Binh បានអះអាងនូវការគាំទ្រយ៉ាងខ្លាំងក្លារបស់រដ្ឋាភិបាលវៀតណាម ចំពោះការជំរុញទំនាក់ទំនងសហប្រតិបត្តិការ រវាងផ្នែកយុត្តិធម៌និយាយរួម និងតុលាការនៃប្រទេសទាំងពីរនិយាយដោយឡែក។ លោកឧបនាយករដ្ឋមន្រ្តីបានសង្កត់ធ្ងន់ថា រដ្ឋាភិបាលវៀតណាមគាំទ្រ និងលើកទឹកចិត្តតុលាការប្រជាជនកំពូលវៀតណាម និងតុលាការកំពូលកូរ៉េខាងត្បូង និងស្ថាប័នសហប្រតិបត្តិការអន្តរជាតិកូរ៉េខាងត្បូង កសាង និងអនុវត្តគម្រោងការណ៍ "បង្កើនតម្លាភាព និងលើកកំពស់គុណភាព នៃការជំនុំជម្រះរបស់តុលាការវៀតណាម” ឲ្យបានឆាប់ៗ។
រីឯខ្លួនវិញ ប្រធានតុលាការកំពូលកូរ៉េខាងត្បូង លោក Yang Sung-Tae បានស្នើឲ្យលោក Truong Hoa Binh បន្តគាំទ្រ និងយកចិត្តទុកដាក់ដល់គម្រោងការណ៍ សហប្រតិបត្តិការរវាងស្ថាប័នតុលាការ នៃប្រទេសទាំងពីរ ហើយមានក្ដីជឿជាក់ថា តុលាការប្រជាជនកំពូលវៀតណាម កាន់តែអភិវឌ្ឍន៍ថែមទៀតពីមួយថ្ងៃទៅមួយថ្ងៃ៕
តាម VOV5 - វិទ្យុសម្លេងវៀតណាម