ឧបនាយករដ្ឋមន្ត្រី លោក Trinh Dinh Dung ថ្លែងមតិក្នុងសន្និសីទ (រូបថតៈ nongnghiep.vn)
នាថ្ងៃទី១៧ ខែមិនា ឆ្នាំ២០១៧ នៅខេត្ត Nghe An ក្រសួងកសិកម្មនិងអភិវឌ្ឍន៍ជនបទវៀតណាមបានរៀបចំសន្និសីទបូកសរុបនូវផែនការការពារនិងអភិវឌ្ឍន៍ព្រៃឈើដំណាក់កាល២០១១-២០១៦ដោយភ្ជាប់ជាមួយការរៀបចំឡើងវិញផ្នែករុក្ខកម្ម រួមទាំងអនុវត្តកម្មវិធីគោលដៅអភិវឌ្ឍន៍ រុក្ខកម្មប្រកបដោយនិរន្តរភាពដំណាក់កាល២០១១-២០១៦។ អញ្ជើញថ្លែងមតិក្នុងពិធី ឧបនាយករដ្ឋមន្ត្រីរដ្ឋាភិបាលវៀតណាម លោក Trinh Dinh Dung បានទទួលស្គាល់ចំពោះរាល់លទ្ធផល ដែលផ្នែករុក្ខកម្មសម្រេច បាននាពេលកន្លងទៅ ព្រមទាំងសង្កត់ធ្ងន់នូវសារៈសំខាន់ នៃកិច្ចការការពារនិងអភិវឌ្ឍន៍ព្រៃឈើ។ លោក Trinh Dinh Dung ក៏បានលើកឡើងនូវកំហិត បញ្ហានៅសេសសល់ និងស្នើឲ្យផ្នែករុក្ខកម្មគប្បីរួមជាមួយតំបន់នា នាំអនុវត្តល្អរាល់ដំណោះស្រាយសំដៅបំពេញជាស្រេចនូវកម្មវិធីគោលដៅអភិវឌ្ឍន៍រុក្ខកម្ម ប្រកបដោយនិរន្តរភាពដំណាក់កាល ២០១៦-២០២០។ លោក Trinh Dinh Dung ក៏បានស្នើឲ្យក្រសួងកសិកម្មនិងអភិវឌ្ឍន៍ជនបទ និងក្រសួងស្ថាប័នទាក់ទិននានា បង្កើនការងារគ្រប់គ្រងព្រៃឈើ ជាពិសេសអនុវត្តសង្គមភាវូបនីយកម្ម ក្នុងការប្រមូលផ្តុំប្រភពទុននានា សម្រាប់អនុវត្តកម្មវិធីគោលដៅអភិវឌ្ឍន៍ ផ្នែករុក្ខកម្មប្រកបដោយនិរន្តរភាព៕
តាម VOV5 - វិទ្យុសំឡេងវៀតណាម
