សកម្មភាពជាច្រើនក្នុងឱកាសទិវាគ្រូពេទ្យវៀតណាមត្រូវបានរៀបចំឡើងនៅក្នុងនិងក្រៅប្រទេស
នាយប់ថ្ងៃទី២៧ ខែកុម្ភៈ ឆ្នាំ២០១៨ នៅទីរួមស្រុក Gia Nghia មន្ទីរសុខាភិបាលខេត្ត Dak Nong តំបន់ Tay Nguyen វៀតណាមបានរៀបចំកម្មវិធីចម្រៀងសប្បុរសធម៌ សំដៅអំពាវនាវឲ្យសប្បុរសជនជួយឧបត្ថម្ភអ្នកជំងឺក្រីក្រ ដែលកំពុងព្យាបាល នៅមន្ទីរពេទ្យនានាក្នុងខេត្ត។ នេះជាលើកទីពីរហើយដែលកម្មវិធីនេះត្រូវបានរៀបចំឡើងនៅខេត្ត Dak Nong ដោយបទចម្រៀង និងឈុតសិល្បៈដែលត្រូវបាន សម្ដែងដោយវេជ្ជបណ្ឌិតនិងគ្រូពេទ្យនៅទីនេះ។
ឯកអគ្គរដ្ឋទូតវៀតណាមប្រចាំកម្ពុជាលោក Vu Quang Minh ថ្លែងមតិក្នុងជំនួប (រូបថត៖ VOV5)
នារសៀលថ្ងៃទី២៧ ខែកុម្ភៈ ឆ្នាំ២០១៨ សមាគមន៍គ្រូពេទ្យកម្ពុជាដើមកំណើតវៀតណាមបានរៀបចំជំនួបប្រាស្រ័យនិងពិធីជប់លៀងនៅទីស្នាក់ការសម្ព័ន្ធសមាគមន៍ជនកម្ពុជាដើមកំណើតវៀតណាមនៅរាជធានីភ្នំពេញ។ ថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំកម្ពុជាលោក Vu Quang Minh បានថ្លែងសេចក្ដីជូនពរចំពោះវេជ្ជបណ្ឌិត គ្រូពេទ្យទាំងអស់ដែលកំពុង ធ្វើការនៅកម្ពុជា ព្រមទាំងថ្លែងអំណរគុណជូនចំពោះគ្រូពេទ្យវៀតណាម នៅកម្ពុជា ដោយមានការខំប្រឹងប្រែងក្នុងការកសាងចំណងមិត្តភាពសាមគ្គីភាពរវាងប្រទេសទាំងពីរផងដែរ៕
តាម VOV5 - វិទ្យុសម្លេងវៀតណាម