20/03/2021 20:00 GMT+7 Email Print Like 0

វៀតណាម-កម្ពុជារួមដៃគ្នារុញថយក្រោយជម្ងឺ កូវីដ ១៩

បណ្ដាស្ថាប័ន អង្គការ ក្រុមហ៊ុន និងបុគ្គលជនជាតិវៀតណាម នៅកម្ពុជាក៏បានរួមដៃគ្នាជាមួយអាជ្ញាធរគ្រប់ជាន់ថ្នាក់របស់ប្រទេសមិត្ត ដើម្បីទំនុកបម្រុងទាំង ខាងសម្ភារៈនិងស្មារតីសម្រាប់គ្រួសារកម្ពុជាដើមកំណើតវៀតណាម ប្រជាជនកម្ពុជា ដែលមានស្ថានភាពលំបាកនៅរាជធានីភ្នំពេញក៏ដូចជាខេត្ត ក្រុងនានា ដែលកំពុងរង ផលប៉ះពាល់យ៉ាងធ្ងន់ធ្ងរដោយជម្ងឺកូវីដ ១៩។

ដោយមានបាវចនា “អ្នកជិតខាងមិត្តភាព កិច្ចសហប្រតិបត្តិការគ្រប់ជ្រុងជ្រោយ” “ជួយមិត្តគឺជួយខ្លួនឯង” នោះ ចាប់ពីពេលដែលជម្ងឺ កូវីដ ១៩ ចាប់ផ្ដើមកើតមានឡើង វិញនៅកម្ពុជាកាលពីចុងឆ្នាំ២០២០មក វៀតណាមបានប្រគល់ជូនរាជរដ្ឋាភិបាលនិង ប្រជាជនកម្ពុជានូវសម្ភារៈបរិក្ខារពេទ្យជាច្រើនប្រភេទ រួមមាន សម្លៀកបំពាក់ការពារ ម៉ាស់ការពារមេរោគ ប្រព័ន្ធម៉ាស៊ីនធ្វើតេស្ត និង ឧបករណ៍ធ្វើតេស្តរកវីរុស SARS-CoV-2 ជាដើម។

 

អគ្គលេខា ធិការ និងជាអ្នកនាំពាក្យរដ្ឋសភាកម្ពុជា លោក ឡេង ប៉េងឡុង។ (រូបថត៖ VOV)


រួមជាមួយគ្នានោះ បណ្ដាស្ថាប័ន អង្គការ ក្រុមហ៊ុន និងបុគ្គលជនជាតិវៀតណាម នៅកម្ពុជាក៏បានរួមដៃគ្នាជាមួយអាជ្ញាធរគ្រប់ជាន់ថ្នាក់របស់ប្រទេសមិត្ត ដើម្បីទំនុកបម្រុងទាំង ខាងសម្ភារៈនិងស្មារតីសម្រាប់គ្រួសារកម្ពុជាដើមកំណើតវៀតណាម ប្រជាជនកម្ពុជា ដែលមានស្ថានភាពលំបាកនៅរាជធានីភ្នំពេញក៏ដូចជាខេត្ត ក្រុងនានា ដែលកំពុងរង ផលប៉ះពាល់យ៉ាងធ្ងន់ធ្ងរដោយជម្ងឺ កូវីដ ១៩។

វាយតម្លៃចំពោះការជួយឧបត្ថម្ភរបស់វៀតណាមជូនចំពោះកម្ពុជា អគ្គលេខា ធិការ និងជាអ្នកនាំពាក្យរដ្ឋសភាកម្ពុជា លោក ឡេង ប៉េងឡុង បានបញ្ជាក់ថា៖ "អំណោយនេះតំណាងឲ្យមនោសញ្ចេតនា មិត្តភាព សាមគ្គីភាពរវាងប្រជាជាតិទាំងពីរកម្ពុជា វៀតណាម។ អំណោយនេះ ជាសក្ខីភាពថ្មីមួយទៀតក្នុងចំណោមកាយវិការដ៏ច្រើនក្នុងរយៈពេលកន្លងមកដែលប្រជាជាតិយើងទាំងពីរបានបណ្ដុះបណ្ដាល កសាងនិងពង្រឹងឥតឈប់ឈរនូវទំនាក់ទំនងមិត្តភាព សាមគ្គីភាពនិងការជួយគ្នាទៅវិញទៅមកដែលជាសម្បត្តិរួមថ្លៃថ្លារបស់ប្រជាជាតិយើង"។

ជាពិសេស ចាប់ពីការផ្ទុះរាលដាលជម្ងឺ កូវីដ ១៩ កាលពីដើម ខែមីនា មក ទន្ទឹម នឹងសកម្មភាពប្រគល់ជំនួយឧបត្ថម្ភ សម្ភារៈបរិក្ខារពេទ្យនោះ ថ្នាក់ដឹកនាំវៀតណាម-កម្ពុជា ក៏បានធ្វើការបញ្ជាដឹកនាំជាបន្តបន្ទាប់ ដាស់តឿនប្រជាជននៃប្រទេសទាំងពីរ រួមសហការប្រយុទ្ធប្រឆាំងនឹង “សត្រូវរួម” ផងដែរ។ បណ្ដាមូលដ្ឋានដែលមាន ព្រំប្រទល់ជាប់គ្នានៃប្រទេសទាំងពីរ បានចែករំលែក សម្របសម្រួល និងធ្វើបច្ចុប្បន្ន កម្មយ៉ាងញឹកញាប់នូវព័ត៌មាននិងបទពិសោធន៍ក្នុងការបង្ការប្រយុទ្ធប្រឆាំងនឹងជម្ងឺរាតត្បាត។

 

ឯកអគ្គរដ្ឋទូតវៀតណាមប្រចាំកម្ពុជា លោក Vu Quang Minh តាងនាមរដ្ឋាភិបាលវៀតណាមប្រគល់សម្ភារៈបរិក្ខារពេទ្យជូនប្រទេសមិត្តកម្ពុជា។ (រូបថត៖ VOV)


វាយតម្លៃចំពោះកិច្ចសហប្រតិបត្តិការក្នុងការបង្ការប្រយុទ្ធប្រឆាំងនឹងកូវីដ ១៩ រវាងវៀតណាម-កម្ពុជា នាពេលកន្លងមក ឯកអគ្គរដ្ឋទូតវៀតណាមប្រចាំកម្ពុជា លោក Vu Quang Minh បានសង្កត់ធ្ងន់ថា៖ “ជោគជ័យសំខាន់មួយនាពេលកន្លងមកនោះ គឺប្រទេសទាំងពីរបានឯកភាពគ្នា យ៉ាងឆាប់បំផុតនូវយន្តការដោយបត់បែនតាមកាលៈទេសៈ ជាមួយនឹងវិធានការច្នៃ ប្រឌិតដើម្បីធានាកុំឲ្យជម្ងឺឆ្លងរីករាលដាលតាមព្រំដែនផង ព្រមទាំងនៅតែថែរក្សានិងជំរុញការដោះដូរពាណិជ្ជកម្មរវាងប្រទេសទាំងពីរផង ដោយអនុញ្ញាតឲ្យទំនិញធ្វើ ចរាចរណ៍ដោយសេរីរវាងប្រទេសទាំងពីរ។ ចំណុចភ្លឺមួយទៀត គឺប្រទេសទាំងពីរបាន សម្របសម្រួលគ្នាយ៉ាងល្អប្រពៃក្នុងការរៀបចំនិងជួយនិស្សិតនៃប្រទេសទាំងពីរឲ្យវិលត្រឡប់មកសិក្សារៀនសូត្រវិញ ក្នុងនោះមានការជួយធ្វើតេស្តនិងធ្វើចត្តាឡីស័កប្រកប ដោយសុវត្ថិភាពនិងប្រសិទ្ធភាព”៕

តាម​ VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ