11/06/2020 12:23 GMT+7 Email Print Like 0

វៀតណាមអាចទទួលភ្ញៀវទេសចរបរទេសពី៦ដល់៨លាននាក់ប្រសិនបើកព្រំដែនឡើងវិញចាប់ពីត្រីមាសទី៣ឆ្នាំ២០២០


 ភ្ញៀវទេសចរចែវទូក kayak នៅតំបន់រមណិយដ្ឋាន Trang An (ខេត្ត Ninh Binh) (រូបថត៖ TTXVN) 
 

“ពេល​វេលាមាសដើម្បីជំរុញទេសចរណ៍ក្រោយជំងឺ Covid-19” ជា ប្រធាន​បទ​នៃ​កិច្ច​សន្ទនាតាម​អនឡាញ​នាថ្ងៃទី១០ ខែមិថុនា នៅទី​ក្រុង​​ហាណូយ ដែលបានរៀបចំឡើងដោយកា​សែត Tien Phong សហការជា មួយ​អគ្គនាយកដ្ឋាន​ទេសចរណ៍។
 
នៅកិច្ចសន្ទនា​នេះ តំណាងអគ្គនាយកដ្ឋានទេសចរណ៍បានជម្រាបថា នាបច្ចុប្បន្ន កម្មវិធី “ជនវៀត ណាមធ្វើដំណើរ​ទេសចរណ៍នៅវៀតណាម” កំពុងត្រូវបានដាក់ឲ្យដំណើរការ ក្នុងគោលដៅជំរុញ​ការស្ដារ​ឡើង​វិញ​នៃ ​វិស័យទេសចរណ៍។ តាមការព្យាករណ៍ ប្រសិ​នបើវៀតណាម​បន្តគ្រប់​គ្រង ជំងឺឆ្លងបាន​យ៉ាងល្អដូច​នា​បច្ចុប្បន្ន​ បរិមាណភ្ញៀវទេសចរក្នុងស្រុកអាច សម្រេចបានចំនួនពី៦០ដល់៦៥លាននាក់។ ចំពោះភ្ញៀវទេសច​របរទេស​វិញ ប្រសិនបើចាប់ផ្ដើមទទួលភ្ញៀវទេសចរពីបរទេសចាប់ពីត្រីមាសទី៣ឆ្នាំ២០២០នោះ គឺបរិមាណ​ភ្ញៀវ​អាច​សម្រេច​បានចំនួនពី៦ដល់៨លាននាក់។
 
បណ្ដា​សហគ្រាសទេសចរណ៍បានវាយតម្លៃថា នេះកំពុងជាពេលវេលា មាសដើម្បី​អភិវឌ្ឍ​ទីផ្សារទេសចរណ៍​ក្នុងស្រុក​។ ហេតុដូច្នេះ ពួកគេនឹងបន្ត រក្សានិងអភិវឌ្ឍទីផ្សារក្នុងស្រុកប្រកបដោយចីរភាព សូម្បីតែនៅ​ពេល​ដែល​ ទីផ្សារអន្តរជាតិវិលត្រឡប់មក​ប្រក្រតីភាពឡើងវិញ​៕

 

តាម VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ