នាថ្ងៃទី២៣ ខែមិនា ឆ្នាំ២០១៦ តៃវ៉ាន់(ចិន)បានបញ្ចូនអ្នកយកព័ត៌មានមួយក្រុមទៅកាន់កោះ Ba Binh ចំណុះប្រជុំកោះ Hoang Sa និង Truong Sa របស់វៀត ណាម។ ឆ្លើយសំនួររបស់អ្នកយកព័ត៌មានស្តីពីប្រតិកម្មរបស់វៀតណាមចំពោះ សកម្មភាពពោលខាងលើ អ្នកនាំពាក្យក្រសួងការបរទេសវៀតណាម លោក Le Hai Binh នាថ្ងៃទី២៤ខែមិនា បានលើកច្បាស់ថា វៀតណាមមានមូលដ្ឋានច្បាប់គ្រប់គ្រាន់ និងភស្តុតាងប្រវត្តិសាស្រ្តជាក់ស្តែងសំដៅបញ្ជាក់អធិបតេយ្យភាព ដែលមិនអាចប្រកែកបាន ឡើយរបស់វៀតណាមចំពោះប្រជំកោះ Hoang Sa និង Truong Sa។ រាល់សកម្មភាព របស់បរទេសដែលអនុវត្តនៅប្រជុំកោះទាំងពីរនេះ ដែលគ្មានការយល់ព្រម របស់វៀតណាមគឺខុសច្បាប់និងមោឃៈ។ ការដែលភាគី តៃវ៉ាន់ (ចិន) ព្រងើយកន្ទីយ ចំពោះការព្រួយបារម្ភនិងប្រឆាំងជំទាស់របស់វៀតណាម និងសហគមន៍ អន្តរជាតិដោយនាំអ្នកយកព័ត៌មាន ទៅកាន់កោះ Ba Binh ចំណុះ ប្រជុំកោះ Truong Sa របស់វៀតណាមនោះ គឺរំលោភយ៉ាងធ្ងន់ធ្ងរលើអធិបតេយ្យភាព របស់វៀតណាម បង្កើនភាពតានតឹង និងគ្មានផលប្រយោជន័សម្រាប់ការរក្សា សន្តិភាព ស្ថិរភាព នៅសមុទ្រខាងកើតក៏ដូចជាទំនាក់ទំនង នៃភាគីទាំងពីរឡើយ។ វៀត ណាមប្រឆាំង ជំទាស់ដាច់អហង្ការនិងសំណូមពរភាគីតៃវ៉ាន់ (ចិន) គោរពអធិបតេយ្យភាពរបស់វៀតណាម ព្រមទាំងរួមចំណែកសកម្ម ចូលក្នុងការរក្សាសន្តិភាព ស្ថិរភាពនៅសមុទ្រខាងកើត៕
តាម VOV5 - វិទ្យុសម្លេងវៀតណាម
