វៀតណាមមានគោលបំណងថា សឹង្ហបុរីចែករំលែកបទពិសោធន៍ក្នុងការកសាងនគរឆ្លាត
ទិដ្ឋភាពនៃជំនួបនេះ (រូបថត៖daidoanket.vn)
នារសៀលថ្ងៃទី២៦ ខែតុលា ឆ្នាំ២០១៦ នៅរដ្ឋធានីហាណូយ ប្រធានគណៈកម្មាធិការមជ្ឈឹមរណសិ្សមាតុភូមិវៀតណាម លោក Nguyen Thien Nhan បានទទួលជួបសន្ទនា ជាមួយរដ្ឋមន្រ្តីការបរទេសសឹង្ហបុរី លោក Vivian Balakrishnan។ នៅទីនេះលោក Nguyen Thien Nhan អះអាងថា សឹង្ហបុរីជាដៃគូមួយក្នុងចំណោមដៃគូយុទ្ធសាស្ត្ររបស់វៀតណាម នៅទ្វីបអាស៊ី។ លោកសង្កត់ធ្ងន់ថា វឌ្ឍនភាពរបស់សឹង្ហបុរីជាមេរៀនចំពោះវៀតណាម ជាពិសេសគឺក្នុងវិស័យនគរឆ្លាត ហើយសំដែងគោលបំណងថា សឹង្ហបុរីនឹងចែករំលែកបទពិសោធន៍និងសហប្រតិបតិ្តការ ជាមួយវៀតណាមក្នុងវិស័យនេះ។ លោក Nguyen Thien Nhan ក៏សង្ឃឹមថា សឹង្ហបុរីនឹងសហប្រតិបតិ្តការ ជាមួយវៀតណាមក្នុងការពង្រឹងសុវត្ថិភាពបណ្ដាញ បណ្ដុះបណ្ដាលប្រភពធនធានមនុស្ស លើវិស័យបច្ចេកវិទ្យាព័ត៌មាន និងចែករំលែកបទពិសោធន៍ ជាមួយវៀតណាម ក្នុងការអភិវឌ្ឍន៍រដ្ឋាភិបាលអេឡិចត្រូនិក ផងដែរ។ រីឯខ្លួនវិញ រដ្ឋមន្រ្តីការបរទេសសឹង្ហបុរីលោក Vivian Balakrishnan បានលើកច្បាស់ថា សឹង្ហបុរីយកចិត្តទុកដាក់ ដល់ការជំរុញទំនាក់ទំនងសហប្រតិបតិ្តការ ជាមួយវៀតណាមលើគ្រប់វិស័យ ក្នុងនោះមានពាណិជ្ជកម្មវិនិយោគ បណ្ដុះបណ្ដាលធនធានមនុស្ស អប់រំ និងទេសចរណ៍ជាដើម៕
តាម VOV5 - វិទ្យុសំឡេងវៀតណាម