02/04/2021 11:49 GMT+7 Email Print Like 0

វៀតណាមប្រគល់ជំនួយជាទឹកប្រាក់ជួយកម្ពុជាប្រយុទ្ធប្រឆាំងនឹងជម្ងឺ កូវីដ ១៩

លោកអនុរដ្ឋមន្រ្តី Nguyen Quoc Dung បានប្រគល់ជានិមិត្តរូបជូនឯកអគ្គរាជទូតកម្ពុជាប្រចាំវៀតណាម លោក ចាយ ណាវុធ នូវជំនួយជាទឹកប្រាក់ចំនួន២០ម៉ឺនដុល្លាអាមេរិក។ (រូបថត៖ VNA)
 

នាព្រឹកថ្ងៃទី១ ខែមេសា ឆ្នាំ២០២១ នៅទីស្នាក់ការក្រសួងការបរទេសវៀតណាម លោកអនុរដ្ឋ មន្រ្តី Nguyen Quoc Dung បានប្រគល់ជានិមិត្តរូប ជូនឯកអគ្គរាជទូតកម្ពុជាប្រចាំវៀតណាម លោក ចាយ ណាវុធ នូវទឹកប្រាក់ ចំនួន២០ម៉ឺនដុល្លាអាមេរិក ដែលជាជំនួយរបស់ រដ្ឋាភិបាលវៀតណាមផ្ញើរជូនចំពោះរាជរដ្ឋាភិបាលនិងប្រជាជនកម្ពុជាដើម្បីចូលរួម ចំណែកក្នុងការប្រយុទ្ធប្រឆាំងនឹងជម្ងឺ កូវីដ ១៩។         ថ្លែងនៅពិធីនេះ លោកអនុរដ្ឋមន្រ្តី Nguyen Quoc Dung បានសង្កត់ធ្ងន់ថា រដ្ឋា ភិបាលនិងប្រជាជន វៀតណាមមានបំណងថា កញ្ចប់ជំនួយទឹកប្រាក់ចំនួន២០ម៉ឺនដុល្លា អាមេរិកនេះ នឹងចូលរួមចំណែកក្នុងការជួយឧបត្ថម្ភរាជរដ្ឋាភិបាលនិងប្រជាជនកម្ពុជា គ្រប់គ្រងការឆ្លងរាលដាលនៃជម្ងឺរាតត្បាតយ៉ាងឆាប់ៗ ធ្វើឲ្យស្ថានភាពវិលត្រឡប់មក រកប្រក្រតីភាព ហើយបន្តជំរុញការស្ដារឡើងវិញនិងការអភិវឌ្ឍនៃខឿនសេដ្ឋកិច្ច។

ក្នុងឱកាសនេះដែរ លោកអនុរដ្ឋមន្រ្តី Nguyen Quoc Dung ក៏បានថ្លែងអំណរ គុណដល់ការយកចិត្តទុកដាក់របស់រាជរដ្ឋាភិបាលនៃព្រះរាជាណាចក្រកម្ពុជា ចំពោះ សហគមន៍ជនវៀតណាមដែលកំពុងរស់នៅ សិក្សារៀនសូត្រនិងធ្វើការនៅកម្ពុជា ព្រមទាំងវាយតម្លៃខ្ពស់ពីការដែលរាជរដ្ឋាភិបាលកម្ពុជាបានចាប់ផ្ដើមចាក់វ៉ាក់សាំង បង្ការកូវីដ ១៩ ជូនក្រុមអង្គទូតនានា ក្នុងនោះមានកម្មាភិបាលនិងបុគ្គលិកនៃស្ថាប័ន តំណាងវៀតណាមប្រចាំកម្ពុជាផងដែរ។

រីឯខ្លួនវិញ លោកឯកអគ្គរាជទូត ចាយ ណាវុធ បានសង្កាត់ធ្ងន់ថា ជំនួយជាទឹក ប្រាក់យ៉ាងទាន់ពេលវេលារបស់វៀតណាម គឺជាការបំពេញបន្ថែមដ៏សំខាន់សម្រាប់ការ ខិតខំប្រឹងប្រែងរបស់កម្ពុជា សំដៅគ្រប់គ្រងការឆ្លងចូលក្នុងសហគមន៍នៃរលក កូវីដ ១៩ នាបច្ចុប្បន្ន៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ