នាថ្ងៃទី ១៨ ខែតុលាឧបនាយករដ្ឋមន្ត្រី លោក Trinh Dinh Dung បានទទួលជួបជាមួយលោក Robert Yap នាយកប្រតិបត្តិនៃសម្ព័ន្ធក្រុមហ៊ុន YCH ដែលជាសហគ្រាសឈានមុខគេនៃផ្នែក Logistics របស់សឹង្ហបុរីកំពុងមានបំណងវិនិយោគលើមជ្ឈមណ្ឌល Logistics មួយនៅវៀតណាមផងដែរ។
ឧបនាយករដ្ឋមន្ត្រី លោក Trinh Dinh Dung បានទទួលជួបជាមួយលោក Robert Yap
នាយកប្រតិបត្តិនៃសម្ព័ន្ធក្រុមហ៊ុន YCH (រូបថត៖ vnanet.vn)
ក្នុងជំនួបនេះ លោក Robert Yap បានលើកឡើងថា សម្ព័ន្ធក្រុមហ៊ុនYCH បានសម្រេចចិត្តចូលរួមបណ្តាក់ទុនរួមគ្នាជាមួយសម្ព័ន្ធក្រុមហ៊ុនT&T ដើម្បីវិនិយោគក្នុងការអភិវឌ្ឍមជ្ឈមណ្ឌល Logistics និងគម្រោងកំពង់ផែអន្តរជាតិនៅខេត្ត Vinh Phuc។ ជាមួយនឹងឧត្តមភាពអំពីទីតាំងការតភ្ជាប់ហេដ្ឋារចនាសម្ព័ន្ធនោះ មជ្ឈមណ្ឌលនេះនឹងបង្កើតជាចំណុចតភ្ជាប់សម្រាប់ចរន្តនៃខ្សែសង្វាក់ផ្គត់ផ្គង់ទំនិញរវាងវៀតណាមអាស៊ាននិងទីផ្សារក្នុងតំបន់និងអន្តរជាតិ។ លោក Robert Yap បានអោយដឹងបន្ថែមថានៅក្នុងគម្រោងមជ្ឈមណ្ឌល Logistics នេះក្រៅពីការផ្តល់សេវា Logistics ទំនើបបំផុតក៏នៅមានវិទ្យាស្ថានបណ្តុះបណ្តាលជំនាញ Logistics ផងដែរ។ បច្ចុប្បន្ននេះ គម្រោងកំពុងបញ្ចប់ជំហានត្រៀមដើម្បីអាចចាប់ផ្តើមបើកការដ្ឋានសាងសង់នៅត្រីមាសទី ៣ ឆ្នាំ ២០២០។
អញ្ជើញជាការឆ្លើយតប ឧបនាយករដ្ឋមន្ត្រី លោក Trinh Dinh Dung បានស្វាគមន៍គម្រោងវិនិយោគរបស់ YCH និង T&T ព្រមទាំងចាត់ទុកថានេះជាការបង្ហាញជាក់លាក់អំពីការអភិវឌ្ឍន៍វិជ្ជមាននៃភាពជាដៃគូយុទ្ធសាស្ត្រវៀតណាម - សិង្ហបុរី។ យោងតាមឧបនាយករដ្ឋមន្រ្តីគោលដៅរបស់វៀតណាមគឺដើម្បីកសាងប្រព័ន្ធហេដ្ឋារចនាសម្ព័ន្ធដឹកជញ្ជូនមានកម្រិតអន្តរជាតិ ដើម្បីកាត់បន្ថយចំណាយសម្រាប់អាជីវកម្ម៕
តាម VOV5 - វិទ្យុសម្លេងវៀតណាម
