ប្រធានរដ្ឋវៀតណាម លោក Tran Dai Quang បានអញ្ជើញទទួលជួបជាមួយរដ្ឋមន្ត្រីវិមានប្រធានាធិបតីម៉ាដាហ្គាស្ការ
លោក Rakatovao Rivo 

នារសៀលថ្ងៃទី៨ឧសភានៅទីក្រុងហាណូយ ប្រធានរដ្ឋវៀតណាម លោក Tran Dai Quang បានអញ្ជើញទទួលជួបជាមួយរដ្ឋមន្ត្រីវិមានប្រធានាធិបតីម៉ាដាហ្គាស្ការ លោក Rakatovao Rivo ដែលកំពុងមានដំណើរទស្សនកិច្ចការ ងារនៅវៀតណាម។នៅទីនេះ លោក Tran Dai Quang បានសង្កត់ធ្ងន់ថា វៀតណាមត្រៀមជាស្រេចសហប្រតិបត្តិការ​ជាមួយម៉ាដាហ្គាស្ការ លើបណ្តាវិស័យដែលជាបៀបខ្លាំងរបស់វៀតណាមនិងម៉ាដាហ្គាស្ការមានតម្រូវការ។លោក Tran Dai Quang មានបំណងថា នាពេលខាងមុខ ភាគីទាំងពីរនឹងលើកទឹកចិត្តឲ្យសហគ្រាសនៃប្រទេសទាំងពីរ មកស្វែងរកឱកាសវិនិយោគធ្វើអាជីវកម្ម។ វៀតណាមស្នើឲ្យភាគីម៉ាដាហ្គាស្ការ បញ្ជូនអ្នកជំនាញការ និងសិក្ខាកាម​មកវៀតណាមរៀនសូត្រផងនិងចែករំលែកបទពិសោធន៍ក្នុងការអភិវឌ្ឍន៍ ផ្នែកកសិកម្ម ធានាសន្តិសុខ​ស្បៀងអាហារនៅវៀតណាម។

រីឯខ្លួនវិញ រដ្ឋមន្ត្រីវិមានប្រធានាធិបតីម៉ាដាហ្គាស្ការបានឲ្យដឹងថា វិស័យកសិកម្មនិងចិញ្ចឹមសត្វជាវិស័យសំខាន់ដែលម៉ាដាហ្គាស្ការមានបំណងសហប្រតិបត្តិការជាមួយវៀតណាម។ លោករូបនេះបានជឿជាក់ថាក្នុងដំណើរទស្សនកិច្ចវៀតណាមលើកនេះ  ភាគីទាំងពីរនឹងទទួលបានកិច្ចព្រមព្រៀងសហប្រតិបត្តិការជាច្រើនជាពិសេស​លើ​វិស័យកសិកម្ម៕

តាម VOV5 - វិទ្យុសម្លេង​វៀតណាម