28/04/2019 07:59 GMT+7 Email Print Like 0

វៀតណាមទទួលតំណែងជាប្រធាន AAPTC 2020


 វៀតណាមទទួលបានតំណែងជាប្រធាន AAPTC 2020
 

 នាថ្ងៃទី២៦ ខែមេសា ឆ្នាំ២០១៩  ក្នុងក្របខ័ណ្ឌនៃ​សិក្ខាសាលា និង កិច្ចប្រជុំប្រចាំឆ្នាំរបស់សម្ព័ន្ធ​សមាគមបណ្តាមណ្ឌល​រក្សាសន្តិភាពអាស៊ី​​ - ប៉ាស៊ីហ្វិក (AAPTC)​ នៅទី​ក្រុងបាងកកនៃប្រទេស​ថៃនោះ វៀតណាម​បាន​ទទួល យកនូវដំណែ​ងជាប្រធាន AAPTC ឆ្នាំ ២០២០ ពី​ប្រទេស ថៃ។ គណៈ​ប្រតិភូវៀត​ណាម​ដឹកនាំ​ដោយ​ឧត្ដមសេនីយ៍​ត្រី Hoang Kim Phung ប្រធាននាយកដ្ឋា​នរ​ក្សាសន្តិភាព អញ្ជើញចូល​រួមក្នុង​កិច្ច​ប្រជុំ​ទាំង​នេះផ​ងដែរ។

សិក្ខាសាលានិងកិច្ចប្រជុំជាប្រចាំឆ្នាំរបស់ AAPTC បានប្រព្រឹត្តទៅ ដើម្បី​ពង្រឹង​ទំនាក់​ទំនង​រវាង​បណ្តា​មជ្ឈមណ្ឌល​​រក្សាសន្តិភាពអាស៊ី - ប៉ាស៊ីហ្វិក ដែលក្នុងនោះ ផ្តោតលើការ​ពិភាក្សានិង​ការចែករំលែក​នូវប្រធាន​បទ​​សំខាន់​ៗ ដូចជាការបង្កើនប្រសិទ្ធភាពនៃ​សកម្មភាព នារីសន្តិភាពនិងសន្តិសុ​ខ និងកិច្ច​ការពារប្រជាជន​ស៊ីវិល​​ជាដើ​ម។ អញ្ជើញបង្ហាញបទអន្តរាគមន៍ ឧ​ត្តមសេនីយ៍ត្រីលោក Hoa​ng Kim Phung បានអះអាងថា វៀ​តណាម​​ជានិច្ចកាលគាំទ្រនិង​អនុលោមទៅតាមលក្ខណៈវិនិច្ឆ័យ ដែលកំណត់ដោយអង្គការសហប្រ​ជាជាតិ ស្តីពី​ការលើក​​កម្ពស់​តួនាទីស្ត្រីក្នុងការ ​រក្សាសន្តិភាព ជាក់ស្តែងគឺវៀតណាម បានបញ្ជូន​នាយ​ទាហាន​ជានារី​ម្នាក់​ដើម​ដំបូង​ទៅ​បំពេញបេសកកម្ម​ជាសេនាធិការ​នៅឯក្រុម​បេសកម្ម​រក្សាសន្តិភាព​របស់​អង្គការ​សហប្រជា​ជាតិ​នៅស៊ូដង់​​ខាង​ត្បូង (UNMISS)​។ លើសពីនេះទៀត វៀតណាមក៏បានអះអាងសាជា​ថ្មីថា​ ប្រសិន​បើ​បាន​ជ្រើស​រើស​ឱ្យជំនួស​​ក្រុមវិស្វកម្មរបស់ អង់គ្លេសនៅ UNMISS វៀតណាមនឹងបញ្ជូនយ៉ាងហោចណាស់ ១០% នៃបុគ្គលិក​​យោធារ​បស់​ខ្លួន​ជាស្ត្រីផងដែរ៕​

 

តា​ម​​ VOV5 - វិទ្យុសំឡេង​វៀតណាម​

បណ្តាព័ត៌មានបានផ្សាយ