នាយប់ថ្ងៃទី២ ខែកុម្ភៈ ឆ្នាំ២០១៩ ពោលគឺថ្ងៃទី២៨ ខែ១២ តាមច័ន្ទគតិ វិថីផ្កា Nguyen Hue ក្នុងបុណ្យតេតឆ្នាំកុរ ឯកស័ក ២០១៩ នៅទីក្រុងហូជីមិញ បានបើកទ្វារជាផ្លូវការ ដើម្បីទទួលស្វាគមន៍ប្រជាជនទីក្រុងនិងភ្ញៀវទេសចរ​មក​ទស្សនាក្នុងបុណ្យ ចូលឆ្នាំថ្មីប្រពៃណីជាតិ។

ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញទៅទស្សនាវិថីផ្កា Nguyen Hue (រូបថត៖ VOV)

វិថីផ្កាឆ្នាំនេះមានប្រវែងចំនួន ៧២០ ម៉ែត្រ ដែលត្រូវបានចែកជា៣កំណាត់ផ្លូវ ស្នូលក្រោមប្រធានបទផ្សេងគ្នាចំនួន៣នោះគឺ៖ ទីក្រុងជាទីស្រឡាញ់ពោរពេញទៅដោយអត្តសញ្ញាណ ទីក្រុងឆ្លាតវៃនិងទីក្រុងប្រកបដោយនវានុវត្តភាព​។ លក្ខណៈពិសេសបំផុតនៃវិថីផ្កាឆ្នាំនេះគឺវត្តមានរបស់កូនជ្រូកដីចំនួន ៦ ក្បាល ដែលត្រូវបានដាក់នៅតាមបណ្ដោយវិថីនេះ។ កូនជ្រូកដីទាំងនេះគឺសំដៅផ្ញើរសារមួយទៅកាន់មនុស្សគ្រប់រូបនោះគឺ “បុណ្យតេតធ្វើការងារ​ល្អ រួមដៃបរិច្ចាកទឹក ប្រាក់ជួយឧបត្ថម្ភសិស្សានុសិស្សក្រីក្រនៅទីក្រុងហូជីមិញ”។ លោក Vuong Anh Tuan អគ្គនាយករងក្រុមហ៊ុន Saigon Tourist ប្រធានគណៈចាត់តាំងវិថីផ្កា Nguyen Hue បានអោយដឹងថា៖

“វិថីផ្កាឆ្នាំនេះមានកំណាត់ចំនួន ៣ ដែលក្នុងនោះយើងខ្ញុំចង់សង្កត់ធ្ងន់លើកំណាត់ “ទីក្រុងឆ្លាតវៃ” ដោយមានការរចនាសនិងការតុបតែងដ៏ថ្មីថ្មោង។ ឆ្នាំនេះ យើងខ្ញុំក៏ជ្រើសរើសកូនជ្រូកដីចំនួន៦ក្បាល់ ដើម្បីអំពាវនាវអោយមានការរៃ អង្គាសទឹកប្រាក់ជួយឧបត្ថម្ភសិស្សក្រីក្រនៅទីក្រុងផងដែរ”។

នេះជាឆ្នាំទី ១៦ ជាបន្តបន្ទាប់ហើយដែលវិថីផ្កា Nguyen Hue ត្រូវបានរៀបចំ ឡើងដើម្បីអោយប្រជាជននិងភ្ញៀវទេសចរមានលំហរទទួលអំណរបុណ្យចូលឆ្នាំថ្មីប្រពៃណីនៅទីក្រុងហូជីមិញ៕

តាម VOV5- វិទ្យុសម្លេងវៀតណាម