រដ្ឋសភាវៀតណាមអនុម័តលើឯកសារសំខាន់ចំនួន២ដែលបើកឱកាសជ្រៀតចូលទីផ្សារ EU
(រូបថត៖ quochoi.vn)
នាព្រឹកថ្ងៃទី៨ ខែមិថុនា ឆ្នាំ២០២០ ក្នុងក្របខ័ណ្ឌនៃសម័យប្រជុំលើកទី៩ រដ្ឋសភា វៀតណាមនីតិកាលទី១៤ ដោយទទួលបានសម្លេងគាំទ្រយ៉ាងច្រើនលើសលុប រដ្ឋសភាបានអនុម័តលើសេចក្ដីសម្រេចចិត្តផ្ដល់សច្ចាប័ណ្ណលើកិច្ចព្រមព្រៀងពាណិជ្ជកម្មសេរី រវាងសាធារណៈរដ្ឋសង្គមនិយមវៀតណាមនិងសហភាពអឺរ៉ុប (EVFTA) និងសេចក្ដីសម្រេចចិត្តផ្ដល់សច្ចាប័ណ្ណលើកិច្ចព្រម ព្រៀងគាំពារវិនិយោគរវាងវៀតណាមជាមួយប្រទេសជាសមាជិកនៃសហភាពអឺរ៉ុប (EVIPA)។
អញ្ជើញចូលរួមសម័យប្រជុំនេះក៏មានវត្តមានប្រធាន ក្រុមបេសកកម្ម អឺរ៉ុបប្រចាំវៀតណាម រួមជាមួយឯកអគ្គរដ្ឋទូតប្រទេស EU នានាប្រចាំនៅ វៀតណាមផងដែរ។ វាយតម្លៃចំពោះការអនុម័តលើកិច្ចព្រមព្រៀង EVFTA លោក Nguyen Van Giau ប្រធានគណៈកម្មាធិការកិច្ចការបរទេសនៃរដ្ឋ សភាបានឲ្យដឹងថា៖
“ការអនុម័តលើកិច្ចព្រមព្រៀងនេះគឺសមស្របនឹងគោលជំហរកិច្ចការ បរទេស ដោយឆ្ពោះទៅរកទីផ្សារសហភាពអឺរ៉ុបពោរពេញទៅដោយសក្ដា នុពល ដែលមានប្រទេសជាសមាជិកជាច្រើននាំមុខគេផ្នែកវិនិយោគនិងពាណិជ្ជកម្ម។ ផលប្រយោជន៍គឺជំរុញការដោះដូរពាណិជ្ជកម្មទ្វេភាគី ចូលរួមខ្សែសង្វាក់ផ្គត់ ផ្គង់សកល បង្កើនទំហំនាំចេញនៃមុខទំនិញសំខាន់ៗដូចជាកសិផល ជលផល វាយនភ័ណ្ឌ ហើយប្រជាជនវៀតណាម មានឱកាសទិញទំនិញ ឧបករណ៍សម្ភារៈ ម៉ាស៊ីន និងគ្រឿងសំអាងប្រកបដោយគុណភាពខ្ពស់ ហើយមានតម្លៃសមរម្យផងដែរ”។
ចំណែកឯកិច្ចព្រមព្រៀង EVIPA វិញ ក៏ត្រូវបានរំពឹងទុកថា នឹងជួយឲ្យ វៀតណាមទាក់ទាញដើមទុនវិនិយោគ អភិក្រមនឹងបច្ចេកវិទ្យាទំនើប និង បច្ចេកវិទ្យាស្អាតពីអឺរ៉ុប ក្នុងកាលៈទេសៈដែលអឺរ៉ុបកំពុងមានគម្រោងវិនិ យោគប្រមាណ២៥០០ក្នុងដើមទុនចុះបញ្ជីចំនួន២៧,៥ពាន់លានដុល្លា អាមេរិកនៅវៀតណាម។
កិច្ចព្រមព្រៀងទាំងពីរនេះគ្រោង នឹងចូលជាធរមានចាប់ពីថ្ងៃទី១ សីហា ខាងមុខនេះ៕
តាម VOV5 - វិទ្យុសំឡេងវៀតណាម