រដ្ឋមន្ត្រីក្រសួងការពារជាតិឡាវ លោក Chansamone Channhala មកបំពេញទស្សនកិច្ចជាផ្លូវការនៅវៀតណាម
គណៈប្រតិភូយោធានៃប្រទេសទាំងពីរពិភាគ្សាការងារ
នាព្រឹកថ្ងៃទី២០ ខែមិថុនា ឆ្នាំ២០១៦ នៅទីក្រុងហាណូយ រដ្ឋមន្ត្រីក្រសួងការពារប្រទេសវៀតណាម លោក Ngo Xuan Lich បានអញ្ជើញទទួលជួប និងពិភាក្សាការងារ ជាមួយរដ្ឋមន្ត្រីក្រសួងការពារជាតិឡាវ លោក Chansamone Channhala ដែលមកបំពេញទស្សនកិច្ចមិត្តភាពជាផ្លូវការនៅវៀតណាម។ នៅទីនេះរដ្ឋមន្ត្រីទាំងពីររូបបានឯកភាព ជម្រុញការអនុវត្តប្រកបដោយប្រសិទ្ធិភាព នូវខ្លឹមសារដែលចែងក្នុងពិធិសារក៏ដូចជាផែនការសហប្រតិបត្តិការ រវាងវៀតណាមជាមួយឡាវ ក្នុងនោះផ្តោតសំខាន់លើការងារផ្លាស់ប្តូរគណៈប្រតិភូគ្រប់ជាន់ថ្នាក់ ផ្លាស់ប្តូរបទពិសោធន៍ជិកគាស់ ប្រមូលផ្តុំនិងធ្វើមាតុភូមិនិវឌ្ឍន៍អិដ្ឋធាតុកងទ័ពស្ម័គ្រចិត្ត និងអ្នកជំនាញការវៀតណាម ដែលពលីនៅឡាវជាដើម។ ភាគីទាំងពីរក៏បានឯកភាព ផ្លាស់ប្តូរមតិដើម្បីស្វែងរកសម្លេងរួមលើបណ្តាបញ្ហា ក្នុងតំបន់និងអន្តរជាតិរួមចំណែករក្សាសាមគ្គីភាពក្នុងតំបន់ ដើម្បីសន្តិភាព ស្ថិរភាព សន្តិសុខក្នុងតំបន់ និងលើពិភពលោកផងដែរ៕
តាម VOV5 - វិទ្យុសម្លេងវៀតណាម