21/08/2019 11:02 GMT+7 Email Print Like 0

រក្សាទំនាក់ទំនងការពារជាតិវៀតណាម - អាមេរិកប្រកបដោយប្រសិទ្ធភាពជាក់ស្ដែង


 ទិដ្ឋភាពនៃជំនួប 
 

នា​រសៀលថ្ងៃទី១៩ ខែសីហា ឆ្នាំ២០១៩ នៅទីក្រុងហាណូយ លោកឧត្តមសេនីយ៍ឯក Pham Van Giang ប្រធាន​អគ្គ​សេនាធិការ​កងទ័ពប្រជាជនវៀតណា​ម និងជាអនុរដ្ឋ​មន្រ្តីក្រសួង​ការពារជាតិ​វៀត​ណាម​បាន​ទទួល​ជួប​ជាមួយ​គណ​ប្រតិភូបញ្ជាការកងទ័ពជើងអាកាស​អាមេរិក ដឹកនាំដោយ លោកនាយឧត្តមសេ​នីយ៍ David Goldfein មេ​បញ្ជាការកងទ័ពជើងអាកាសអាមេរិក ​ក្នុ​ងឱកាស​ បំពេញទស្សនកិច្ចការងារនៅវៀ​ត​ណាម ។
 
អញ្ជើញ​ថ្លែងនៅទីនេះ លោកឧត្តមសេនីយ៍ឯក Pham Van Giang បានឲ្យដឹងថា នាបច្ចុប្បន្ននេះ ទំនាក់​ទំនង​សហប្រតិ​បត្តិការ​ការពារ​ជាតិ​រវាង​ប្រទេស​ទាំង​ពីរ​វៀត​ណាម និង​សហរដ្ឋ​អាមេរិក​បាន​បន្ត​អភិវឌ្ឍន៍​ស្របតាម​ក្របខ័ណ្ឌ​នៃអនុស្សារណៈយោគយល់គ្នាស្ដីពីការជំរុញទំនាក់ទំនងការពារជាតិ ដែលបាន​ចុះហត្ថ​លេខា​កាលពី​ឆ្នាំ​ ២០១១ និងសេចក្ដីប្រកាសស្ដីពីចក្ខុវិស័យរួ​ម ស្ដីពីទំនាក់ទំនងការពារជាតិដែលបានចុះហត្ថ​លេខាកាល​ពី​ឆ្នាំ ​២០១៥។​

ជាការ​ឆ្លើយតប លោក នាយឧត្តមសេនីយ៍ David Goldfein បាន​ស្នើឲ្យភាគី​ទាំងពីរ​បន្តជំរុញ​ខ្លាំងការ​ផ្លាស់​ប្ដូរ​គណៈប្រ​តិភូ កិច្ចពិគ្រោះយោបល់ជំនាញ ចែករំលែកបទពិសោធន៍អំពីសុវត្ថិភាពហោះហើរ វេជ្ជសាស្ត្រអាកាស​ចរណ៍ ​ការជួយសង្គ្រោះ ការបណ្តុះបណ្តាលភាសាអ​ង់គ្លេស និងអាកាសយានិក​ជាដើម​៕

 

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ