ក្រោយរយៈពេល ២៣ ថ្ងៃប្រព្រឹត្តទៅយ៉ាងផុលផុសជាមួយនឹងសកម្មភាពជួបប្រាស្រ័យវប្បធម៌ សេដ្ឋកិច្ចពាណិជ្ជកម្មច្រើននោះ ពិធីបុណ្យវប្បធម៌ពិភពលោក ទីក្រុងហូជីមិញ-Gyeongju ២០១៧ បានបិទបញ្ចប់ប្រកបដោយជោគជ័យនាយប់ថ្ងៃទី៣ ខែធ្នូ ឆ្នាំ២០១៧ ដោយទទួលបានភ្ញៀវមកទស្សនាទាំងជាតិនិងអន្តរជាតិជាង៤លាននាក់។
ពិធីបុណ្យនេះ ក៏បានទាក់ទាញការចូលរួមរបស់ប្រទេសចំនួន ៣២ លើទូទាំងពិភពលោក មកសម្តែងសិល្បៈ តាំងពិព័រណ៍ និងបញ្ចាំងខ្សែភាពយន្តជាដើម ។ អ្នកស្រី Tran Nu Ai Nhi សមាជិកាគណៈចាត់តាំងបានឲ្យដឹងថា៖
“ភ្ញៀវមកទស្សនភាគច្រើនជាជនវៀតណាម ហើយជនជាតិកូរ៉េខាងត្បូងក៏មកទស្សនាច្រើនដែរ ជាពិសេសមានទាំងភ្ញៀវជនជាតិបារាំង សិង្ហបុរី ម៉ាឡេស៊ី ផង ។ គេមកទស្សននាពិធីបុណ្យព្រោះគេចង់ស្គាល់អំពីប្រវត្តិសាស្ត្ររវាងវៀតណាម ជាមួយកូរ៉េខាងត្បូង។ពិធីបុណ្យគឺពោរពេញទៅដោយអត្ថប្រយោជន៍ក្នុងការរីកសាយភាយវប្បធម៌និងប្រវត្តិសាស្ត្ររបស់ប្រទេសទាំងពីរវៀតណាមនិងកូរ៉េខាងត្បូងផងដែរ”។
ពិធីបុណ្យវប្បធម៌ពិភពលោកទីក្រុងហូជីមិញ-Gyeongju ២០១៧ បានរួមចំណែកក្នុងការជម្រុញចំណងមិត្តភាពរវាងវៀតណាមជាមួយកូរ៉េខាងត្បូងក៏ដូចជាជាមួយប្រទេសនានាលើពិភពលោក៕
តាម VOV5 - វិទ្យុសម្លេងវៀតណាម
